الحلقة 36 :
دخلت للبيرو لقيتها قاعدة عليه .. غزرتلي بتسوميم .. جاني الضحك من منظرها مي حكمت روحي .. قدمت حطيت الدوسي عالبيرو .. هزيت تيليفون و الڤاست ..
جود؛ هيا نتغداو ..
شوي و لحقتني .. ركبنا فالأصانصير .. تكيت للتالي نغزرلها .. تفرح في يديها .. نعرف متوترة ..تبسمت .. تحل خرجنا
ألينا؛ وين نتغداو ؟
جود؛ دوك تشوفي
ركبنا .. تعدات نص ساعة .. حبست الطوموبيل .. ريستورون المفضل عندي .. دخلنا .. رحب بيا.. لقيت بلاصتي ديجا واجدة .. طل على منظر المدينة كامل .. قعدت باقي نتبع في حركاتها بلا ما تحس .. تفرك فيديها عالتابل ..
جود؛ عندك هدرة حابة تقوليها ؟
ألينا؛ كيما واش ؟
جود؛ نتي اللي علابالك
النادل ؛ مسيو جود كيما العادة ..
جود؛ حبس تقرا الموني
ألينا؛ جيبلي كيما مالف ياكل
النادل؛ أوكي
جود؛ بالاك ميعجبكش وش ناكل
ألينا؛ عندي ثقة فذوقك
طلعت راسي غزرتلها .. فاقت على روحها وش هدرت
ألينا؛ ن نقصد الماكلة يعني
جود؛ ممم
باقي ساكت .. نستنا فيها تهدر ..تحطوا قدامنا الأطباق .. تلفتت غزرتلهم .. پيتزا تاع فرن الحجر بالشومپينيون .. كالامار مشوي مع صوص بيضا .. شرائح تون مع ريزوتو ..صالاد .. كروفات مع موس الثوم .. غزرتلهم و تلفت ليا بعد ماراح النادل
ألينا؛ موالف تاكل هاذو كامل في نهار ؟
جود؛ ممم
ألينا؛ و مسمنتش أنا نزيد 4 كيلو نورمال
تبسمت.. هاي وحدها ولات تهدر ..
جود؛ مإكولات بحرية ميزيدوش فيك و الپيتزا العجينة تاعها خفيفة ذوقي ..
باقية تتذوق و تمد في رايها .. مسكتتش كامل و هي تهدر عالماكلة .. مرات نسرح معاها هكاك .. و نفيق روحي .. كملنا سلكت و خرجنا .. ركبنا
ألينا؛ آي كرشي تسطر
جود؛ قتلك متكثريش
ألينا؛ وش حسدتني في لقمة
جود؛ حابة تزيدي نهبط نامپورطيلك ؟
ألينا؛ لالا
جود؛ دوك نوصلك للدار و نرجع نخدم
ألينا؛ علاااااااااااااه
جود؛ علاه تعيطي نسمع راني
ألينا؛ مش حابة نروح ؟؟
جود؛ ما عندك ما ديري فالشركة تاني
ألينا؛ نخدم
جود؛ و الشركة تاعك ؟ ..
ألينا؛ مريڨلة الأمور كامل بتيليفون
جود؛ بسلامتك
ألينا؛ ممم
حبس الطوموبيل بزربة ..
ألينا؛ علاه تسوق هكا .. تلفت كي نزل عند مرا كبيرة تبيع فالورد .. باقي يضحك و يشايخ معاها.. الظاهر يعرفها .. للحظة تبسمت و أنا نثبت فتفاصيلوا .. واش كون قعدنا كيما فلول .. تلفتوا في زوج غزرولي .. عملتلي بيدها ارواحي .. نزلت مشيت عندهم ..
جود؛ ألينا هادي فاطمة
ألينا؛ متشرفين أنا ألينا
فاطمة؛ تي يزي من الرسميات هاذي .. شفتوا السبع هذا من لي كان قد هكا و هو يتعدا عليا يشري الورد .. تربا على يدي
تبسمت و تلفتلوا
ألينا؛ وين كنت تديه
فاطمة؛ ههه بش يقوم طرح غيرة هوني .. أنا بش نطمنك كان يديه لجداتو .. ماي كانت صحبتي .. الله يرحمها
تبسم و حظنها
جود؛ منا البركة فيك راو
ألينا؛ تحكيو بالتونسية ؟
فاطمة؛ أنا تونسية .. المهم ماكش راح تمد لمرتك الورد
ألينا؛ حشيشة ميجيبهاش
طلع حاجبوا غزرلي .. خبطتوا على كتفوا
فاطمة؛ هكااا يا هاامل .. مسيب بنت الناس لا وزادة يڨحرلها ملفوق
جود؛ شنوة خالتي عاملة كومبين من أول لقاء
ألينا؛ هههههه
فاطمة؛ بالطبيعة هههه .. متتحركوش تو نرجع
مع مشات قدم عندي ..
جود؛ قصدك أنا مشحاح
ألينا؛ اممم
جا بش يحكي .. قص عليه كي فاتوا علينا زوج و صفروا عليا .. هز حاجبوا مع جا يتحرك حكمتوا .. من ذرعيه
ألينا؛ جووود حبببس
جود؛ دوك نقطعلهم لسانهم
ألينا؛ ي حبسسسس
تلفت غزرلي .. و رما يديه تحت الفاست جبد الفرد .. هادوك اللي كان واقفين يصفروا تخلعوا من اللي كانوا يستناو فيه بش يضربوه .. احسن شي الشارع مفيهش بزاف عباد .. ركحوا فيدوا و صوب عليهم (ملاحظة: الحوارات مع اللي مش جزايريين راهي بالإيطالية )
جود؛ يتحرك خطوة واحد فيكم ********
غزرتلوا عينيه حمر بش يطرشقوا .. مش مبين خلاص بلي راح يطلقهم حيين .. ياخي وكتاه ولا متوحش هكا .. تلفت ليا
جود؛ بعدي نتي
ألينا؛ مش راح نبعد
جود؛ ********* بعدي
جا يدزني .. تعنكشت فرقبتوا بيديا .. حطيت شفافي على شفافوا .. بستوا .. حسيت بيه كي تفآجئ.. من اللي كنت رايحة نركحوا .. نسيت على روحي جملة و انا غاطسة فيه و مام هو حط يدو على وسطي .. قربني ليه اكثر .. شوي و جبد .. منار وجوهنا قراب .. حليت عينيا لقيتوا يعدي في عينيه على وجهي .. فقنا وقت حمحمت
فاطمة؛ احممم احممم مش أون public
جبد روحو ضحك و قدم حكم عليها البوكي ...تلفت نحوس على اللي كانوا واقفين مكانش .. تنهدت .. كان راح يستجرم بسبة تصفيرة يا الزح .. تلفتلوا وقت حكا
جود؛ حطيتهم هربوا ؟ هزوهم رجالي .. كي كنتي تنسي فيا ..
ألينا؛ كيفاااه
تلفت غزرت الطوموبيلات لكوحل 3 محبسين ورانا بمسافة 10 متر هكاك .. تاففت .. وش كنت متوقعة راو مافيا زعما حا يمشي وحدوا ..تلفت كي قاعد يشايخ معاها ..و يضحكوا عادي خلاص .. تنهدت .. قدمت عندها
ألينا؛ خالتي فاطمة معريفة خير
فاطمة؛ يعيشك بنتي .. هاكي غرفتي لبلاصة عودي طلي علينا
ألينا؛ مش الله
تلفت مشيت للطوموبيل ركبت .. من غير ما نغزرلوا .. حطيت راسي على جنب نغزر لبرا .. أهم شي منشوفش جيهتوا .. يخي وش لزني نبوسوا هكا .. يقتلهم ولا يريشهم .. فاللخر ربحت العيب برك .. حكمهم .. تأففت ...
فاطمة؛ ههه الظاهر مغششة
جود؛ ممم
فاطمة؛ برا رضيها يزي من كسوحية راسك
جود؛ لازم حتى تنحي طبايعها الخايبين
فاطمة؛ انتي زادة ماكش قليل .. و بالعقل عالبزوز اللي حكمت ..
جود؛ ههه نشالله أنا نخليك توا .. هاني نعدي ساعات
فاطمة؛ انشالله رد بالك على روحك و عليها .. و متنساش تمدلها الورد ..
جود؛ ههه فهمنا
طبس باسلها راسها .. و ركب ..
ألينا؛ وصلني للدار و روح على روحك
ديمارا من غير ما يحكي .. يسوق تقول فسباق .. تنهدت كي حبس .. هزيت صاكي .. جيت نازلة محلش الباب ..
ألينا؛ الباااب
باقية نحاول والو .. تلفت ڨحرتلوا .. لقيتوا متكي راسوا التالي مغمض عينيه .. نفخت و رميت يدي نتكا عالبوطون .. حكملي يدي جبدني عندوا .. جا وجهي مع وجهوا ..
