الحلقة 19 :
حليت عينيا .. ضو قوي ضرب فيهم .. خلاني نرمش مرات .. الرؤية بدات تتوضح .. تلفت لقيتو راقد على يدي .. عاودت... تفكرت شصار وعلاش أنا .. وقت تذكرت .. حطيت يدي عالبلاصة اللي تقست منها توجعت شوي .. بدا يتململ بش ينوض .. باقية نغزرلوا .. مع حل عينيه و راني .. تنطر
جود؛ حبيبي صافا!!!.. واش تحسي دوك .. واش يوجع فيك ؟!!
جيست تبسمت.. و انا نغزرلوا هكاك .. عاود سقساني... جيست نغزرلوا .. للحظة حطيت روحي معادش نشوفوا مرة خلاف .. جيت نتقعد .. تنطر حكمني
جود؛ اركحي نعيط للطبيب و نجي
عيطلوا عدا عليا و فحصني .. طلب منو أنو نرتاح ولا حركة غالطة حتى يرتاح الجرح.. باقية جيست نغزرلوا.. نظن مام نحكي و نفسر .. مي محال نقدر نوصف شعور انو الواحد يوصل للنهاية و يحط اللي كلش حبس هنا .. خرج الطبيب قدم عندي .. حكم يدي
جود؛ صافا!!
نزلت دمعة مني .. طلع حاجبوا مستغرب ..
جود؛ كاين حاجة توجع فيك !!!
ألينا؛ حضني
جود؛ كيفاه
ألينا؛ حضني جود
غزرلي ندرا كيف .. و طبس بالشوي حضني .. لفيت يديا على ظهرو .. و غرست راسي فرقبتوا .. الدمعة ولات دمعات .. خذيت نفس من ريحتوا.. حسيت بيه كي تنهد ..
ألينا؛ ح حطيتها النهاية جود .. النهار اللي كان لازم نفرحوا فيه .. كنت بش نموت .. مخفتش من الموت قد ماخفت اني نفقدك.. منراكش لآخر مرة ... م مش رايحين يخليونا جود .. مستحيل نتهناو فحياتنا ...كلهم ضد هاد العلاقة ..
جبدني شوي .. هز صوابعوا مسحلي خدودي .. و باسهم .. حط جبهتوا على جبهتي .. تنهد و حكا
جود؛ شكون رما عليك ؟
رجعت بيا الصورة لوجهها .. و كلامها ... بلعت ريقي .. جبد روحو و غزرلي يستنا فالجواب
جود؛ كيفاه مداير ؟
ألينا؛ مرا
جود؛ مرا ؟؟؟
ألينا؛ اممم قاتلي اللي عمها مش موافق و قوصت .. جاية طويلة سمرا ..عينيها خض
جود؛ ليوم ************
جاينوض حكمتلوا يدو فيسع
ألينا؛ عرفتها ؟؟؟
جود؛ ريتا
ألينا؛ تق صد خ خطيبتك .. السابقة يعني
جبد روحو مني و هز تيليفونو .. منعرف فيمن يطلب
جود؛ طوالو يديك ********
ضحكت ضحكة خفيفة بتمڨعير
ريتا؛ بونجوغ حبيبي توحشتك
جود؛ غير روحي عندو يخبيك .. نحكمك ************
ريتا؛ نن عيب الهدرة هاذي علابالك.. عرسنا مبقالوش
جود؛ ابداي تحسبي ياماتك ريتا
كوبا عليها .. يريقل من القلقة .. جيت نتحرك تلفت ليا
جود؛ بلاصتك نتي
طلعت راسي غزرتلوا.. و مبعد طرشقت بالضحك.. غزرلي مستغرب
ألينا؛ ههه من نيتك حاطني جروة
جود؛ ههه بلعي ..
طبطب الباب و دخلوا
فادي؛ مرحبااا بينا
ألفة؛ ترحب بينا الجنة
جود؛ هيه هيه بياري زادمين مش زيارة مريض
فادي؛ ههه نحبوا نديرو كابتير عاللقطات الغومونتيك كدا منا منهيه
جود؛ قدامنا بنات كون سمعتك
ألفة؛ الله على أخلاقك يا محمد صلاح
ألينا؛ هههههه حبسوا منقدرش نضحك نتوجع
فادي؛ ي هاكي كي الحصان ماشاء الله خلعتينا برك و نشفتيلنا دمو م البارح
ألينا؛ مليح التجرجير
ألفة؛ آ وي مليح
فادي؛ ههه الفة فوتك من هاذ الطريقة التقليدية متنفعش معايا
ألفة؛ شكون قالك عيني فيك يا عيوني
جود؛ ياااا ههههه متعرفني منعرفك من ليوم ..
فادي؛ اوك يا لالا تفكريها مليح
ألينا؛ أنا الشاهد
جود؛ خلاص بركا ما تتحلف كي الهجالة هيا تبعني
الفة و الينا : هههه
خرجوا
ألفة؛ صافا ؟
ألينا؛ توجع سطر يقطع
ألفة؛ شكون صاوبك
ألينا؛ بنت عمو ..
ألفة؛ كيييييفاش قصدك اللي خاطبينهالو !!!
ألينا؛ اممم
ألفة؛ يااا الرب احكيلي كيفاه
............................
فادي؛ تتمسخر ! ريتا !! توقعت من جيهة باباك مي متوقعتش ريتا ..
جود؛ مربيها شكون .. اللي حبسلي راسي .. كيفاه يبعثها هي لدبي من دومهم كامل
فادي؛ الوضع ميبشرش بالخير ..
جود؛ من جيهة حاب نحكم ريتا ****** .. من جيهة حاب نروحلوا هو تاني .. من جيهة ألينا؛ متصاوبة منقدرش نخليها فوضع هكا ... ******** كلش في بعضاه..
فادي؛ لازم نريڨلوها .. في بالك اللي عايلة ألينا عيطوا عندها و زادوا عند الفة و عندي يتفقدوها .. بالسيف بلعطناهم .. باباها مش واحد ساهل خلاص ..
جود؛ نعرف فادي والله نعرف .. مي كان لازم ندي خطوة تاع الزواج .. محبيتش نخليها تحس بلي راهي تعڨاب وقت و برك..
فادي؛ مي كي حطيت علاقتكم فالواقع .. قريب خسرت الطفلة... لازم تستوعب هاذ الشي.. مش ساهل الجوجمة اللي بش تدخل راسك بيها .. و فكرة انك تقدم لريتا .. تنوض عليك باباها و جماعتو من روسيا .. رايح تكون ضد 3 جبهات.. باباك .. باباها ..و أب ريتا
جود؛ أنطوان بش يتحرك يتحرك ..خاطر راح يعرف مش راح ندي بنتوا ..
فادي؛ حتى الهروب مش حل
جود؛ هه فادي .. رانا جزء من هاذ المافيا و علابالنا بلي البرا يجبدوها ..
فادي؛ لازم نخمموا فحل
حنا هكاك .. و هدوا علينا جماعة .. موجهين سلاحهم علينا ..
- ارفعا ايديكما للاعلى ..لا تقوما باي حركة خاطئة.. انتم رهن الاعتقال (أي بلونڨلي درت طرجمة على طريقة ام بي سي تو 😂)
فادي؛ و ش كاااين ؟
جود؛ اف بي آي
مراد؛ طلعت تفهم كيما باباك .. اقبضوا عليهم ..
قدموا كبلوهم بالقوة
جود؛ واش دييير اطللللقوني .. علابالكم شكون انا !!
ضحك .. و قدم عندو
مراد؛ نتا اللي راح تتعفن فالغوانتانامو .. راح ندمك عالدقيقة .. اللي خممت تقدم فيها لبنتي ..
الينا تحكي:
نحكي مع ألفة .. حتى سمعت الحس .. أصوات خطوات و عياط .. جود صوتوا على .. تنطرت نحيت الخيوط من يدي .. و جرينا أنا و الفة مع حليت الباب .. لقيت جود بلي مينوت .. بابا عاطيني بالظهر ..
ألينا؛ جووود
تلفت ليا .. غزرلي واحد الغزرة عمري شفتها من بابا ..قدم عندي.. غزرلي ملفوق للتحت .. و خبطني بكف خلاني نطيح فلرض ..
#عشق_محرم_دوليا
#يسرى_أمجوج
