الحلقة 23 :
تعديت سمانة .. ورا الخطبة .. اللي تعدات كيف الجنازة بالنسبة ليا .. بابا خبرتوا اللي باش عملت مع جود .. الحاصول شبع فرحة .. كي عملت اللقطة ..ألفة محضرتش الخطبة .. و تغششت من الجاست .. محبيتش نخبرها بلي نكذب ... نعرف اقولهم .. كي عادت تحب فادي ..واقفة بالطاقة تشرب فالأعشاب تاني .. 3 أيام لعرسي .. تفكرت تحضيرات عرسي اللولة تنهدت بحسرة ...تحل الباب تلفت .. لقيتها ماما ..
جازية؛ ألينا وكتاه بش تروح تخيري روب العرس
ألينا؛ قولوا يشريها هو مادام اختار لي بمن نزوج ..
جازية؛ مزلتي برك !!.. بالسيف ما تجاوزلك الفضيحة اللي عملتي
ألينا؛ أماااا فضيحة ؟؟ و اما تجاااوز ؟؟؟.. كون مقلتلوش بلي رخست جود هداك .. مكانش راح يسامحني .. همو كامل انتقاموا .. مهموش سعادتي أنا .. دوك حابتني نفرح ... بالاك نشطح خير؟... يا الزح هذا او قلبي اللي يتوجع .. قلبي يزي .. الخطبة بالسيف ما نتبسم .. و دوك تقولي لي واش من روب ؟؟.. غير فكيني
جازية؛ كملتي؟؟
ألينا؛ ههه مكملتش ..و مش بش نكمل .. اعتقيني ماما ربي يعيشك .. اللي فيا مكفيني
غزرتلي ندرا كيف و خرجت ..
حطيت الكاس .. طلعت يدها مسحت دمعتي .. 3 أيام و نبدا حياة جديدة .. مع راجل يعرف اللي أنا نحب واحد آخر و قبل .. تنهدت .. بدلت قشي و ديراكسيون الخدمة بالاك ننسا .. طريق كل و طوموبيلات الحراسة ورايا ..بابا و نعرف طبايعوا ..
نزلت طلعت للشركة ... سقسيت على ألفة .. مجاتش حتى هي المدة هاذي كامل .. ترميت عالبيرو .. نغزر للدوسيات و المشاريع اللي تراكمت .. تأففت .. زعنا بش ينسيوني هاذو كامل ؟؟ .. غطست راسي .. نرسم و نخطط .. منعرف كيفاه فات النهار .. و هكا فاتت هذا الثلاث أيام
................................................flash back...................................
جود يحكي ؛
مع كلماتها لخرين طحت على ركايبي ..كلمة صدمة قليلة بالشي اللي راني نحس فيه
تحكي بكل ثقة .. انو وحدة تحبها .. تجي تقولك تمسخرت بيك .. و عديتها عليك بش تنتقم .. ضربة تكوي .. بلا فراسي شك 1 % أنو مجبورة .. منعرفش حتى كيفاه خرجت من الحبس .. حكمت مع ألفة طلعت هي تاني معلابالهاش .. و تغشت منها .. هداك و باقي فراسي .. بالاك مجبورة .. بالاك هدرت برك .. رحت للخطبة تاعها متخفي ..نغزرلها فالصالة كيفاه تتبسم و تشطح معاه .. و تلبسلوا فالخاتم .. و يلبسلها فيه .. يشطحوا .. لأرض معادتش هازتني .. حسيت صح بلي تضربت وين مكانش لازم نتضرب .. كنت داير فيها كونفيونص مش نورمال .. بعمري ما خممت فالعداوات اللي بين العايلات و اللي منعرف منها حتى شي .. و مخممتش اصلا نعرف .. حبيتها باسكو الينا .. و خدعتني باسكو ولد مافيا .. قاعد فالبار .. نغزر للناس و منيش معاهم ..معرف قداه من ڨارو زطلة تكيفتو .. سمانة و انا على هاد الحالة .. رجعت لإيطاليا نفهم .. لاول مرة نحب نعرف واش هو السر ورا العداوة هاذي اللي نتضرب منها أنا .. دخلتلوا ديراكت البيرو ..
سيزار؛ هاد رجعت
دور بالكرسي .. يغزرلي بتمڨعير .. منحتاجش تفكير بش نعرف اللي هو فاق بكلش ..
جود؛ واش الحكاية ورا العداوة هاذي
سيزار؛ دوك وين طلعتلك تعرف .. بعد ما فرخة ********** ..
جود؛ ما ********** ...دوكا تجاوبني ولا نعرف بطريقتي ..
سيزار؛ نجاوبك بصح لحق الوقت اللي تشد الخدمة .. نظن اللي صرالك أكبر درس .. بش تجيب حقك .. و تستخدم سلطة المافيا.. زدت زعيم و حياتك كامل بش تبقى .. مش طرف كلاب دولة تعديها عليك ..
جود؛ الهدية هاذي كل علابالي بيها .. منيش جود تاع من قبل .. حاب نعرف برك .. بش كي نرجع ضربتي كيما يحب خاطري.. طلعت غير انا بلا خبر ..
سيزار؛ بالطبيعة ..
مشا حل واحد الكوفر.. جبد منو دوسيات يبانو قدم .. و حطهم قدامو عالبيرو ..
#عش_محرم_دوليا
#يسرى_أمجوج
