الحلقة 26 :
حليت عينيا .. راسي يوجع .. طلعت يدي حطيتها على قفا راسي .. لقيت فاصما .. رجع كلش واش صرا لراسي .. عينيا تحلوا على جهدهم .. تنطرت من بلاصتي جيت قاعدة .. عديت عينيا عالبيت اللي راني فيها .. مش بيتي !! .. رحت نجري للطاقة .. عينيا تحلوا !!... طوموبيلات كوحل مرصوصين .. بزاف رجال لابسين لكحل .. و واقفين .. على طول الممر اللي بين زوج جاردات و يدي لبوابة كبيرة ..تلفت غزرت للبالكون اللي فالجيهة الثانية .. رحت ليه .. يطل عالبحر .. حطيت يدي على فمي .. وين جابني !!.. رحت نجري للباب ..جيت نحلوا مقفول .. باقية نجبد على طول يدي .. والو .. باقية عالحالة هاديك لين تهديت .. ترميت عالسرير .. تفكرت منظر بابا و ماما ..دموعي نزلوا .. عمري تصورت نكسر شوكتهم هكا .. إحساس خايب .. حاسة روحي بلا سند في ظهري و منعرف شباش يعمل السخطة هادا .. نحب نقتلوا .. كيفاش يدير فيديو هكا !!.. الساقط ميخممش فيها ..
شوي و تحل الباب .. عينيا ترشقوا .. وقت دخل ..حاط يديه في جيوبوا ..قفلوا برجلوا و قدم .. تقعدت نڨحرلوا ..
ألينا؛ وين جايب جدي ؟!
جود؛ لدار راجلك ههه
ألينا؛ هههههه راجلي ؟ ... شكون نتا ؟؟ .. اوووه شكون غلط و سماك راجل .. راو غالط .. مش أي واحد راجل .. و سيرتو نتا بعد ...
طبس بكل برود .. شوي و خنقني .. تفجعت من الفازة مي محبيتش نبين باقية نڨحرلوا ..
جود؛ تلمي ***** لسانك صباح ربي ولا نسكتك بالشي اللي ميعجبش
ألينا؛ هه مش راح نسكت .. سيييب رقبتتتتي
ڨحرلي و فلتني .. باقية نرد فالنفس بالسيف .. حطيت يدي على رقبتي ..
جود؛ كيما راكي تشوفي .. راكي محبوسة
ألينا؛ كيفاااه كيفااااه .. حاط الدنيا سايبة !!.. يفيق بابا نشوفو كي تتعفن فالحباس ..
جود؛ ههه على حد علمي باباك تبرا منك نو ؟ ..ممم و نزيدك حاجة ايه الدنيا سايبة .. خاطر كلش تحت يدي .. و مدامك لإيطاليا مام سي تخممي تهربي .. مرجوعك هنا .. و أنا نتفنن في عذابك ...
طبس جا وجهوا مع وجهي
جود؛ نظن تتذكري كلماتك مليح .. كل حرف بش تبكي عليه دم والا منتسماش جود ..
مشا خارج ..
ألينا؛ دير اللي تقدر عليه و ما تقصرش .. مزال متعرفنيش الظاهر
ضحك بتمڨعير و خرج .. سمعت صوت المفتاح كي دار ..دموعي نزلوا .. نعدي في يدي على رقبتي.. وجعني عاللخر .. مي مش راح نسكت .. لازم نهرب .. و نرجع للدار .. لازم نفهم بابا .. و متأكدة بش يسامحني .. مزية راسي مسحت دموعي .. عديت عينيا عالبيت ..حليت الخزانة غزرت للقش ..عاودت غزرت لروحي و للروب .. عفت روحي فيها .. غزرت للقش .. تاففت ..
ألينا؛ بش نخرجها فيك طول و عرض اصبر برك ..
هزيت روب فلوري .. نزلت راسي غزرت للأندروير قلبت عينيا و هزيتهم .. ودخلت للدوش .. نحيت الروب رميتها .. خذيت دوش نحيت بيه التعب .. لازم نكون داهية بش نخرج من هنا .. مش وقت ضعف .. واقفة نشف فشعري .. غزرت لرقبتي .. طراس حومر متاع صوابعوا .. تأففت .. شيحت شعري و خرجت ....
تعداو 15 ... قد ما حاولت نخرج والو .. اما قدرت نعرف بزاف حوايج .. من مراقبتي الحراس اللي لبرا .. كاين اللي يجيهم نعاس يغفلوا .. كل 6 سوايع تتبدل تشكيلة اللي يعسوا .. جود يخرج صباح .. و كل مرة على قداه يرجع ..أغلب الوقت عالعشرة .. الخدامات اللي هنا يحكيو بالايطالية .. أصلا نشوفهم غير كي يجيبوا لماكلة ولا يجيو ينظفوا البيت .. و يعودوا يقفلوا الباب ..جود من هاداك النهار مزادش جا .. تلفت نغزر للساعة ال1 .. تبسمت و أنا نغزر للمفتاح .. اللي خذيتوا من عند وحدة من الخدامات كي دخلوا في 3 ينظفوا .. رحت لبست شورت بش نقدر نتحرك و تي شرت .. دورت المفتاح بالشوي لين .. تحل شقيت لباب .. و طليت كولواغ كبير .. فنهايتوا تبان دروج .. طلعت راسي نشوف مع لحيوط و الشوك .. بالاك كاين كاميرات ملقيتش .. تنهدت .. خرجت .. باقية نمشي على طراطش صوابعي .. لين وصلت للدروج .. سمعت حس .. عاودت رجعت تخبيت ورا الحيط .. شوي و نزلت .. زدت تهت أكثر .. مليان بيوت .. و زوج صالوات .. كل صالون بستيل .. لين وصلت لدروج تبسمت .. و نزلت... دوك فهمت سيستام .. كل مرة يكون رواق طويل .. و فاللخر دروج .. جاي ستيل عصري عاللخر .. و من برا تبان فيلا .. مي متوقعتش تكون هكا .. باقية نتسرسب .. و نادي فعينيا .. طاج تاع سبور .. ماتريال تاع فيتنس .. زربت نزلت .. مش الله برك يكون طاج لخر.. لقيتو فيه مطبخ كبير .. و صال تاع ماكلة فيها طابلة من الشق للشق .. ميني بار مقابل ... و شومبر .. حبيتها طلعت ميني سينما .. حاسة روحي فمتاهة .. زدت نزلت .. لقيتوا طاج فارغ .. فيه منصة .. نظن بلاصة تاع حفلات .. حطيت يدي على وسطى تعبت .. زدت نزلت .. تبسم كي شفت باب كبير .. مقابلوا كاين صالون .. يجي قد أبارتمون كاملة .. زربت فخطواتي .. لين وصلت الباب .. نزلت طليت من الثقبة .. عينيا تحلوا .. كاين 4 قدام لباب .. بالإضافة للي مالفة نراقبهم .. كيفاه بش نخرج محال من الباب !! .. تلفت الصالون .. غزرت للريدوات اللي مردودين .. مش الله يكونوا يتحلوا ..رحت نجري .. بعده ريدو شوي لقيتهم زجاج .. مي مكانش منين يتحلوا .. نص مني طاح .. باقية نفركس والو .. غزرت للباب اللي مقابل .. رحت حليتو .. لقيت مطبخ .. دخلت نفركس على طاقة ..لين لقيتها .. رحت نجري طليت .. لقيتها طل على جاردان ..تبسمت و أخييرا .. طلعت الكارو بالشوي .. و طلعت فوق الكرسي .. خرجت رجليا سع ...و دزيت روحي شوي .. مع جيت ندز وسطي .. و نحس بيد تلفت عليا .. تسحبت .. قلبي راح يطير ..دورني .. و حصرني مع البوطاجي بيديه ..طلعت راسي غزرتلوا .. شعرو مفرفش داخل بعضوا .. لابس شورت برك ..ريحة شراب طالعة منو .. مام عينيه حمر ..بلعت ريقي
جود؛ كملتي جولتك ؟
ألينا؛ أه ؟
جود؛ نشا الله تكون عجبتك الفيلا ..
جيت نتعداه .. لفني دزني عالحيط .. نفس تقطع عليا و هو قريب هكا .. يدوا على وسطي .. و الثانية حاطها عالحيط قدامي
جود؛ وين كنتي رايحة ؟؟
ألينا؛ حتى بلاصة ..
رمش بزربة .. ظاهر خابط عاللخر ..
جود؛ م منين جبتي المفتااح؟
سكتت .. طلع عينيه ثبت فعينيا .. للحظة لمعت في
