الحلقة 42 :
لف يديه على كتافي ..
جود؛ ألييينا صافا؟؟؟!! ...شبيك
ألينا؛ دودنت شوي .. حل الباب ندخلوا
حبس هز المفتاح و الصاك و الصاشي .. و يدو الثانية باقي ساندني بيها..
رميت يدي شعلت الضو ..مشا معايا حتى تكيت فالفوتاي . طبس قدامي ..
جود؛ نديك سبيطار ؟؟..
ألينا؛ لالا مش ڨراف دوك نريح
جود؛ نهار كامل مكش نورمال .. تحبي الشوا و ما كليتيش ..
ألينا؛ بالاك دخت كي مكليتش ..
غزرلي ندرا كيف ..
جود؛ ويني كوزينتك ؟
ألينا؛ كمل الكولوار على يدك اليمنى ..
ناض مشا .. خذيت نفس .. و غمضت عينيا .. فشلانة خلاص ..شوي وقت و جا قدامي
جود؛ ألينا
حليت عينيا تلفت .. غزرتلوا قاعد جنبي فوق التابل سينية .. فيها منشفة مبللة .. و تيزانة و كاس هوت شوكلات ..
جود؛ مش لازم تتعقدي مني بحاجة كيما هادي ..
ضيقت عينيا ..
ألينا؛ شتقصد ؟
جود؛ مريضة بتاع كل شهر تاعكم
عينيا تحلوا .. وجهي طلع حمر.. يهدر بلا فراپ.. كبست روحي بش منضحكش أنا وين و هو وييين .. طلع لي التريكو حط المنشفة على كرشي .. مبللة بالما الدافي.. .. قدم يطلع لي فالمخايد بش نقدر نشرب .. جا وجهي فرقبتوا .. خذيت نفس من ريحتوا .. ممم تهبل ... طلع راسو .. غزرلي .. توله بلي كان قريب بزاف .. بلع ريقو .. و تلفت هز كاس التيزانة مدهولي ..
جود؛ اشربيه سخون .. اذا متنحاش نطلعك سبيطار يضربولك برا ..
حكمتوا... نتبسم ..رشفت منو .. و مبعد جبتدوا غزرتلوا
ألينا؛ منيش مريضة بيها بصح
جود؛ مش العادة ؟ مالا واش
ألينا؛ يااااو احشم شوي ... محبيتش نسميها قدامك و نتا لا حشمة لا والو
جود؛ هههه طيشت حكايتها هاداك العام .. وش اللي يخليك دوخي مالا .. قريب تجي ؟؟
ألينا؛ اعععع جود
جود؛ هههههه
رشفت من الكاس .. و مبعد شرقت .. دوك وين ركزت .. العاااادة !!!! ... شهرين دوك مجاتش !!
جود؛ بلعقل
تلفت حطيت الكاس بزربة .. و نضت نجري للبيت .. هزيت التابلات .. فيه لابليكاسيون اللي نمركي فيه العادة وكتاه تجي .. (تطبيق حياة للإفادة 🤓😁)
باقية نطلع ... صح روطار بشهرين .. دخل يغزرلي مشوكي ..
جود؛ شبييييك ؟؟
ألينا؛ اه ؟؟ .. والو تفكرت دوسي كان لازم نبعثوا ليوم فيه تصميم رسمتوا .. لازم يديرولو بنية ثلاثية الأبعاد بش نبداو فالبناء على سمانة ..
جود؛ و دوك وقت خدمة ؟؟
ألينا؛ ن نورمال .. ن نظن الدوخة من المصران رجعلي
جود؛ ساهلة ريحي غدوة نروحوا للكلينيك ..
ألينا؛ يرحمها ربي .. نظن راح لحال بش تروح و تعبتك معايا .. ارواح نعتلك بيت الضياف تبات فيها
جود؛ أصلا مكنتش مروح هههههه
ألينا؛ هههههه وجهك صحيح
جود؛ من عاشر قوما .. في بالك نخليك هكا و نروح .. ديجا خيريلي بيت قريبة لبيتك سينوا نرقد معاك
ألينا؛ هههه اسكت برك ..
مشيت و مبعد تلفت بزربة .. وقف ..
ألينا؛ نتا وين عمبالك وش يديروا الوجع تاع هاديك
جود؛ قصدك العادة ؟
ألينا؛ جوووود
جود؛ ههههه ثقافة عامة .. و خاصة. شوي
ألينا؛ نفهم بلي تهليت في وحدة هكا من قبل ؟
جود؛ باينة خلاص
غزرتلوا .. و مشيت .. حبيت باب بيت .. رحت للخزانة جبدت غطا .. حطيتوا عالسرير .. ريقلت المخايد .. بش نشوف إذا طريين ولا لالا .. و طلعت راسي لقيتوا يغزرلي ..
ألينا؛ نظن كلش مريڨل .. شوف المخاد اذا طريين ولا لالا .. مشيت جيت خارجة نطق من التالي
جود؛ في ماما .. كي كنت صغير كانت تتوجع .. و بابا مكانش .. جداتي كانت تقولي دير هكا .. بحكم هي متقدرش تمشي بزاف .. كي كبرت بش فهمت بلي العادة الشهرية توجعكم ..
تبسمت على جنب ..كبست روحي و حكيت
ألينا؛ أوكي .. بونوي ..
جود؛ بونوي
قفلت الباب .. و مشيت .. الفكرة اللي راني فراسي خاضتني .. مش مستعدة نتقبلها .. بدلت قشي و تكيت عالسرير .. حليت الميساجات .. باقية نحكي مع ألفة .. هي بش تموت بالفرحة .. قبل ما نعمل تاست .. فددتني .. حطيت التيليفون باقية نخمم لبن غفيت ...
الصباح ..
فقت راسي ثقيل خلاص .. ضربت في خشمي ريحة بنينة .. ضيقت عينيا .. مبعد بش استوعبت اللي هو هنا .. نضت .. نمشي و نحك في عينيا .. دخلت لقيتوا يريڨل فالشوكولا و العسل فوق البانكايك .. الفراز و البنات قدامو .. عديت عدلساني على شفافي .. طلع راسوا .. غزرلي حسيتوا تصدم .. استغربت .. كي شفت نظراتوا مع وش لابسة بش فقت على روحي .. يخي موالفة فالدار وحدي .. نلبس شورت قصير مع تريكو بروتال فوق السرة و شكل v ملفوق .. معظم بيجاماتي هكا .. شعري داخل بعضو .. تنهدت .. شيهمني و انا وين ندير حسابي هذا وش عندي .. قدمت عندو.. طبست عالتابل هزيت شريحة بنان غمستها فالشوكولا و كليتها .. باقي يتبع فيا بعينيه ..
ألينا؛ مكنتش عمبالي بلي عندي شاف هنا .. فطور محلاه .. فيقتني الريحة .. مزية الفراز .. دز الكرسي التالي و ناض حتى خلعني ..
جا قدامي وقفت غزرتلوا .. قدم .. ريحتوا دخلت خشمي .. تنهدت .. هزلي شعري رجعوا للتالي ..
و قدم لوذني يحكي بنبرة تذوب
جود؛ صبحتي صافا؟
ألينا؛ ممم
عدا صبعوا على يدي لين وصل اكتفي .. حكم سبتة تاع تريكو بطرف صبعوا ..
جود؛ دوكا قبل ما نحل عينيا .. منحبش نشوفك هكا .. جامي حكمت روحي هكا .. متخلينيش نغلط .. يعيشك روحي ..
جبد روحو بزربة .. تنطرت نجري .. نعرفوا يعملها. . مع قفلت الباب تبسمت .. منعرف بصح عجبتني اللقطة .. شوي و رجعت للواقع تاع البارح... دوك تجيب ألفة التاسع .. حطيت يدي على قلبي .. خايفة عاللخر ...
جود يحكي :
تابه نزين فيها .. نطلع راسي تلقاها بمنظر هكا عالصباح .. طرف العقل اللي فيا طار كون مزربتش راحت .. منعرف واش درت فيها .. ضربت كاس الجي فرد مرة .. حطيت يدي على وجهي و عديتها على شعري ..صونا الباب
