راني فرحان .. راح نشطح من الفرحة .. وش رايك ننزل نخدم رقاصة فالحفلة
ألينا؛ ههه بو زينو المتغشش هو
جود؛ درك ننزل و هاني وصيتك اي لقطة لحفلة هادي تتخلط
لبس نواضر خشان و كبوسة (قبعة خخخ حنا فقسنطينة نقولوها هك 😂) تاع لي شاف ..
ألينا؛ راك متأكد معرفوكش هكا
جود؛ ايه
جا بش يخرج حكمتوا من يدو
دور ليا
ألينا؛ نحبك
غزرلي ندرا كيف .. تبسم على جنب و مشا ..
ريقلت الروح و نزلت ..
حفلة فيها بزاف غاشي .. الكل تلفتوا يصفقوا كي جيت نازلة .. باقية نفركس عليه بعينيا والو.. قدموا يرحبوا بيا .. بالسيف ما تملصت منهم .. رحت عند ألفة
ألينا؛ وااو تنزلي تشوفي الوضع و تعيطيلي .. هاكم تشايخوا
فادي؛ ههه انتيمتك مقودة .. و أنا اللي مخليتهاش تطلع .. بعثتلك خدمة الغرف هههههه
ألفة؛ هههههههه
ألينا؛ هههههه خدمة ناناك قريب حكمتنا ماما
ألفة؛ ياااه نندب
ألينا؛ وينو
فادي؛ منعرف
تلفتنا على صوتو ..
عاصم؛ أليينا على سلامتك
الفة تحكي :
تلفت غزرتلوا .. شمجيبوا هاذ الخرا .. من نهار الصفقة مزدتش شفتوا
ألينا؛ يسلمك عاصم مرسي
ألفة تحكي:
عينيا تحلوا .. تسما عاصم اللي حكاتلي عليه من قبل بلي حابين تتزوج بيه .. هو نفسو اللي درت عقد معاه !! .. هاذي صدفة !!
عاصم؛ دوموزال ألفة
ألفة؛ هه عاصم 😏
تلفت تبسمتلوا ملفوق لفوق
ألينا؛ تعرفوا بعضاكم
ألفة؛ امم عندنا مشروع كيف كيف
عاصم بالطبيعة مزال مرجعتيش للخدمة .. تو تفهمي .. بش نوليو نتلاقاو بزاف .. و دوكا تشاركيني برقصة ألينا
تلفت غزرت لفادي .. عملي لالا بعينيه .. اما منجمش نرفض .. عينيا ماما عليا
ألينا؛ أوكي ..
حكم يدي و مشينا
فادي؛ شكون ال**** هادا
ألفة؛ احمم
فادي؛ اه باردون .. مي معجبنيش .. السلام و مقالوش ليا
ألفة؛ حكايتو حكاية
فادي؛ لازم نلقاو جود .. يشوفها تتخلط .. حوسي نتي منهيه
ألفة؛ أوكي
هاز كاس .. واقف لفوق .. نغزرلها تحت الطرف .. مزالني نرڨل من حكاية عاصم تاع **** هادا .. باقي نتبع فيها بعينيا .. غزرتلوا كي مدلها يدو و مشات معاه .. عينيا تحلوا .. تسما هذا ما يكون غير هو .. كبست عالكاس .. تكسر فيدي ..عديت يدي الثانية على وجهي نحاول نهدا و مننزلش ..
جود؛ حذرتك و مسمعتيش ليوم ***********
#عشق_محرم_دوليا
#يسرى_أمجوج
