الحلقة 2 :
{نوع من الضياع ... ذلك الذي كنا نحلم به دائما ... ان نفقد ذاكرتنا ... و نعيش أحداثا جديدة ... بعيدة عن الماضي بكل تفاصيله ... ذلك الحلم الذي سيوقع بي في دوامة لم اكن أتوقع اني سأضيع فيها ... أين سأكون دون هوية ... و أكون أنا غير أنني لست أنا } قص على تفكيري كي دق الباب و تحل ...
فادي؛ ألينا صافا ؟
ألينا؛ امم مليحة عيشك ..
فادي؛ نقدر ندخل ؟؟
ألينا؛ أه وي تفضل ... دارك راهي هههه
فادي؛ ههه مهما كان ... هاكي واقفة فالبالكون عحبك المنظر ؟
ألينا؛ امم خلاني نخمم في خاطرة ... البحر مصدر الهام كبير ...
فادي؛ صار خاطرة.. نقدر نسمعها ؟؟
ألينا؛ موش مهمة برشا ...قولي فادي عايش هنا وحدك ؟؟ يعني بلاصة معزولة كيف هاذي و
فادي؛ نو عندي دار فالسونتر فيل ڨريب للشركة تاعي... مي هادي نجي ليها كي نعود حاب نبقا مرتاح.. تعرفي بعيد عالحس و كدا ..
ألينا؛ آ أوكي ... مليحة و جوها يفتح النفسية...
فادي؛ اممم هكا ترتاحي ..
ألينا؛ عيشك فادي منعرفش كيفاش نشكرك كون ماش نتا بالاك دوكا مطيشة فشوارع براغ ...
فادي؛ فك عليك من الميرسي .. مادرت والو أوكي ؟
ألينا؛ أوكي
فادي؛ مجعتيش ؟
ألينا؛ حا نموت بالجوع الحق ههه
فادي؛ هههه هيا يكونو الخدامة وجدوا العشا
ألينا؛ أوكي
نزلنا للتحت .. سندني خاطر مزلت متعودتش على الكسر و لي پانو تاع المشية ..مام رقبتي منقدرش نحركها .. و يدي اللي ملفوفة بالفاصما ... يعني بالمختصر تمرمدت حالتي ...دخلنا للكوزينة ...لقينا التابل واجدة من كلشي . .. بعدلي الكرسي قعدت .. قدم الكرسي تاعوا حطوا قدامي و قعد ..
فادي؛ باش حابة تبداي تاكلي ؟ مي الشوربة متناقشيش فيها لازمة
ألينا؛ نكرهها
فادي؛ من غير الوجه الستوت هادا ههه ماكيش رايحة تأثري فيا
ألينا؛ هههه متفوتش عليك سما
هزلي براسوا لالا ...ضحكت ...
هز الصحن تاع الشوربة و المغرفة .. في بالي راح يقدملي برك .. مي قدملي المغرفة باش ناكل
ألينا؛ فااادي
فادي؛ متبدايش .. أصلا ماكيش رايحة تقدري وحدك ..
ألينا؛ عيشك
فادي؛ و مرسي عليك و بلا بلا بلا (يقلد فيها)
ألينا؛ هههههه شبيك جبتها هكا صوتي موش باشع للدرجة هاذي هههههه
فادي؛ هههه هيا كولي
باقي يحتملي فالشوربة هاذيك ما جيت نكملها بالسيف ... قريب وكلي الصحن ... باقي يشربلي فالجي و يوكلي فلي صالاد و االكبدة
ألينا؛ ف فادي ب ركا
فادي؛ هههه ابلعي ما فهمت والو
ألينا؛ ب ركا ما
فادي؛ ههههه يا بنتي ابلعي
ألينا؛ نبلع كيفاش و نتا حشيتلي فمي هكا هههه
فادي؛ مليحة الكبدة باسكو خسرتي دم بزاف
ألينا؛ عيشك مي شبعت والله
فادي؛ و بلاك ما شبعتيش و حشمتي
ألينا؛ والله شبعت غير فكرشي و الجوع منكذبش
فادي؛ هههه فجعة
جيت نخبطوا على كتافوا دارلي كورون فرقبتي ...خلا أه خفيفة تخرج مني ..
فادي؛ شبيييك صافا!!
ألينا؛ آ والو دارلي كورون برك كي تحركت بزربة
فادي؛ نتي تاني مريضة و حا تفري
ألينا؛ و نتا تاني لاه تقولي فجعة
فادي؛ نضحك معاك بقرة
ألينا؛ فااادي
فادي؛ خلاص خلاص ..متأكدة متحبيش تحلية... راهي تارتولات تاع فراز امممم
قسم طرف و قاعد يتبنن قدامي خلاني نتشها ناكل .. دور شاف معايا ... قفلت فمي .. باسكو كنت متأثرة
فادي؛ ههههه سخفتي تباني ؟
ألينا؛ لاشتا نذوق
فادي؛ ههههه أوكي
قدم وكلي طرف و هزلي بحاحبوا تاع واش رايك ..عديت لساني على شواربي... غمض عينيه و ناض .. شفت معاه ... شرب كاس ما ورجع ... قصلي طرف خلاف و وكلي بالسكات ...
ألينا؛ صاي شبعت
فادي؛ متاكدة
ألينا؛ امم مرسي
فادي؛ أوكي خلي نوصلك لبيتك
ألينا؛ أوكي
طلعني للبيت ... تكيت فراشي .. طبس رد عليا الغطا ...
فادي؛ بونوي
ألينا؛ بونوي و مرسي
فادي؛ من غير مزية
صونا تيليفونوا ... جبدوا شاف معاه ..
فادي؛ هاني خارج ...
خرجت ... نزلت الدروج بزربة و هزيت ...
فادي؛ جود وينك كيفاه نهار كامل غاطس !!!
جود؛ حكمني بابا بالخدمة اللي عطلتها .. دوك وين كملت واش ديتها لدار الجبل ؟؟
فادي؛ ايه جود ايه .. مي لوكتاه ارواح فهمني الحكاية واش كاين
جود؛ ماش ليوم محال نلحق و غلبان .. خلي وحدة من الخدامات تتلها بيها ... و بالاك يشوفها واحد
فادي؛ افففف منك جود معرف علاه مدايرك صاحبي حتى لدوك مشاكلك جامي يخلصوا ..
جود؛ كوبي برك ... تندب كي المطلقة ههه
فادي؛ ***** باي ههههه
كوپيت عليه .. تنهدت دوكا لازم ڨارو باش يتريڨل المورال ... خرجت للجنان برا ... تكيت فالفوتاي شعلت ڨارو ... باقي نخمم فلي صار هذا كامل ... في يومين دخلت حياتنا و قلبتها ...جود كي ياكد عالحاجة سما أكيد مهمة ..زعما واش حكايتها.. عينيا بداو يتغمضوا أصلا غلبت اليوم ... دخلت للدار ... هزيت كاس حليب و طلعت ...طبطبت لبيتها حليت الباب ... ديجا رقدت ... كنت باش نحتم عليها كاس حليب مي منعت ههه ... قدمت حطيت الكاس عالتابل و ريقلتلها الغطا ... غزرتلها و درت ... مي عاودت شفت معاها ...كي شفت شعرة فوق شواربها .. طبست عليها نحيتها على وجهها ... تنهدت و خرجت ... كيفاش رايح نقدر نكمل ... اففف منك جود ...
طلعت لبيتي و غطست فالرقاد.....
......جود يحكي :
فقت حليت عينيا غزرت للطفلة اللي قدامي ... غمضت عينيا و عاودت حليتهم .. تفكرت اللي أنا جبتها معايا من السهرية تاع البارح .. بعدتها عليا و نضت .. دخلت عملت دوش .. احسن حاجة انو اليوم ويكاند .. لازم نفرز حكاية المصيبة هاديك ..
لفيت المنشفة عليا و خرجت ... عارضتني
-بونجوغنو .. تشهي و نتا هكا ... صحا الدوش
بعدتها و مشيت للدريسينغ
جود؛ الپورت موني فوق التابل دونوي هزي واش تحتاجي و اخرجي عليا ...
-واش تحسب في روحك
جود؛ من غير ما تلعبيها عداو عليا اللي كيفك ... برا منيش قاعدلك
مشات لبست الروب تاعها .. هزت الدراهم .. تبسمت على جنب كلهم كيف كيف ... ريقلت التريكو .. حطيت پارفان .. هزيت التيليفون و خرجت .. نزلت للتحت شربت قهوة سادة .. تريڨلي مزاجي و تحبس الوجاع تاع الويسكي تاع البارح ... دوب ما كملت نضت ...
............
ألينا؛ نو نقدر ناكل دوكة تنحاتلي وجاع تاع رقبتي ..
فادي؛ متأكدة ؟
ألينا؛ اممم
فادي؛ داكوغ انا اني فطرت ... عندي قضية خفيفة و نجي اوكي
ألينا؛ اوكي براحتك
خرج كملت فطوري بعقلي. .. ونضت حابة ندوش أما منجمش ... طلعت للبيت نبدل قشي ... بسيف مزال يدي شوي توجع مي رخفت ... حابة جيست. ترتاح رجلي ...جبدت روب نقدر نلبسها نزلت الروب ... و لبست الثانية ...باقية نطلع فيها .. تحل الباب ... رميت يديا حكمت الروب اللي ماش طالعة ... و خزرتلوا
ألينا؛ معلموكش حاجة اسمها تدق الباب !!! شكووونك !!!
شاف فيا ملفوق للتحت و خرج ... شبيه هاذا .. كملت طلعت الروب على كتافي ... مي منجمتش نقفل الصونصور ...باقي في بالي اللي دخل هكاك ... ميبانش من الخدامين ... أحسن شي نكلم فادي و نطلب من وحدة من الخدامات تقفلي ...خرجت من البيت ...نزلت للتحت ... مفما حتى حس ... دخلت للكوزينة .. هزيت تيليفوني ... جيت نرجع للورا ... حسيت بحاجة خبطت في قفا راسي .. و صوت تريڨيل تاع السلاح ... قلبي خض عليا ...بلعت ريقي .. جيت نتلفت أما ......
♣♣♣♣♣♣♣
#عشق_محرم_دوليا⚖
#يسرى_أمجوج👑
