الحلقة 33 :
وصلنا حبس قدام الشط .. طريق كامل نحكي غير مع ألفة و فادي ..نزلنا .. كاين ممر طويل قداموا مصابيح .. يوصل لبلاصة الحفلة..
ألفة؛ أوووو محلاه ديكور
فادي؛ ههه حفلة سيزار تاني ..
تلفت نغزر للديكور .. منزلش عينو عليا طريق كامل .. و مام دوك .. مش حابة نشوف معاه أصلا ..
مشات ألفة كروشات فادي ..
ألفة؛ الحقوا لازم تلفتوا انتباه الكل ..
مشاو سبقونا .. جيت ماشية .. حبسني .. حكملي يدي تلفت غزرتلوا .. و نزلت عيني غزرت ليدو.. جبدها
جود؛ لكان مش مرتاحة نروحو عادي .. مكش مجبورة تمثلي أنك مرتي
غزرتلوا ..
ألينا؛ فت و جيت دوك .. و مش راح نكسر خاطر ألفة و فادي ..
جود؛ أوكي .. دوك ندخلوا متكثريش معاهم هدرة .. خليني أنا نتصرف .. و كروشيني بش متحتاجيش تبعيني
هزيتلوا براسي أوكي .. ماعينيش ناقش ..ما عيني فحتى حاجة ..مشينا الممر هاذاك .. لين وصلنا للباب كبير .. مقابلين طوابل عالشط .. مع منصة كبيرة .. مقابلة فيلا من هيه .. موسيقى raggateon .. مع دخلنا الكل تلفتولنا .. نظرات كره في عيون بزاف ..نظرات صدمة في عينين البعض .. شفت وحدة قدمت تجري لينا .. و تنطرت عنقتوا .. جبدت يدي غزرتلها من فوق لتحت ..
نور؛ جووود توحشتك
جود؛ هه بلعقل اطفلة خنقتيني ..
نور؛ ههههه
جبدت روحها .. و تلفت تضحك معايا .. و تنطرت سلمت عليا
نور؛ أهلا بمرت خويا .. أنا نور ختو تاع مول القطوشة
تبسمت تبان من النوع الضحايكي
جود؛ نوور
ألينا؛ متشرفين نور أنا ألينا
نور؛ ههه معروفة يابنتي هاكي تشوفي بلي نتوما محور الحفلة هههههه
ألينا؛ ههه
نور؛ هيا تسلموا عالأفاعي .. اوبس لافامي قصدي ..
تبسمت عندها حق من غزراتهم باينين ..
عارضونا بالوقت زوج مرا و راجل مضخمين .. غزرت الراجل .. اللي يغزرلي بتسوميم منحتاجش نحزر ..
كاميليا؛ جود ولدي أهلا بيك ..
قدم سلم عليها و شيبة النحس يهز فيا و يحط .. تلفت سلم عليه
كاميليا؛ نتي هي مالا
غزرتلها .. و تلفت غزرتلوا
جود؛ اممم هاذي هي مرتي ..
تلفت لف يدي على ذراعو ..
سيزار؛ مرحبتين ..
ألينا؛ مرسي
انضمت لينا مرا خلاف
جازية؛ هاذي هي العروس تاع اللي
كبست على يدها امو
جود؛ بون ألينا؛ ماذا بابا ..وهاذي ماما كاميليا؛ .. هاذي عمتي جازية..
ألينا؛ تشرفنا
جبدني جود مشينا .. نور هاذيك راحت لتابل تحكي مع بنات .. حبستوا .. تلفت ليا .. بعد ما كان يسلم ع الناس ...
ألينا؛ شبيهم عايلتك هكاك .. كي مش متحمليني علاه يعرضوا فيا
جود؛ مدامني أنا متحملك .. ما يهمش رايهم .. طنشي ..
ألينا؛ نمشي عند ألفة
مستنيتش جوابوا رحت طول .. لقيتهم يعلقوا عالعجايز تاع الطبقة الأرستقراطية ..
فادي؛ هههههه ألينا ارواحي .. فاتتك المتعة كامل
ألينا؛ علاه ..
ألفة؛ فالوقت اللي كنتي تتعرفي .. لقينا الملكة اليزابيث
ألينا؛ كيفاه ؟
دورتلي راسي .. لقيتها مرا .. تشبهلها صح و زيد تتصرف كيفها .. تبسمت .. أنا وين و هوما وين ..
ألفة؛ من قبيل تڨحرلكم .. تقول هاري و ميغان هههههه
ألينا؛ ههه بلعي ..
جات عندنا نور
نور؛ واش تضحكوا بلا بيا
ألفة؛ ههه مقودة نمنشروا في فاميلتك قدامك
نور؛ عادي عادي واحد فيهم ما يصلح ..
فادي؛ مقلتيلناش بلي كوين اليزابيش في عايلتكم
نور؛ ههههههههههه متقولوليش تقصدوا طونطون كلاريس
ألفة؛ هههههه و كلاريس تاني .. والله سيرين علاه هكا
نور؛ ماو تعتبرها هي المثل الروحي تاعها .. و زيد عايشة فلندن
فادي؛ آ هادي ندور بيها أنا
تلفت ألفة خبطتوا على كرشوا .. نضنا نضحكوا
نور؛ هممم عصافير حب هنا
ألينا؛ ههه وش من عصافير هادو بومات
نور؛ هههههه حبيتها هادي
ألفة؛ هههههه سامطة ..
تلفتنا على صوت ميكروفون .. و الضواو تركزوا عالمنصة
سيزار؛ ضيوفنا الكرام .. مرحبا بكم معانا .. نتمنا تكون عجبتكم أجواء الحفلة بعيد على جو الحفلات التقليدية اللي رسمي ههه ... بون لمتنا اليوم احتفالا بمئوية تأسيس شركاتنا ...استمتعوا بالحفلة و مرحبا بكم مرة خلاف
ناضوا يصفقوا .. رشفت من الكاس اللي قدامي .. قداش كارهتوا .. جيت راح نزيد نشرب .. فك الكاس من يدي .. و رشف من بلاصة الغوج اللي شربت منها .. تلفت غزرتلوا .. غزرلي ندرا كيف عاودت تلفتت الجماعة ..
نور؛ ا جود جيت العايلة راهم دايرينكم تمنشيرة فالشباب
جود؛ ههه وش الجديد ..
نور؛ هههههه
تحطت موسيقى سلو ..
فادي؛ آ هادي تاعنا ... هيا شريكي .. صاحبي ومش خويا
مد يدو لألفة ضحكنا .. خبطتوا
فادي؛ اه قصدي خويا و مشي صاحبي
مشاو .. قداشهم لايقين على بعض
نور؛ احمد احمممم احممم
جود؛ جيفة
نور؛ هههههه ناناك هيا .. راج تخلي مرت خويا واقفة ..
ألينا؛ نو معينيش ..
تنطرت دخلت فنصنا توتوت زي الشيطان
نور؛ شوفو .. كاين بزاف راهم مغزلين هنا .. مالا يليق تقهروهم .. عاللخر ... تلفت غزرتلوا تبسملي ندرا كيف ..و مدلي يدو .. حكمتها و مشينا لنص البلاصة قدام منصة العرض وين قاعدين الكوپلات يشطحوا .. حط يدو على وسطي .. حسيت يدي على كتافو و لخرا حكمت يدو .. عديت عينيا عالبلاصة كامل ... راشقين عينيهم علينا .. طلعت راسي غزرتلوا ..يغزرلي ندرا كيف ..
ألينا؛ فاميلتك كامل مثبتين معانا
جود؛ منيش شايفهم
ألينا؛ هه ماك حبستني بش تنتقملهم .. دوك ميهموش ..
لفني جا ظهري على سدرو..
جود؛ مش وقتها .. خلينا نعيشوا الغناية ..
سكتت باقية نشطح معاه .. عيوننا كانت تعبر عالحرب اللي كل واحد فينا حاس بيها .. وفات الغناية الناس كامل تصفق .. فقت على روحي جبدت .. حكمني من يدي .. و مشينا للتابل تاعنا ..
نور؛ وووووهوووو ... شعلتوها ياو .. فادي هاك تشطح
فادي؛ ها باينة .. خاصة غير ڨصبة هههههه
جود؛ ألينا دوك نرجع ..
غزرتلوا كي مشغ راح عند باباه .. اللي قاعد فآخر طابلة .. تأففت و تلفت.. مع تلفت قست الكاس ساح عليا ..
ألينا؛ افففففف
ألفة؛ استناي نعاونك تمسحيه
نور؛ هيا معايا .. نعطيك تبدلي .. علاه تبقاي ملبطة هكا
ألينا؛ لا ميسالش
فادي؛ يا بنتي روحي ما ياكلوكش .. راكي تحت جناح السبع أون بيرسون ههه
ألينا؛ ههه بلع
مشيت معاها جيهة الفيلا هاديك .
