علابالوا !! .. و انا اصلا علاه نفسرلوا !! ...توا فقت لروحي ! .. شبيني ياخي ..
جود يحكي :
منعرش علاش تفرهدت كي قاتلي اللي ما صار .. شي .. اصلا نعرف اللي محال تكذب.. اما علاش جات ورايا باش تفسرلي ههه .. تبسمت .. و كملت نجري وراها .. هاي طلعت تجري الفرخة ..
باقي بالعاني وراها .. حتى حبست .. واقفة ترد النفس .. مشيت تعديتها و قعدت قدام البحيرة .. نرمي فالحجر .. و نشرب فالما .. علاش قلقت كي عاد قريب ليها هكاك .. ماو من اللول كان قريب ليها يعني .. شنوة اللي تبدل توا .. وقفت عند راسي .. هزت الما من البحيرة .. صبت عليها و على شعرها .. باقي نغزرلها جيست ما تلفتت تغزرلي دورت .. هزت الما بيديها الزوز .. و طرشتني .. عديت يدي على وجهي .. مسحتوا و غزرتلها .. لقيتها تضحك شايخة .. باقي سارح مع ضحكتها .. هزتلي بحاجبها ... و نزلت يديها للبحيرة .. باقية طرش فيا .. ضحكت .. و قمت رجعت زوز .. خطوات للتالي .. ضحكت .. هديت عليها رميتها فنص الما .. ووشخت بالضحك .. غزرتلها كي باقية تفارع ... تتتي متعرفففششش تعوووممم !!!
سوطيت لحقتها .. لفيت يدي على وسطها .. و طلعتها .. باقي نفيق فيها بيدي الثانية شي ..
جود؛ أليييينا تييي فيييق
حلت عين وحدة تغزرلي و طرشقت بالضحك ..
ألينا تحكي :
كملت جريت .. اما باقية نتحلف فيه نخلفهالوا.. جيست ما رماني لعبتها منعرش نعوم .. كي شفتوا تفجع اكاكا حليت عينيا .. منجمتش نحكم الضحك .. هههههه منظرو و هو مفجوع اكاكا .. ميتفوتش جملة .. باقي يغزرلي مشوكي .. موش فاهم شي ..لفيت يديا ورا رقبتوا.. و كملت نضحك ..
ألينا؛ هههههه تي منظرك هكا ميتفوتش جممملة .. ههههههههه وجهك صفاااار هههههههههه ....
تبسمت و انا نغزرلها اكاكا .. هاي طلعت تعرف تمثل بالقدا الفرخة ..باقية تحكي و تضحك .. مركزتش برشا في هدرتها ...
...............
فادي؛ وي شفما !
-مسيوا الفدرالية و الشرطة .. فتحوا بحث مكثف على ألينا .. خاطر حكمتها الكاميرات البارح .. مام عملاء ال FBI تحركوا .. و بوها ليوم يكون في براغ
فادي؛ شننننوة !! و شافوا جود معاها !!
-لا خاطر وقت حكمتها الكاميرات كانت المطر موش تصب .. و كي لحق جود كانت الؤية ناقصة .. مي عرفوا اللي هي مع حد ..هذا واش وصلني فالتقرير ..
فادي؛ اففف باهي باهي
-ملازمش توا تبان كان يحب على مصلحتوا .. القضية أكبر من انو شرطة و كهو .. بوها مقلب الدنيا راو ..
فادي؛ باهي اي جديد خبرني و مرسي مرة خلاف زهير
علقت عليه عديت يدي على وجهي .. توا بالحق وحلنا .. منعرش كيفاش باش نفكها .. تي و هوما خرجوا!!.. هزيت التيليفون باقي نكلم فيه شي .....
......................
ألينا؛ ههه اما هاك طلع......
قص عليا كي حط شفافو على شفافي و باسني .. جمدت في بلاصتي ..كان ماش حاكمني كنت توا نغرق بالحق .. جبد روحو شوي غزر لشفافي و غزرلي .. باقية جامدة .. للمرة الثانية عاودها !!!
🚫🚫🚫🚫🚫🚫🚫🚫🚫🚫🚫
#بارت2
#عشق_محرم_دوليا⚖
#يسرى_أمجوج👑
