الحلقة 35 :
واقف هاز مقص في يدو .. و يقص في قشي !! .. تنطرت وقفت ..
ألينا؛ صاڤا عالصباح !! علاه تقص في قشي ؟؟
طفاني و كمل يقص فالشورت .. نطرت جبدتها من يدو
ألينا؛ نحكي معاك راني مامي
ڨحرلي و لما لمقص لنص الخزانة .. جبدني من مرفقي .. حسيت يدي نصلت ..
جود؛ بش كي تعودي نازلة تهبطي بقش محترم
ألينا؛ علاه هبطت بدوبياس .. يخي نتا اللي شاريه ..
جود؛ صحيتي أنا شاريه نفحتلي نقطعوا
ألينا؛ مهبول
غزرلي ندرا كيف .. مبعد طرشق بالضحك .. فلت يدي و خرج .. تعديت يدي على شعري .. غزرت للشورتات .. و التي شيرتات اللي شخشخهم فلرض .. نفخت و دخلت ندوش .. خرجت جبدت جامپسوت بيض مع صاندال نواغ بسبتة وحدة .. ريقلت البوشات .. درت مايكاب نيود ريقلت شعري لميتوا كودشفال .. حطيت بارفان و خرجت .. نزلت سقسيت البون .. قاتلي يفطر .. دخلت للكوزينة .. لقيتوا يرشف فالقهوة .. معبرنيش مامبا و أنا ڨعرت لرض بالطالون .. حطيت البوشات عالتابل .. حطتلي الخدامة پانكايك و سموثي .. بديت ناكل .. و نرمي فعينيا عليه .. دخل راسو فالصحن تقول جامي شاف كراپ ..كمل هز روحو .. جا خارج ..
ألينا؛ متروحش تخدم قبل ما نكمل
تلفت غزرلي ..
جود؛ علاه
ألينا؛ نفحتلي نجي معاك للخدمة .. نتا تخرج و أنا نتخنق فالدار؟
جود؛ 5 دقايق
ألينا؛ كيفاه هذا وين قعدت
مدارس عليا خرج طول .. تأففت زربت رشفت السموثي .. ريقلت الروح و نزلت .. لقيتوا واقف عاطي بالظهر يحكي فالتيليفون .. بقيت نخبط فالطالون بش يتلفت يشوف الحطة .. كوپا .. تلفت لقاني واقفة قدام الباب ..
جود؛ اركبي راح عليا الحال
ڨحرتلوا و ركبت .. زاد ركب .. ريحة بارفانتو عبات الطوموبيل .. حاط نواظر .. زاد موسيقى عاللخر .. طلع الكاروات وديمارا ..مطفيني تقول أنا اللي ميتة البارح بش نبوسوا ..نزلت المراية .. نريڨل فشعري .. مبعد جبدت الغوج .. دوك نطقك بالسيف عامل فيها بارد و ميحلبش .. باقي ندير و نعاود فوق الغوج .. غزرتلوا على جنب .. حجرة تقول .. خبيتوا .. و غزرت للطريق سرحت .. ميلانو .. مدينة تهبل .. الطراز القديم مع الجديد .. طابع أوروبي يهبل .. الناس كل واحد عايش حياتو واحد ما لاهي بالاخر ... حبس قدام مبنى كبير من برا كامل بالزجاج .. فك السبتة .. و تكا عالسبتة تاني تفكت ..
ألينا؛ نعرف
نزل طول .. بعدتها و نزلت .. جا واحد من الرجال دا طوموبيلتوا .. من اللي دخلنا و هوما يرحبوا بيه .. بلا النسا قريب ياكلوه بعينيهم ... مع وصل لبيرو قدم واحد حلهولوا ... دخلت وراه .. بيروه واسع ديكور بين الأبيض و الڨري و لكحل .. قعد عالبيرو .. حطيت البوشات عالفوتاي .. و وقفت فالطاقة .. تحل الباب تلفت كي دخلت السوكريتار تاعو .. توقعت تكون المعري كيما المغطي .. يخي ظهرت لابسو نورمال.. حطت زوج قهوة عالبيرو .. بدات تملي عليه فجدول أعمالوا .. تلفت نغزر للطاقة .. فادة عاللخر ..خرجت .. باقي يقلب فالدوسيات و يرشف فالقهوة .. شربهم في زوج .. و أنا اللي كنت حاطة بلي الثاني تاعي ..ترميت عالفوتاي .. جبدت تيليفوني بعثت ميساج لألفة .. خبرتني بلي راهي فدار العايلة تاعها عندهم ختانة.. تأففت يعني مكانش اللي راح يخرجني من الحالة .. شوي و ناض خرج ..باين راح للاجتماع .. شوي وقت و تحل الباب .. حكيت بلا ما نطلع راسي ..
ألينا؛ يخي الإجتماع فيه ساعة علاه رجعت دوك بعد
ريتا؛ ههه هادي نتي
طلعت راسي .. جات عيني عليها .. لابسة شوميز بيضا .. مدخلتها في جيپ علالاطاي فالباج .. مع صاندال كحلة .. شعرها مكسل كامل مرجعتوا للتالب ..
ألينا؛ ردة الفعل اللي درتي نورمالموا انا اللي نديرها واش جابك هنا ؟
ضحكت بتسوميم .. و قدمت حطت الدوسي عالبيرو .. و قعدت على حرفوا تغزرلي ..
ريتا؛ ههه وش يبانلك .. نخدم مع جود .. شريكة يعني
عدلت قعدتي .. عنجد واو يتسما الخرا هاذي كل يوم لاصقة في جدوا هنا .. و أنا اللي كنت حاجة فادي برك شريكوا .. تبسمت
ألينا؛ ههه متقوليليش مزالك طامعة تدين ..
ريتا؛ ههه ش قصدك ؟
ألينا؛ يعني .. الطفلة اللب تتوصل تيري عليا رصاصة جيست بش نموت .. و يبقالها جود .. منظنش استسلمت و نحات الفكرة من راسها
ريتا؛ هههههه بزاف مصدقة روحك .. نظن بانتلك كي شفتي العاقلة البارح مركزين معاك بانتلك بلي رايح مهمة .. و محور حياتنا ..نصححلك شيغي .. واحد ماو سامع بيك ..
ألينا؛ ممم هههههه بانتلي ..
وقفت نريڨل فذراع الجامبسوت ...
ألينا؛ دوماج متعرفيش تصوبي.. سواء فالرصاصة ولا اختيار الأهداف .. والشي اللي راهو يدور فراسك .. سوپريميه .. على خاطر جود .. تطيري تعري تزيدي تنقصي راح يبقى تاعي
ريتا؛ ههه تاعك قلتيلي ..اللي يشوفكم ميأمنش .. بالطبيعة الطفلة اللي تبرا منها باباها .. و عايشة كي المتطفلة عند دار واحد جايبها جيست زكارة ..
ألينا؛ زكارة .. زيادة .. تطفل .. فالصح أنا مرتو .. تعرفي وش معناها ؟ .. أوبس نظن متعرفيش ..
ريتا؛ ههه نعرف كنت خطيبتوا و بش نولي ..كي تخلص برك باريود الزكارة فباباك
ألينا؛ ههه كنتي ..
قدمت عندها ..
ألينا؛ قوليلي .. جود علابالو بلي نتي صوبتي مرتو ..
ريتا؛ ههه لعب دراري صغار
ألينا؛ ههه نووو في بالك رايحة نجري نشكيلوا ... عقلي أكبر من أني ندير حساب للي ميوصلوش مامبا ليا
ريتا؛ ههه تتحداي
ألينا؛ وي نتحداك كون تقدري توصليلوا .. تخليه يبوسك برك .. أنا نسنييلك ورقة الطلاق ..
ضحكت على طول صوتها ..
ريتا؛ ههه كوني واحدة .. مالا قريب ..
تعداتني جات خارجة ..
ألينا؛ عندك تقصري ..
جود يحكي :
قاعد فالإجتماع .. نغزرلهم يشرحولي فالداتاشو .. قدامي تيليفوني مقابلني ..حاط كيتمان بلوتوث في وذني مداير لكاميرا تاع بيرويا .. نعرفها تخدم خدايم عجب .. مركز مع الإجتماع .. حتى طلع صوت في وذني تولهت للتيليفون .. دخلت ريتا .. غمزت فادي يركز معاهم .. و ركزت مع الكام .. تبسم على جنب .. من جهة كارهتني و من جهة تتحدا تاني .. اوكي راح نمشيلهم فالخط و نشوفوا وين توصل ...
