..الحلقة 47 :
قاعدة في الجاردان سارحة .. تفكيرها بعيد .. قداش تعدا وقت ..6 أشهر و حاجة .. قداش توحشت حضن باباها ... أمها وقت تقعد تتمهبل عليها .. تنهدت بحسرة .. خاطر كانت تشوف فألفة و عايلتها كيفاش مهتمين بيها و مهتمين لتحضيرات عرسها .. عكسها هي .. كلش كان بزربة .. كان فالظلمة .. نزلت منها دمعة .. رغم كلشي وش ذنبها هي .. حطت يدها على كرشها ..
ألينا؛ مهما تعمل .. مش رايحة نفرط فيك كون متأكد.. جامي نسيبك كيما طيشوني أنا .. كان واقف وراها .. هاز الشوكولا اللي تحب .. أما وقفتوا صوت تنهيداتها .. و كلامها .. تنهد .. و مبعد مشا قعد قدامها .. تلفت غزرتلوا .. و تبسمت تحاول تمحي ملامح الحسرة
ألينا؛ اه وكتاه جيت ..
جود؛ دوك
ألينا؛ يامي جبتلي الشوكو اللي نحبها .. متصورش قداش شاهيتها .. يي و زيد طعم الكروي.. جات ف
جود؛ متوحشة عايلتك ؟
تلفتت غزرتلوا .. غزرلها .. بدلت عينيها منو ..و حلت الشوكولا .. عبات فمها ..
ألينا؛ بنيييييينة .. علاه مجبتش 4 .. شاهيتها خلاص
جود؛ سامحيني
ألينا؛ متزيدش تعاود ...غدوة جيب بزاف كتعويض ..
جود؛ علابالك مليح وش نقصد ..
وقفت .. طبست هزت الكاس ..
ألينا؛ هيا ندخلوا الجو بارد هاذ الليلة ..
جات تمشي حكملها يدها ..ووقف .. محبتش تتلفت .. جبدها .. جات فنص سدرو.. خرجت منها شهقة .. دموعها نزلوا .. عدا يدو على شعرها .. و تنهد .. جبدها شوي و مسح الدموع ..
جود؛ حبسي الدموع .. عمرك تبكي علا خاطر الدموع ينحيو القلقة .. انتي اضحكي و أنا نحيلك القلقة .. و العينين اللي راهم باسمي .. ميبكيوش .. راهم معايا بش نشوفهم يلمعوا بالفرحة.. غدوة نروحوا لفرنسا تشوفيهم ..
ألينا؛ صح !!!
جود؛ اممم لحق الوقت اللي نفرزوا فيه كلشي
ألينا؛ نحبك
جود؛ برك ؟
ألينا؛ ههه نموت على جدك
جود؛ واش اللي تموتي على جدي .. موتي عليا برك
ألينا؛ ههههههههه
جبدها عنقها .. كبس عليها أكثر .. أهم شي تكون فرحانة ..
................................
فادي؛ مش مساعدتني أنا آبال فيديوا
ألفة؛ مزال 3 أيام للعرس اصبر
فادي؛ اي و تشوفي الصبر اللي راني فيه
ألفة؛ هههه بلع .. علابالك نفهم الجهة الخايبة فالهدرة
فادي؛ هههه الله غالب راح ندي صاحبي
ألفة؛ اسمع
فادي؛ واش
ألفة؛ نتا علاه ما تخدعنيش .. حابة نجرب شعور النداب .. من اللي نوض و نا نضحك .. حابة نأكشنها
فادي؛ هههه حابة نخدعك .. وش ديريلها
ألفة؛ جرب تشوف .. نبخر عليك بالساكتة و المسكوتة .. تولي تطايش من شوكة لشوكة ..
فادي؛ ياااا لطيف
ألفة؛ هههههه أيا بونوي نعست
فادي؛ منحبكش
ألفة؛ و أنا مش سامعة بيك يعني
كوبات خلاتوا يضحك .. تبسمت و رقدت ...
