الحلقة 16 :
ألينا تحكي : حسيت بيد كي جبدتني .. معرفتش نمشي .. كل مرة نتدعثر فالروب .. متأكدة هو .. دخلني لأول بيت عارضتنا .. مزية كاين شوي ضو متاع القمر .. نجمت نحدد شوي ملامحوا .. فلت يدي .. عدا يديه على وجهوا .. خذا نفس ..
ألينا؛ نتا اللي كوپيت التريسيتي !!
حط يديه فمكاتبوا و باقي عاطيني بالظهر
ألينا؛ نورمال في مخك نتا !!
تلفت ڨحرلي ڨحرة متاع موت (عندي بزاف ماستعملتش الجملة الشهيرة هادي 😂)
جود؛ تشطحي مالا !؟حكملك يدك ! عجبتك ! فرحانة بعمرك ا لالا ؟
ألينا؛ مكلاه تضخم الموضوع.. كيفاش مد يدو و الناس كامل تشوف نردو .. عيب
جود؛ دوكا وليتي تعرفي العيب ؟!
ألينا؛ علاه كنت **** !!
جود؛*********** ماتبدليش السوجي
ألينا؛ متعيطش دوك يسمعونا !
جود؛ ******* بيا نتي
ألينا؛ حاجة نورمال نتا برك لازم تعقدها و قتلك الناس
جود؛ خممتي فالناس و مخممتيش فيا !! *** قدامك ..
ألينا؛ بصفتك واش قاعد تحاسب فيا .. هاني خليتك مع بنت خالتك ولاندرا واش علاه ماحاسبتكش
جود؛ بصفتي واش !! تسما زيادة أنا هنا ؟ أوكي روحي اشطحي
خرج طربق الباب مخلانيش حتى نهدر .. معرف حسيت بلي زدت فيها .. رجع التريسيتي بالوقت .. تفجعت .. بالاك يشوفوه .. خرجت نجري .. لقيت بابا طلب منهم يرجعوا يستمتعوا عادي .. هزيت طرف الروب و مشيت عند فادي
ألينا؛ وينو ؟؟
فادي؛ خرج .. دوكا نتي نورمال في مخك
ألفة؛ بصح نورمال و زيد قدام فاميلتها تردوا !
فادي؛ مش مع جود .. كي مادار والو اكي مليحة.. صاحبي و نعرفوا عقليتوا مرض
ألينا؛ تغشش وراح
فادي؛ دوك نلحقوا
ألينا؛ عيشك طمني تعمل مزية
عاصم؛ يطمنك على واش ! غير الخير ؟؟
تلفتنا كلنا غزرنالو ..
ألينا؛ فما منظمة تاع حماية النوارس و سمعت اللي المحمية اللي متكفلة بيها خاصها تموين
عاصم؛ آآ
- عاصم ممكن دقيقة
عاصم؛ پاردون
مشا مع الراجل .. تلفت لقيتهم طرشقوا بالضحك للزوز
ألينا؛ غير الخير
ألفة؛ نورمال نتي ! محمية هههههه
فادي؛ مجاتش فالمحمية هههههه فالنوارس هههههه معلابالكش بلي غير هوما مينقرضوش
ألينا؛ ههه بلعوا أنا وين و نتوما وين
...
كملت الحفلة .. مجلت تكمل روحي طلعت .. تكيت فبلاصتي .. باقي في بالي .. نستنا في فادي يكلمني .. و يطمني عليه ... خاطر تيليفوني مطفيه السخطة .. باقية نتفكر فاللي صار لين صونا تيليفون ..
ألينا؛ طمني ؟!!
فادي؛ سافر
ألينا؛ ك كييييفاش !!! وين ؟!
فادي؛ دبي
ألينا؛ وش يدير تما ؟؟
فادي؛ مقر شركتوا الفرعية
ألينا؛ يخي قداه من فرع عندو!
فادي؛ هاد السؤال ميحتاجش كاستيون ههه
ألينا؛ هههههه والله ماك نورمال ..
فادي؛ الحل ؟ تسافري ؟
ألينا؛ قصدك نتبعوا .. نولي كيما التابعة .. أصلا هو غالط
فادي؛ اقعدي يديوه
ألينا؛ منقدرش معنديش يومين راجعة للدار نزيد نروح لدبي محال يخليني بابا
فادي؛ اممم بما أني راح نحل مول لتم .. و كنت. راح نمد صفقة لشركة يابانية .. هاني على خاطر هاد الصحبة المعفنة .. راح نمدهالك ليك
نقزت فوق السرير ..
ألينا؛ يااااااا تحكي منك صح!!! .. مكش تتمسخر ياك ههه
فادي؛ اممم بشرط
عاودت قعدت ..
ألينا؛ قول
فادي؛ صاحبتك لازم تجيبينا معاها لدبي
ألينا؛ آ آآ .. قولي من لول ضربت فاها عشقة .. نفهمك
فادي؛ ههه لالا مش هكاك .. ديجا نتي لاه تحوسي .. جيبيها و خلاص .. مم نسيت مقتلكش .. فادي عندو آمي تاعو فدبي .. واش نقولك
ألينا؛ واش تقولي 😑
فادي؛ بوبية ياودي .. من روسيا واش من شعر صفر .. واش من طاي ... مخك يحبس يا طفلة
ألينا؛ كون تكوبي تخليني نروح نقول لبابا عالفواياج مش خير ؟
خليتوا يضحك و كوپيت و رحت للبيرو عند بابا
