الحلقة 31 :
باقية نحكي أنا و هي ..قداش توحشتها الهم ..مجبدتلهاش عالسوجي اللي تغششنا بسبتوا و مش وقتوا تاني .. أهم شي أنها جات .. حطت يدها على يدي
ألفة؛ جود قاعد يعامل فيك نورمال ؟
للحظة سرحت فالسؤال تاعها.. و تفكرت غير اللقطات تاع الإهتمام هاذوا .. تلفت غزرتلها .. و هزيت براسي ايه
ألفة؛ صح اللي عملوا باللقطة تاع الفيديو مش مليح .. مي كان قادر يأذيك أكثر و يحطوا يتفرجوه ناس عليك كامل .. و هكا نقدر نقول ا تصافيتوا
ألينا؛ بصح أنا عملتوا لسبب
ألفة؛ كيفاش يعني أنا كي سقسيتك قلتي ما عندوا ما دخلك و...
ألينا؛ خطينا من الحكاية أهم شي أنك جيتي دوكا .. حقا كيفاه حتى تنازلتي لالا
ألفة؛ ههه الله غالب مقدرتش نحمل أكثر خلصلي الأكسجين.. هي فالأصل عيطلي سي راجلك و قالي بلي ماكش قادرة تعيشي بلا ما تشوفيني .. يخي صح جيت لقيتك صفرة رايحة تموتي
ألينا؛ هههههه ناناك .. اصبري نجيب حاجة ناكلوها
ألفة؛ كثري الشيبس عندي نسيبي يخلص
ألينا؛ خلاص تيو تيو
خرجت نضحك .. تنهدت .. يعني هو اللي يعيطلها .. تبسم و نزلت للكوزينة .. نمشي و نلعب بشعري ... للحظة ضربت فراسي نقولوا مرسي عالجاست .. طلبت من الخدامة تحضر صينية و نزلت نحوس عليه ..مع وصلت للطاج لخر .. تحل الباب تاع برا و دخل فادي .. جات عيني فعينو تبسمت .. دخلوا وراه الزوج اللي كانت مع فادي و هو الاخر .. هاز دوسي و يحكي
جود؛ منيش قابل قولوا نسحق ارباح 75 بال
فادي؛ ألييييينا
تبسمت و قدمت .. طلع راسو جات عيني فعينو حسيتو تصدم .. سلمت على فادي ..
ألينا؛ عاش من شافك
فادي؛ ههه توحشناك يا قطة ..
جود؛ اخرجوا نتوما الزوج .. هاد الدوووسي
تلفتنا في زوج على عياطوا ..
فادي؛ بلعقل واشبيك ..
جود؛ اطططلع نتا عند مرتك طاج لخر
فادي؛ ألينا مزال نحكيو
ألينا؛ مهم لازم
جود؛ فاااادي
غزرلوا تبسم على جنب و ركب فالأصانصير ..
ألينا؛ جود ب
جود؛ وشبيه *************
ڨحرتلوا
جود؛ هابطة هكا نورمال في مخك !!! ... نضربك نخلطلك الرحمة تاعك هنا !! .واش هبطططط سمااااك !
ألينا؛ بركا ما تعيييططط
جود؛ بلعععععي ..
جبدني من يدي .. حسيت ذراعي راح يطير من بلاصتوا ...
ألينا؛ جوووود بلعقققل وجعتني
حبس و دزني مع الحيط .. حط يدو على وسطي أصلا تي شيرت قصير .. و قرصني طرت وهبطت من الوجيعة ..
ألينا؛ آآي جوووود وجعتننننني
جود؛ ***** مرتي تهبط هكا قدام صحابي أليييييينا خممي شوي.. مش طحان راني .. مرتي راكي افهمممممي
خبط يدو عالحيط قدامي .. باقية نغزرلوا .. سدرو يتهز و يتحط .. شعرو مفرفش شوي .. كلمة مرتب و هي تخرج من فمو .. غيرتو عليا .. ألفة اللي جابها كي بكيت البارح.. سهرتوا معايا ليلة البارح ..
جود؛ حلي ****** فمك .. هادي كنتي تضحكي ...
جيد عليا حط يدو على وجهو .. و عداها على شعروا .. خذيت نفس و قدمت عندو مع تلفت لقاني في وجهوا ..
جود؛ اطلعي قبل ما نخلط ******* هنا .. احمدي ربي اللي راكي مريضة ..
باقية واقفة فبلاصتي نغزرلوا ..
ألينا؛ واش قلقك كي نزلت هكا ؟
هز حاجبوا
ألينا؛ نظن ميهمكش بزاف .. و الفيديو اللي درتوا أكبر دليل .. فهم روحك نتا .. جبتني بش تنتقم مني ياك .. و طيحت من قيمتي قدام بابا و ماما بأرخس جاست شفتوا في حياتي .. و دوك تغير عليا .. و من جهة خلاف البارح جايب وحدة وجاي .. تكونش عندك انفصام شخصية !! .. تهتم بيا كي نمرض و تجيب ألفة .. جود لوين حاب توصل !!
غزرلي مصدوم من هدراتي .. نزل راسو .. غمض عينيه بالقاوي .. و مبعد عاود غزرلي ..
جود؛ نتي واش حابة ؟
ألينا؛ كيفاه يعني
جود؛ هه واش حاب قلتيلي ؟ ..
عدا يدو على لحيتوا .. و قدم عندي لين تخبطت فالحيط ..
جود؛ معلاباليش .. نكرهك في حياتك .. نخلطهالك متفهمي فيها والو .. و تأكدي وقت يخلص انتقامي .. بش نطيشك و نطيش معاك حكايتك .. من لول كنت حكاية فارغة و رايحة تبقاي .. أيام برك بيناتنا .. و الطفلة تاع البارح اللي فسدتيلي ڨوسطويا معاها .. مزال بزاف غيرها .. ميهمنيش إذا راح تتقلقي ولا لا و مش مهتم أصلا .. و مجبورة تتحملي .. طبعا لأنوا والديك طيشوك .. يعني يومك سوم وحدة ****** من البارات ..طيشوها عايلتها و هاداك هو الصح .. ماكي رقدتي مع راحل مش مزوجة بيه .. واش تفرقي عليهم .. مممم قلتيلي من قبل بلي لعبيتيها عليا الباريود هاذيك .. و اللي انتي انتقمتي لباباك .. مكنتش علابالي بلي شرفك أرخص حاجة عندك .. بش في ليلة تمديه للي جا
هزيت كفي و خبطتوا على كول جهدي .. وجهوا تلف ..
ألينا؛ توووووله لهدرتك .. منسمحلكككككش تحكي معايا بلا فاصون هادي
ضحك و غزرلي ..
جود؛ علاه كذب؟؟ اوووه نو كلش صحيح .. يخي انتي قلتي انتقمت .. و اللي تنتقم يطيشها باباها هكاك .. الكلاب و ما يطيشوش ولادهم .. و انت طيشك رغم انك انتقمتيلوا ليه .. احكي .. جاوبي بالاك تقنعيني نطيش حكايتك من راسي
دموعي نزلوا .. قد ما حاولت نحكمهم .. بلعت ريقي هزيت يديا مسحتهم
ألينا؛ تحب تعرف الصح قلتلي
#عشق_محرم_دوليا
#يسرى_أمجوج
