الحلقة 11 :
قدم عندي .. بلعت ريقي بالوقت .. غزرلي ملفوق للتحت .. مبعد رما يدو عنقني .. دموعي نزلوا بالوقت .. توحشتو و توحشت عايلتي الكل ..جبد يدو .. غزرتلوا .. مسحلي دموعي ..
مراد؛ قتلك مدام باباك عايش دمعة ماطيح منك هيا إيجا
ألينا؛ بابا أنا ..
مراد؛ تحكيلي مبعد.. دوكا نرجعوا لفرنسا.. و عندنا ما نحكوا .. متفاهمين؟؟
هزيتلوا براسي وي .. عمل إشارة لرجالو بش يتحركوا .. تلفت غزرت للأپارتومون .. مكانش مامپا كيفاش نقولوا أني رحت .. بلعت ريقي و مشيت .. حطيت راسي على الطاقة .. نغزر للسما ..حط يدو على يدي و كبس عليها شوي
مراد؛ متخافش بنتي كلش مليح توا
دوب تبسمتلوا .. شباش نقولهم فالدار .. و جود توا كيفاه .. مطار شارل ديغول الدولي.. مع حطت الطيارة خذيت نفس .. و نزلنا .. جات الكرهبة متاعو بالوقت ..ركبت باقية نخمم .. كي لحق يعرف وين راني .. يتسما يعرف بحكاية جود.. زعما شبيه راكح .. ماو ولد أكبر أعدائو .. مخي تحرق من التخمام ...ڨارات الطوموبيل قدام الفيلا .. طلعت راسي .. غزرتلها .. تعدا برشا وقت .. توحشت عايلتي بالحق ..غزرتلهم كي خرجوا يجريو .. ماما .. خويا .. ختي الصغيرة .. خوالاتي .. عمومي .. جدي .. حالي الشوفور الباب نزلت .. دموعي طاحو .. قدمت عند ماما ..تبكي و تغزرلي ..ترميت عنقتها .. قداش توحشتها .. احساس خايب بزاف .. تعدا الوقت و انا نسلم عليهم ..كل مرة يسقوني وين كنت نبدل الهدرة .. بابا حتى لتوا ماسقساش .. اصلا مدخلش معايا للدار
وافية (خالتها): مي مقلتيلناش وين كنتي الوقت هذا كامل ألينا ..
ألفة؛ نخلوها ترتاح و مبعد تحكيلنا طاطا
نوران(مرت عمها): مجاتش فالتعب .. طفلة مابان عليها حتى خبر شهور .. و
مراد؛بسبة هذا
طلعوا ريسانهم كامل غزرولوا.. عينيا تحلوا .. جمدت فبلاصتي و أنا نغزرلوا .. واقف مع بابا !!!
#يسرى _أمجوج
#عشق_محرم_دوليا
