الحلقة 21 :
باقية ف البيت ... ألفة جيست تغزرلي ..و انا رايحة جاية ..منعرف واش رايحة نديؤ .. أول مرة بابا يتعامل معايا هكا .. علابالي غالطة و عند و حق .. مي منجمض نخلي جود فالحبس .. الليل طاح و هو مجاش .. جابت ألفة العشا حاولت تحتملي شوي مغارف تاع لا سوپ .. الساعة العشرة .. حليت الباب نزلت نشوف لكان جا .. غزرتلوا كي داخل لبيروه .. تلفت غزرلي و دخل قفل الباب .. رحت جيت نحلوا.. قفلوا!!
ألينا؛ ب بابا .. حل نحكيو عيشك .. لازم نحكيو نعرف مغشش مني .. و اللي عملتوا ميصلحش .. و دوك تقول ضربتك في ظهرك .. مي عيش بابا .. لازم تسمع مني .. الحقيقة عندها بزاف أوجه مش نتا علمتني هكا .. اسمع واش نقولك أنا و مبعد احكم .. عيش بابا حل ..
باقية نطبطب ... نحكي نبكي والووو.. رميت بعضيو رجعت لبيتي
ألفة؛ ألينا لازم نروح دوكا .. نعرف راكي فوقت صعيب مي غدوة نجي نطل عليك .. خليتلك تيليفوني بش نتواصلوا منو .. حابة نقعد مي عايلتك .. قاعدين يشوفو معايا بواحد الشوفة .. شغل راني متعاونة معاهم .. مش حامليني .. تهلاي فروحك و كولي ... غدوة نفوت لمركز التحقيقات إذا خلاوني نشوفهم نعيطلك نطمنك
ألينا؛ أ أوكي
ربتت على كتفي .. عنقتني و راحت .. ترميت عالسرير .. نمسح فدموعي .. منعرش واش صاير فيه دوكا .. وليت نلزم روحي .. كون كي عرفت بالحكاية ورا ما رجعتلي الذاكرة .. نرجع و كلش يخلص .. طلعت يدي نقلب فالخاتم فيها ..نحبوا .. منقدرش نتخيل حياتي بلا بيه .....
باقية ليل كامل .. . الصباح بدا يطلع .. جات الفرملية باقية تفاقد فالجرح و تعلم فيه
ألينا؛ بابا هنا ؟
الفرملية؛ لا خرج مدموزال
تنهدت .. مع كملت خرجت .. صونا تيليفون تنطرت نجري ...
ألينا؛ ألفة طمنيني
ألفة؛ دوك تفوت ربع ساعة بش يوصل وقت الزيارة و ندخل نشوفهم .. شفت دوكاجماعة تاع محاميين .. راح يدفعوا اوراق الكفالة .. ورايحين يحكيو معاهم .. كي يكملوا نروح نشوفهم
ألينا؛ أوكي نستنا فيك ..
كوبيت باقية نمشي و نجي فالبيت .. تحل الباب تلفت .. نلقاها ماما
جازية؛ فهميني برك علاه درتي هكا .. خلصوا الرجالة فالدنيا .. لقيتي غير ولد سيزار تهربي و تزوجي بيه
ألينا؛ ماما متزوجتوش على خاطرو ولد سيزار زوجتو .. باسكو نحبو و يحبني و كون جيت عمبالي بلي تقبلوا منتزوجوش هكا .. نتوما تشوفو فيه من منظور عدو و ندرا واش.. بكا عليا و قداه من مرة سلكني من الموت ..
جازية؛ نتي ربيتك أنا هكا ؟ .. وجههك صحاح تاع الصح بصح قوليلي شكون عاشرتي
ألينا؛ متنجميش تفهميني
جازية؛ باينة خاطرك بهلولة و عداها عليك .. و نتي كي الطنهة أمنتي .. متعرفيش واش صرا فالماضي غير بلعي فمك .. و متهدريش .. احمدي ربي كي ماذبحكش باباك..
ألينا؛ ماااضي مااضي ماااضي واش دخلني انا فالماضي .. دوكا نتوما مكملين حياتكم فالحاضر ولا تخمموا برك فالحسايف
جازية؛ الدلال الزايد واس يدير .. معليش ابنت كرشي ..
خرجت و طربقت الباب وراها .. عديت يدي على وجهي .. عييت تاع الصح ..
........................... ...............
ألفة؛ قصدك اللي محال يخرجوا كون متتنازلش ألينا؟
المحامي؛ ايه
ألفة؛ نقدر نشوفهم يخليوني ؟
المحامي؛ ايه ..
دخلت لقاعة الانتظار شوي و حلو الباب .. وقفت .. سلمت عليهم
ألفة؛ صافا ؟؟
فادي؛ واش من صافا
قعدنا كامل
جود؛ وش أحولها .. كشما دارلها ؟؟
ألفة؛ مهمش يحكيو معاها فالدار.. و ممنوع عليها تخرج
جود؛ شفت قلتلك .. و الجرح تاعها ؟... قاعدة تاكل ؟
ألفة؛ كاينة فرملية تعاودلها الفاصما .. و الماكلة مهيش تاكل البارح وكلتها السوء بالسيف
حط راسو عالطابلة ..ربت فادي على كتفوا .. باقية نغزرلهم ....
ألفة؛ المحامي تاعك قال اللي ألينا لازم تتنازل بش يخرجوك مي عمي مراد محال يخليها .. أصلا حابسها فالدار..
جود؛ قادر دوك باشارة نخرج .. منيش حاب نخرج بجوجمة .. منيش حاب يعاودو يبداو الحرب بسبتنا
ألفة؛ و الحل
جود؛ مراد عندو حاجة فراسو ..
فادي؛ كيفاه يعني ..
جود؛ هدفوا مش يحطنا فالحبس برك .. في بالو الليقاعد ينتقم من بابا
فادي؛ و كي هكا علاه مخليتش باباك يهجم
جود؛ لازم نخمم
-مدموزال وقت الزيارة خلص ..
وقفت وقفوا في جرتي
ألفة؛ تولهو على روحكم
جود؛ متهدريش لألينا بلي لازم تتنازل
ألفة؛ علاه !
جود؛ هكا
خرجت من المكتب عيطتلها .. مرات بش هزت .. حكيتلها كلش .. كوبات طول ..
.........
ألينا تحكي ؛
كوپيت عليها ..لازم نتنازل محال نخليه فالحبس ..
رحت نجري لاصال تاع الخدامات .. لقيت قش وحدة محجبة فيهم .. و خرجت .. مفاقوليش .. حكمت طاكسي ديراكسيون المركز .. شوية و وصلت .. نزلت .. مشييت .. خطوات وقفني صوتو من التالي
عاصم؛ أليناااا
تلفت .. غزرتلوا اقف هو و بابا !!!
#عشق_محرم_دوليا
#يسرى_أمجوج
