..الحلقة 15:
جود؛ قداه من مرة نقولك مديرش من سي راسك .. شكون قال ل **** بلي رايح نرجعها لدارهم
فادي؛ هكا تشكرني ورا ڨاع وش درت .. انشالله ناوي تخلي الطفلة بلا عايلة
جود؛ و بابا علاه نايض تقولوا
فادي؛ على خاطر اللي نهار هاجموها فالحديقة .. كانوا مبعوثين من باباك .. كيما كل طفلة تكون معاها يقتلها .. كون مقلتلوش بلي اك صح عينك فيها و بلي قادر توصل للكبيرة ..مكانش يهدا حتى يقتلها ..
جود؛ وصلت للكبيرة خرجتلوا من الدار
فادي؛****** علاه
جود؛ بسبتك
فادي؛ ******** جيت نعاونكم وليت مش مليح .. اللي يزيد يدخل روحو... ****** درك
جود؛ ارواح هنا وين رايح .. شو كيفاه يدير كي ال**** هههه
فادي؛***** هههههه
جود؛ حاب نخطفها فادي
فادي؛ شكون ؟
جود؛ نتعرالك ! شكون يعني
فادي؛ هههه **** ... نتا مريض .. مشفتش باباها كيفاه .. محال نزيد نقابلوا
جود؛ هههههه نسيبي ياه
فادي؛ حقا عرفت بلي راح يديرو غدوة حفلة بمناسبة رجعتها ..
طلع حاجبو و تبسم على جنب
جود؛ امممم
فادي؛ هههههه فهمت الشوفة هادي
..
بسمة؛ شوفي الديكورات كيفاه
-جوري؛ هه بنت العم رجعت لازم يتهلاو فيها
بسمة؛ هه جوري مزلتي تغيري منها
جوري؛ هه وش فيها نغير منو عادية عاللخر ..
بسمة؛ ههه بلعي جات امها
جازية؛ البنات واش راكم عجبتكم الحفلة
بسمة؛ ايه طاطا هايلة .. وكتاش تنزل ألينا الضيوف كامل وصلوا
جازية؛ ههه ألينا و تعرفيها دوك تنزل هي و ألفة استمتعوا
مشات
جوري؛ كون مش ماما منجيش
بسمة؛ حقا علابالك قاتلي ماما اللي سلكها فادي
جوري؛ شكون هذا
بسمة؛ فادي فادي
جوري؛ رجل الأعمال !!! اللي نهار قرعجنا عالانسطا تاعو ؛
بسمة؛ ايه و جا البارح صاحبوا جود هذاك .. اللي تقابض بالله مع عمي مراد
جوري؛ كيفاش كيفاش .. شي هذا كامل صرا ..
بسمة؛ ايه ملي رجعت غير العجب
جوري؛ مدخلتش فراسي يسلكها فادي هذا من دون الناس كامل
بسمة؛ اكيد وراها حكاية .. نورمالمو راو معروض ..
جوري؛ اه صح !! علاه مقلتيليش .. شوفي كيفاش نبهدل
بسمة؛ هيا نروحو نديرو روتوش
.................
ألفة؛ اوهوووو وش هذا الزين
ألينا؛ صح جاتني مليحة !!
ألفة؛ ايه تهبل خاصها غير يشوفها جود
ألينا؛ هههههه اللي يحكيلك يندم
ألفة؛ بلعي بلعي درتي قاع هاذ الشي من ورايا و تزيدي كون ديما ديما .. فكرت فادي
ألينا؛ هيا ننزلوا هاداك هو ..
ألفة؛ حبسي ننزل نشوف الحالة .. و نعيطلك تنزلي
ألينا؛ ههه أوكي
خرجت .. تلفت نكبس عالروج فشفافي.. تحل الباب ..
ألينا؛ علاه رجعتي ليه ليه ..
دورت كي تقفل الباب بالمفتاح .. تلفت عينيا تحلووووا
ألينا؛ ج جووود
حط السينية تاع الشرابات عالتابل ..
قدمت نغزرلوا مشوكية
ألينا؛ و وش جااابك .. كيفاااه دخلت .. يا ب بابا كون يشوووفك
باقية تحكي .. مركزتش فهدرتها بزاف .. نغزر للروب جاتها تقتل .. و للروج .. جبدتها من يديها .. تخبطت فيا .. و تكيت عالباب .. باقية تغزرلي.. هزيت شعرات طاحو على وجهها رديتهم للتالي .. غزرتلها فعينيها .. و جبدتها حضنتها... باقي كابس عليها .. غزرت راسي فرقبتها ..توحشتها .. توحشت ريحتها .. جبدتها شوي ..عديت يدي على وجهها .. واليد الثانية حاطها على ظهرها من التالي ..
جود؛ توحشتك
باقية نغزرلوا .. تبان حلمة .. توحشتوا السخطة .. تقول عندي عام مشفتوش ..
جود؛ احكي شبيك
طلعت يديا حطيتهم على لحيتوا ..
ألينا؛ شكون ريتا
غزرلي باستغراب .. مبعد ناض يضحك بالصوت .. عينيا تحلوا .. باقية نحط فيدي على فمو بش يسكت .. سكت مي باقي يتبسم .. شوي و دورني رجعني جيهة الباب و حصرني بيديه على جنابي ..
جود؛ مكش نورمال ههه كي عرفتي اسمها تعرفي شكون هي
ألينا؛ ياااا نسيت بابا .. الحفلة .. كون يشوفك تخلا
جود؛ الحياة اللي ما تكونيش فيها نتي منسحقهاش .. نحتاجك نتي و ديري في بالك .. توقف الدنيا كامل في وجهي .. نديك و نموت .. فهمتي !!
هزتلي براسها اي .. باقي نغزر لشفافها الروج.. جبدتلها دقنونتها و طبست بستها .. كبشت فيا من رقبتي .. ترهوجت .. تنطرت كي طبطب الباب .. وتحل
جازية؛ ألينا وقت بنتي هيا.. علاه قافلة الباب
عينيا تحلوا .. غزرتلوا يتبسم شايخ عاللخر
ألينا؛ د د دوك نجي
جازية؛ حلي الباب ندخل نشوف كيفاش جيتي
تلفت غزرتلوا متاع شنعمل خلات ..
قدمت عندو نهمس
ألينا؛ ماما و نعرفها جود امانك اتخبا
جود؛ من نيتك هاد الكور وين ههه
جازية؛ هيااا
ألينا؛ أه ماما دقيييقة نحوس عالمفتاح ..معرف وين رميتو
تلفت ليه
ألينا؛ ارواح ادخل للخزانة
جود؛ هههه من صحك نورمال .. هاني لابس كيما النادل كوم كوا جبتلك الويسكي دوموزال ألينا
ألينا؛ الله الله عليك نادل فبيتي و قافلة لباب .. شواربو بالغوج مبلبزين .. و بوڨوص ملفوق
قدم ليا
جود؛ اممم تسما قصدك انا بوڨوص
ألينا؛ يااااه دوك تزدم بدوبل تاع المفتاح هيا جود بركا من التبهديل
جود؛ بشرط
ألينا؛ واش ازرب !
جود؛ كي تروح نتفاهموا
ألينا؛ اوكي ادخل
دخل رحت نجري فتحت الباب ..دخلت عدات يدها عالبيت و غزرتلي ...
جازية؛ شبيه الروج تاعك ملبز هك
ألينا؛ كنت نمسح فيه و نتي جيتي وليتي نحوس عالمفتاح
جازية؛ ممم عاوديه ليه ليه و انزلي عيب الناس تستنا
ألينا؛ أوكي
مشات مبعد دورت شافت معايا
جازية؛ راكي صافا
ألينا؛ أه.. ايه توتر تاع الحفلة برك
جازية؛ ايه و أو جاي عاصم .. عمبالك اللي باباك تفاهم مع باباه بش تتعرفوا و
ألينا؛ مزال منسيتوش لحكاية هادي
جازية؛ ايه منسيناش و مش راح ننساو مش اللي يجي ترديه.. و حكاية فادي و الشي اللي صرا مزال نحكيو فيه مدخلش لراسي .. ألينا باباك صعيب و تعرفيه
ألينا؛ صاااي فهمت فهمت
خرجت رحت قالت الباب .. عديت يديا على وجهي .. حل الباب .. شفتوا و هو مطبق هكاك .. تبسمت على منظروا ..خرج ملامحوا متتفسرش
ألينا؛ ههه منظرك هكاك ميتفوتش
جود؛ شكون ال*** تاع عاصم هدا !!!
ألينا؛ يه نقص صوتك دوك يفيقولنا
جود؛ مطلعليش ****** شكون
ألينا؛ ولد صاحب بابا
جود؛ نشوفو قدملك برك******* فهمتي
ألينا؛ فهمت
جود؛ نحي **** الروح هدا و انزلي
ألينا؛ تغششت ياخي
جود؛لا
