الحلقة 38 :
صوت خبطات .. عياط .. حاسة روحي بعيدة .. تحلوا عينيا بالشوي .. و تغمضوا .. زادوا عاودوا تحلوا .. غزرت للحيط اللي مقابلني ... باقية نثبت مبعد فقت .. جيت نتحرك .. لقيت روحي مربوطة فكرسي .. على فمي كمامة. . باقية نفارع و نعيط .. والو .. نسمع صوت عياط تاع رجال .. خبطات .. تقول حلبة مصارعة .. باقية نتحرك .. تقلب بيا.. الكرسي .. تخبط راسي..غزرت الباب .. كي تحل و كلش ظلم فعينيا ..
...............
جود يحكي :
بعدت عليها .. مكنتش حاب فوق إرادتي .. بصح كان لازم نجبد .. كرامتي تحطت فوق الحرف .. وين مش راح نقدر. نتهان أكثر .. و هي مش راح تتحملني أكثر .. كتبت الميساج هذاك .. بطلوع الروح ... كل يوم يتعدا أسوء من اللي قبلوا .. وليت مدمن شراب .. كل قرعة كانت .. على جال بش ننسا ألينا ..و كان كل كاس يفكرني بكلش صرا بيناتنا .. وليت منصحاش.. حتى نرقد.. الصباح نخدم و نرجع .. مخممتش نروح نحكي معاها .. رغم أني توصل لحتى تحت دارها ..حاط واحد يراقبها ...خاطر منقدرش نضمن في بابا .. رغم أني خبرتوا بلي طيشت حكايتها مي نعرفوا .. مام ريتا حاولت تتقرب مني .. مي حتى هي طانت تفكرني بيها .. هكا تعدا الشهر و نص .. حافظت على كرامتي بصح خسرت روحي كامل .. ليوم تعدات سمانة من آخر مرة شفتها .. حسيت الڨارو و الكاس و هزيت تيليفون .. نكلموا .. يبعثلي واش دارت السمانة هاذي ... صونا و مهزش .. استغربت مش من طبايعو .. زدت عاودت .. هز
جود؛ ******** مش قتلك تهز من لاپال لولة
رضوان؛ كان راح يهز كون مزالوا عايش
تنطرت من بلاصتي .. مبعد حاولت نبرد أعصابي
جود؛ ههه هذا نتا .. من وكتاه تجري ورا الفراخ
رضوان؛ بش نوصل للجاج ..
جود؛ ههه وصلت مالا
رضوان؛ يعني الصراحة كنت مخطط نلقا حاجة عادية .. يخي طلع الكنز أفضل من اللي نتصور
كبست على يدي .. و هزيت تيليفوني الثاني بعثت ميساج لرجالي يتأكدوا من دارها
جود؛ آو هكا بعد
رضوان؛ آخر مرة نتا راهنتني بصفقة حياتي .. و خسرتني فيها .. دوكا دالتي .. نراهنك
جود؛ بواش تراهنني
رضوان؛ هههه بالزلة اللي مخبيها عالمافيا .. يعني نقطة ضعف النمر اللي مرهب إيطاليا ..
جود؛ غالط راك الناس تراهن بالحوايج الغالية .. مش باللي ميهمش ..
رضوان؛ ممم أوك نتا اللي تعرف
وصلني ميساج بلي الدار فارغة ... كبست عالتيليفون ...
جود؛ ولا نقولك .. حاب نلعب نا تاني .. تعرف كامل خايفين مني مكانش معامن نلعب .. هاك جيت نتا تسليني ..
رضوان؛ هههه حلبة ********** .. تربحني تدي الكاس متربحش يروح الكاس .. .. و نعرف قد الهدرة متجيبش معاك البزوز ...
كوبا .. هزيت تيليفون خبطتوا فالحيط .. عديت يدي على وجهي .. أكيد عندوا مدة و هو يراقب فيا .. كيفاه متولهتش ... طبست هزيت الپيس ..و مشيت هزيت الفرد .. و نزلت نجري ...ديماريت للطوموبيل .... ربع ساعة كنت تم .. نزلت نحاول نرسم بالبرود .. كون يفيق بلي صح خايف عليها .. راح يضغط عليا .. دخلت الحس .. اللي يشوفني يتشوكا ... قداه من نهار فوتوا هنا عوامي السابقة ..
-النمر رجع بعد عام !!
-زعما شكون راح يواجه !!
-سمعت بلي رضوان جاب مصارع من كولومبيا
باقي نسمع فيهم .. مشيت الممر للحلبة الرئيسية ...معمرة جمهور .. طلعت راسي للمنصة لقيتوا قاعد قدام زوج بنات .. و رجالوا وراه .. مع شافني .. هز الكاس تاع مرحبا بيك .. هز بصبعوا لواحد من رجالو .. دخل الملاكم هاذاك الحلبة .. أضخم مني بثلاث مرات .. و اللي متأكد منو أنو يا نخرج قاتل يا مقتول ... هزيت تيليفون كلمتوا ...
رضوان؛ متقوليش خفت ههههه
جود؛ حاب نشوفها سع
رضوان؛ هههه خفت عليها مالا
جود؛ ههههه و نبانلك خايف يعني لازم نشوف على واش راني داخل مراهنة ..
رضوان؛ ههه ايه علاش لالا .. مام أنا حاب نتمتع بالعرض .. و ميشقاش تلعب معايا .. متأكد اللي عمبالك بلي محال تخرج من هنا حية كون تريسكي .. زوج دقايق ..
كوبا .. قدم واحد من رجالو .. مشيت معاه ظ. نزلنا دروج .. حل باب تاع قبو .. دخلت لقيتها مربوطة على كرسي .. فمها مقفول .. هزت راسها .. مجروح .. مع شافتني بدات تعييطط ..
جود؛ اخرج راح تبقى معايا .. راح نهرب من حيط مثلا !! ..
خرج .. زربت قدمت عندها .. هبطت الكمامة ..
ألينا؛ ج ج جووود ... ش شكووونهم .. علاه راني مربوطة هنا ..
باقي نغزرلها .. حطيت يديا على خدودها .. مسحت دموعها ..
جود؛ ضربوك ؟؟
ألينا؛ وقت خطفني خبطني من راسي التالي ... جوووود فكني هيا تخرجوا .. دوك يرجع هو و رجالو.. قال اللي هو عدوك ...
جود؛ متخافيش واحد ما راح يقيسك ..شوي وقت برك و نجي نروحوا فهمتي
ألينا؛ لالا متخلينيش جوود .. خايفففففة ..
تحل الباب .. زرب جبد يدو
-هيا لازم نروحوا
غزرتلوا و تلفت لجود ..
ألينا؛ جووود وين رايح ؟؟!!
-رجعلها الكمامة
جود؛ شكون راح يسمعها يعني .. هيا ..
خرجت باقية تعيط عليا .. قلبي راح يخرج من بلاصتوا ... منعرف واش راح يصرا لفوق .. الشي اللي متأكد منو ... لازم نربح .. ولا نخسر خسارة حياتي كامل .. تحل الباب تاع الحلبة .. دخلت .. طلعت راسي غزرت لرضوان .. اللي يضحك هز كاسوا في وجهي تاع بالتوفيق .. تلفت لهاذاك .. اللي يغزرلي .. أعلن الحكم بداية المباراة .. عملوا بيدوا تاع ارواح .. بدينا نتقابضوا .. حاس بلي ضرباتي مهمش يأثروا .. فيه عكس ضرباتوا .. اللي وجعوني .. تعدا وقت و حنا هكاك ...قوتي تهدت .. صح ضربتوا .. مي دقدت أنا أكثر .. مع خبطني طخت فلرض .. راسي ترج.. كلش سبب في عيني و عاود رجع نورمال ... الدم هابط على عيني .. بالسيف ما راني نشوف .. تهزيت .. كي خبطني على كرشي بمرفقوا .. ترشق الدم من فمي .. تلفت يحيي فالجمهور .... حطيت يدي على راسي. ...واليد الثانية نحاول نقوم .. تهزيت كي خبطني برجلوا .. تقلبت ..حطيت يدي على كرشي .. رميت بزربة .. طلعت عيني .. جات عيني على رضوان .. هاز الفرد حطوا فراس ألينا.. و هي تبكي و تغزرلي .. خذيع نفس و انا نغزرلها هكاك .. جا لاخر هزني .. بش يحطني على ركبتوا و يكسرني .. حكمت يدو و قلبت .. باقي نضرب فيه كيما جامي ضربت .. بين عينيا ألينا و هي تبكي .. لين طاح ميت علرض ... (إيماجنيوها شغل wwe تاع الشوارع .. مكانش كيفاش نوصفلكم الحركات و المعركة .. أديوني ل mbc action نخلطها تحمست توو متش 😅)
هزلي لحكم يدي بالسيف ما راني واقف ..باقي غير نغزر لرضوان .. الا ما نوريه ال***** خرجت نوازن في روحي ... قدم عندي حاكمها من مرفقها .. بعد ما فكولهغ يديها ... ڨحرتلوا .. ناض يصفق ...
رضوان؛ ههه مزالت قوة النمر كيما راهي ...برافو ربحت الرهان
قدمت حكمتها من يدها رجعتها ورايا ..
و غزرتلوا تبسمت
جود؛ المرة الجاية جيبلي أقوى من هكا .. مستوى الضعاف معادش يعجبني ...
جبدتها و خرجت .. ننهج.. جروحي يوجعوا عاللخر .. بالسيف ما راني نمشي ...ركبتها فالطوموبيل .. و ركبت .. رجعت راسي للتالي .. و حطيت يدي على كرشي .. خرجت من عيطة تاع وجيعة .. نفسي دوب يخرج .. حطيت يدها على يدي اللي فوق كرشي ..
ألينا؛ ج جووود صافا !!! اهئ اهئ
حليت عينيا غزرتلها ..
جود؛ س سوقي للفيلا ..
