الحلقة 43 :
حليت الباب لقيتها ألفة ..
ألفة؛ بونجوغ
جود؛ صباح خير
ألفة؛ ههه منيش راح نسقيك وش جوالك هاك تبان منعنع
جود؛ هههه بلعي
مشاو للكوزينة ..
ألفة؛ اوهوووو الدعوة هنا سموثي و كراب و فراز
جود؛ ههه ي كولي و هنينا نتي أصلا مخربة اللحظات ..
ألفة؛ ههه بلا عرضة .. صحا قولي ترونجيتوا ولا كيفاه .. متقوليش مزال ترطب
جود؛ هههه نتي تفطري بالزطلة عالصباح
ألفة؛ ههه وي نكونصومي انا و صاحبك
ألينا؛ صباح خير ..
تلفتوا غزرولها
ألفة؛ بونجووغ
سلمت عليها .. و قعدوا عالتابل .. يفطروا .. كل مرة طيح عينها عليه و هو يغزرلها ..كملوا فطروا هو خرج و هي قعدت مع ألفة ..
ألفة؛ هيه وش كنتي تخلطي البارح ..
ألينا؛ ألفة شو في مش وقت ضحك كامل .. راني نقولك مجاتنيش ليغاڨل شهرين .. من نهار اللي كنت معاه لدوك
ألفة؛ جابها فالڨول من أول ضربة .. محرز ياه
ألينا؛ ألفففففة
ألفة؛ ههه نضحك برك جبتلك التاسع جربيه و مبعد نخمموا
ألينا؛ خايفة
ألفة؛ نوضي دوك نفرزوها ..
ناضت تعمل فالتاست .. هزيت تيليفون نحكي مع فادي .. ماو خليتوا يروح يخدم و أنا جيت عندها .. لازم نكون معاها فموقف هكا .. صحبتي و نعرفها .. و متأكدة مستحيل تتقبل .. كوبيت باقية نقلب فالأنستاغرام .. طولت .. حبيت تيليفون و نضت ليها .. طبطبت عالدوش واالو .. حسها ماكانش .. حليت الباب لقيتها طايحة فلرض .. تغزر للتاست اللي قدامها .. حبيت هزيتوا .. لقيتو إيجابي تبسمت .. و حطيت يدي على وجهها طلعتوا .. لقيتها تبكي ..
ألفة؛ شبيييك !!! حاجة تفرح هاذي
ألينا؛ م م منحبش
ألفة؛ ألينا رايحة تولي أم .. مكانش شعور أحلى من هكا .. طرف راهو يكبر فكرشك .. نورمالمو تحطي يدك على كرشك هكا .. و تفرحي
نطرتلي يدي و وقفت تصيح بجنون
ألينا؛ على واش نفرح بالضبط اه ؟ .. أني حامل و أنا مطلقة ؟!! .. ولا أنو راح يجي للدنيا بلا عايلة ..
ألفة؛ علاه و جود .. اكيد راح يفرح .. ديجا لهوتوا بيك من البارح لليوم تبين بلي يحبك
ألينا؛ ههه يحبني ... واش يحب .. ليلة اللي سلمتوا شرفي فيها .. دارلي فيلم بورنوا .. و خلا بابا يتفرجوا كاين حب هكا .. احكي علاه نزلتي راسك ..
ألفة؛ يخي قلتي بلي قررعي تتعداي الحكاية
ألينا؛ نتعدا مش ننسا و نتي أكثر وحدة تعرفيني بلي مستحيل ننسى .. علابالك بلي مديتش مامپا تفسير علاه دار هكا ؟ .. صح وقف جنبي هذا ليام .. بصح اللي داروا محال يتنسا مهما يكون .. و على افتراض اني تجاوزت المشاكل بيناتنا .. جيت على خاطر راهو سبب بلي راني عايشة لدوك .. و فكرة أني نكون معاه مرة خلاف محال نتقبلها .. مهما يكون عندي كرامة .. المرا اللي تتخلي على موقفها في سبيل الحب ولا الزواج عمرها ما تكون ناجحة و عمرها ما تغمض عينيها و تقول بلي راني قاعدة نعيش في حياتي .. راهي تعيش في ذيول الناس ..تلملم كرامتها و تحطها تحت رجليهم تولي كيفها كيف الحوايج المنسية فالأقبية .. اللي نروحولهم غير وقت نحبوا نبدلوا جو .. ببساطة راح تكون بلا وجود ..
ألفة؛ نظن لازم شوي تنازلات .. مش يعني تسامحي و انما عالأفل تتعايشي مع الوضع .. فاللخر هذا ولدك تاني مش ولدوا غير هو..
................................
فادي؛ واش سمعت بلي وليت ماستر شاف
جود؛ صبح
فادي؛ ههه و جاي روتار .. ممم فيها عرس خلاف ولا
تكا راسو عالكرسي.. غزر للسقف .. فيدوا الستيلو يلعب بيه
جود؛ نزلت نعشقها كل ما تكون معايا .. نفرح .. التمرميد اللي عشتوا و مزالني نعيشوا لعالم الزبل و الوسخ هذا .. مع نقعد معاها ننسا كلش
فادي؛ و كي هكا علاه مترجعوش..
جود؛ عينيها مزال فيهم لوم كبير .. و منقدرش نعاود نجبد الحكاية مدام قررت نتجاوزوا وش صرا بالماضي ..
فادي؛ حاجة مليحة. .. يعني تعتبرها بداية جديدة ليكم في زوج ..
جود؛ في بالها اللي حنا مطلقين علابالك
فادي؛ متقوليش !!!
جود؛ ممم مسنييتهمش كل يوم نروح معمر راسي شرابات بش ندير لكوراج و نوقع .. بصح والو .. انو نشوف فتوقيعها .. بصح مقدرتش نحط الستيلوا عالورق هاذوك ..
فادي؛ حب يقول مزالها مرتك و معلابالهاش
جود؛ ممم
فادي؛ ههه صاحبي والله بزاف دراما .. ديجا معرفتكش هكا .. وينو جود اللي كي يحب على حاجة يوصلها..
جود؛ منعرف في راسي الف من حاجة .. ديجا رضوان نزلت نخمملوا في موال يليق بيه .. اللي داروا نخليه يدفع حسابو دوبل ..
فادي؛ و كيفاه السفر تاع غدوة ؟؟ علابالك بلي لازم تروح على خاطر للصفقة كبيرة .. عالأقل نبداو نبعدوا عالخمج هذا ...
جود؛ علابالي بصح خايف عليها
فادي؛ راح تكون تحت حمايتي ..
جود؛ علابالي متقصرش.. عمبالك واش الليلة نروح نحكي معاها ملخر ... يا تكون معايا ..يا تكون ليا ..
فادي؛ احممم ها الهدرة هههه
ألفة تحكي :
باقية فداري تروح و نرجع .. من اللي راحت و انا هكا نخمم .. هي طلبت مني تبقى وحدها .. واني منقولوش بلي رايحة طيح البيبي الليلة .. حبيت يدي على شعري نغزر للساعة 19 منعرف واش ندير .. نجي نعيطلوا و مبعد نحبس ..
جود يحكي ؛
كملت خدمتي ليه ليه .. تعديت على خالتي فاطمة ديت بوكي ورد فالأبيض .. لازم تفهمها علاه درت هكا .. مش حل نبقاو هكا .. و مدامني نعشقها .. مش راح نضيع الوقت فتمسخير المراهقين .. حبست للطوموبيل .. تبسمت كي جبدت مفتاح دارها .. نسيتوا عندي كي حليت الباب البارح .. هزيت البوكي و نزلت .. حليت الباب .. و دخلت .. الدار كالم .. باقي نحوس عليها .. والو حليت باب بيتها تاني مكانش .. رحت جيهة الدوش.. جيت نطبطب .. لقيتوا محلول .. تنهدت .. ..جبدت تيليفون .. بش نعيطلها لقيتوا يصوني بعد لقيتها الفة تعيط .. بالاك راني عندها .. هزيت و غزرت للرض ..
جود؛ الو
ألفة؛ جود الححححق .. الينا راحت لكلينيك ******* .. راني بالحمل و راح طيح البيبي ..
جود؛ كيفاه !!
ألفة؛ فاقت الصباح بلي راهي بالحمل و رايحة تنزلوا ..
نحيت تيليفون من وذني .. حاس ظهري تقسم ..رجعت خطوة التالي نستوعب .. رايحة تقتل ولدنا !!!! .. حطيت يدي على راسي .. و تنطرت خبطت الورد على طول جهدي .. جات عيني على تاست .. هزيتوا .. هزيت تيليفون عيطتلوا
