الحلقة 22 :
جمدت فبلاصتي..قدموا عندي في زوج .. غزرت لبابا .. يڨحرلي ڨحرة متاع موت ..
مراد؛ وااش جابك !!
ألينا؛ ن ن نتنازل عالقضيـ ة
مراد؛ هه رايحة ترخسيني نتي !!
ألينا؛ بابا عيشك نحبوا ..
على كلمتي هاذي هز يدو .. غطيت وجهي بيديا .. شوي و طلعت راسي .. لقيتوا كابس قبضتوا ..و نزلها..
مراد؛ هي هدية وحدة من الاخر .. جود غير انساي حكايتوا .. و تحركي للدار غدوة لخطبة تاعك
ألينا؛ واش من خطبة !!!
عاصم؛ خطبتنا
ألينا؛ ههه تتمسخروا ... بابا منيش موافقة .. نعرف متغشش مني و حقك مي راني بنتك بش تضحي بيا
عاصم؛ علاش تشوفي فيها تضحية .. منيش خايف لهاذ الدرجة ..
ألينا؛ مستحييييل نقبل ..
مراد؛ دوك نخليه يموت قدامك
ألينا؛ بابا تحكي من صحك ... الحقد عاميك تاع الصح
مراد؛ للدار
ألينا؛ نوافق بشرط
عاصم تحلوا عينيه .. ڨحرتلوا و تلفت لبابا نحكي
ألينا؛ يخي ضرني أنا ... نتنازل يخرج و موافقة نزوج بهاذا
مراد؛ كيفاه هادي
ألينا؛ كيما درت صفقة معاه على حياتي هاني عطيتك الثمن .. حريتو بزواجي ..
و تعرفني قد كلمتي ..
باقي. يغزرلي ندرا كيف ...و مبعد مشا .. عرفتوا وافق .. كبست على شفافي منحبش نبكي ...
عاصم؛ مبروك حبي
ألينا؛ كانك مصدق حالك بزاف ..
عاصم؛ فوق ما تتصوري .. وجديلي روحك غدوة ..
حط يدو على خدي نطرتها و مشيت .. نسمع في ضحكوا من التالي .. خطواتي رزانو .. و انا داخلة للمركز .. هذا هو الحل الاخر مكانش حل خلاف. .. بابا و نعرفوااا.. يقدر يخليه يتعفن فالحباس ..داني لمشرف .. لقاعة الانتظار .. حطيت راسي عالتابل .. نحاول نحكم روحي قد ما نقدر ..يا يكرهني هنا يا محال تخلص الحكاية هنا .. و باش يطيح دم بزاف عباد .. تحل الباب .. طلعت راسي غزرتلوا .. عينيه .. محوقين .. وجهوا صفر .. كبست على يدي تحت التابل .. قدم عندي بخطوات متثاقلة .. لين وصل فوق راسي .. قعد على حرف التابل مقابل كرسي تاعي .. طلعت راسي غزرتلوا و زرتب نزلتوا ... وقف .. و وقفني معاه .. جيت نبعد... كبس عليا و دخلني في حملتوا .. طبس باس رقبتي ..
جود؛ كي شفتك بخير راني بخير .. توحشتك .. متصوريش قدام كنت خايف عليك كشما يديرلك ..
جبدني شوي .. غزر لبلاصة الرصاصة .. تنطر طلعلي تريكو .. جيت نهبطوا .. حط يدو عالفاصما ... و تنهد
جود؛ تضربتي برصاصة بسبتي ...
زاد حط يدو على خدي
جود؛ و ضربك بكف تاني بسبتي ... سامحني يا روحي ..
هربت مني دمعة .. زربت مسحتها ..
جود؛ يا نحب حياتي متبكيش قدامي نفشل ألينا .. والله كون مجاش باباك برك ..
طبس خطف شفافي بين شفافو .. كورون صرت في كرشي .. لزني ليه أكثر و هو هكاك .. شوي و دزيتوا بكل جهدي طلع راسو غزرلي باستغراب ..
ألينا؛ اففف بزاف هكا لالا .. بزاف دراما ..
جود؛ كيفاه !!
ألينا؛ غلبت من الدراما هاذي .. مثلت بزاف انو نحبك .. قربك ولا يعيفني! .. مي حلاوة الفوز واش نقولك
جود؛ وش قاعدة تخلطي نتي !!
ضحكت باستهزاء .. و قعدت على طرف طاولة التحقيق تغزرلي بالاستهزاء...
ألينا؛ كانت لعبة أني نطيحك .. و نخليك تحبني و الخرطي هاذاك .. في بالك اللي نهار صدمتني. كنت تم بالصدفة !!هههههه قداشك مغفل ... و أني فقدت الذاكرة هههههه .. و اني رايحة متزوج و جيت على جالك لدبي ههههههههههه و انو بابا يضربني على جالك .. و اني دوك جيت نطل عليك هههههه ... اغزرلي مليح .. د ك هذا منظر وحدة ممكن تجري وراك!!
باقي جيست يغزرلي عاقد حواجبوا ..
ألينا؛ لا و ألف لا .. كنت و ما زلت و بش نبقى بنت بابا .. و منخرجش على طوعو .. كل شي من الاول للدقيقة هاذي كان خطة .. انو نطيحك تعشق .. مكانش أحلى من هنا ضربة لباباك .. خاطرو يعتبرك ولدو اللي ميخرجش على طوعو ... و اللي باش يكون خليفتوا .. أنا نشرب نخب أني خبرتك تعشق .. مكانش اروع من هاذاك الكاس ... اممم مش نورمال (عدات صوابعها على شفافها) ..
ضيقت عينيا و انا نغزرلوا .. و مبعد نزلت .. قدمت عندو نهز فراسي يمين و شمال ..
ألينا؛ نونو نووو متقوليش مصدوم ...
قدمت ليه أكثر .. عيني في عينو..
ألينا؛ العافية و الإنتقام قبل كلشي .. نورمالمو هاذو قواعد المافيا .. مش حتى نقولهملك .. مالڨري حنا پوليس .. مي نخدموا بيهم..
كبس على قبضة يدو .. جبدت روحي عديت عينيا عليه .. عينيه حمر دم ..
ألينا؛ اه نسيت مقلتلكش.. رايح تخرج خاطر بش تنازل .. مش حبا فيك هههههه .. مي بش تعطيك فرصة .. تنتقم كان قدرت طبعا .. هكا تكون معركة متعادلة حبيبي الزين .. مهما كان حنا منغدروش حنا نلعبوها صح ...دوكا باي
تعديت من قدامو .. جيت خارجة .. حسيت بظهري تقسم كي جبدني و خبطني مع الحيط .. جا وجهوا مع وجهي .. صدرو طالع نازل .. ضيقت عينيا ..
جود؛ شفتي الشي اللي كنتي تقولي فيه كامل .. منأمنوش .. هي كلمة وحدة حبيتيني ولا لا ..
ألينا؛ وا
جود؛ اشششش جاوبي ب هيه ولا لالا .. و صدقيني راهي فرصة وحدة ..
غزرتلوا .. نحب نترما في حضنو و تقولوا كلش كذب .. نحب تهزني منا و نختفيو من هنا .. مي لالا .. عمرها ماراح تكون كاينة علاقة بين ولد مافيا و بنت بوليس .. عشق محال يكمل .. عشق محرم .. عشق محرم في كل المعايير الاجتماعية .. عشق محرم دوليا ...تبسمت لين ضروسي بانو ..
ألينا؛ ههه تي حبيتني لدرجة تسمع الصح و متقدرش تأمنو... راحت عليك ولد سيزار .. ههههه ... محبيتكش و عمري نحب عدو ليا و لبابا .. كنت لعبة تسليت بيها و خلصت حكايتك مامي.. منحتاجش سلاح بش نحطمك .. هذا أحسن تحطيم ..
خبط يدو قدامي عالحيط .. تهزيت و تحطيت عالخبطة .. جبد روحو شوي .. عدا يدو على وجهو بغش
جود؛ اخرجييييي قبل ما نغللطططططط
غزرت ليدو المطرشقة بالدم ...عمري لاشفتوا بغش هكا .. بلغت ريقي .. يمكن هاذي آخر مرة نشوفو .. تعديت .. حليت الباب شوي.. و تلفتلوا. .. لقيتو يڨحرلي ..
ألينا؛ بالمناسبة غدوة خطبتي مع اللي نحبوا تاع الصح ..متنساش تتمنالي حياة زوجية سعيدة ..
تبسمت و خرجت ..
#عشق_محرم_دوليا
