الحلقة 5 :
ألينا تحكي : حليت عالبيتزا لقيتها طابت .. حطيتها عالتابل .. هزيت المايوناز .. حطيت عليها .. كملت ريڨلت التابل .. صفقت بيديا و تبسمت .. كنت ديما نحب نخلي نهار فارغ من خدمتي .. نطبخ ولا نشطح .. غريبة كيف تقلبت حياتي هكا .. تلفتت نرجع المايوناز .. زلقت فالزيت 😨 ... غمضت عينيا .. أما حسيت بيه كي حكمني 😧.. كبشت في كتافوا ..و حليت عينيا .. باقية نغزرلوا .. ثبت فيه لابس شورت كهو .. مالا منظر توا .. طلعني بالشوي .. جبدت روحي
ألينا؛ م مرسي
باقية نعدي في عينيا على كل بلاصة غير باش منغزرلوش.. تلفتت يغزر للطابلة ..
جود؛ تولهي وين تحطي رجليك .. موش كل مرة نكون قدامك ..
ألينا؛ باهي ..
جود؛ هاك مريقلة الطابل علللخر يطلع منك
ألينا؛ اممم بطبيعتي نحب الطبخ عاملتلوا نهار فالويكاند ..
جود؛ كيف يعني ؟
توا وين فقت شنوة قلت .. حتى من هو غزرلي ندرا كيف كيف .. زربت تبسمت ..
ألينا؛ ماو خاطركم نسيتوني .. هاني لهيت روحي فالطياب .. فالويكاند و ساير ليام ماي تجي البون متاع فادي طيب .. هيا تاكل تو تبرد ..
جود؛ باهي
قعد غزرتلوا .. باقية نثبت في سدرو المطراسي ..
ألينا؛ ب باش تقعد هكا !
غزرت لروحي .. و طلعت راسي غزرتلها
جود؛ علاه شبيني هكا ؟
ألينا؛ شي
تبسمت على جنب .. الفرخة دخلت بعضها كي عدت موش لابس تريكو .. هزيت طرف من البيتزا ذقتوا .. تي طلعت بالحق تصنف بالقدا .. كملت ناكل كل مرة نرمي عيني عليها .. دوب تاكل .. حطيت كاس الكوكا من يدي و غزرتلها ..
جود؛ هاك طلعت شاف
هزت راسها غزرتلي و تبسمت شوي
ألينا؛ عيشك
وقفت تلم التابل جيهتها ..باقي نتبع فيها بعينيا منعرش شبيها ليوم ..كل مرة بمزاج ..قمت من التابل هزيت الصحن متاعي .. حطيتوا عالبوطاجي ..تلفتت جات فوجهي .. في يديها الصحون .. جات تتعدا وقفتلها فالطريق .. جات تتعدا للجهة اللخرة زدت وقفتلها .. غزرتلي متاع شبيك ..فكيت الصحون من يدها .. حطيتهم فالغسالة ورايا .. و غزرتلها. .
جود؛ شبيك ما كليت شي و دوب تحكي ؟؟
ألينا؛ أه شي كليت اصلا
جود؛ أليييينا
ألينا؛ شي جود شباش يكون يعني
جود؛ كان على فادي عيطتلوا و طمنتوا عليك غدوة باش يجي يشوفك .. طمن
طلعت راسي غزرتلوا .. توا في بالوا اللي انا عيني في فادي ! .. تي نحس روحي ضايعة... و هو فاش خمم ..
ألينا؛ باهي نروح نرقد توا بونوي ..
خررجت باقي نغزرلها .. منعرش علاش فما شي موش نورمال .. باز دخلت بعضها .. من المشاكل اللي صرات اليوم ..هزيت تيليفون كلمت واحد من رجالي نحب نتاكد شكون ورا هاذ الشي.. و خايف زادة يكونو شافوها و نوحلوا فمشاكل متوفاش ..هزيت كاس جي و خرجت .. طلعت لبيتي باقي نقرا فكتاب... ضربت في بالي... رحت لبيتها حليت الباب بالشوي .. لقيتها واقفة فالبالكون... طبطبت و دخلت .. تلفتت تغزرلي
جود؛ مزال مرقدتيش ؟
ألينا؛ ممم
جود؛ صافا؟؟
ألينا؛عادي
جود؛ ألينا
ألينا؛ ممم
قدمت وقفت فالبالكون قدامها .. جو بارد عاللخر ..
جود؛ نعرف تحسي في روحك ضايعة و كلش .. بين ليلة و نهار تتبدل حياتك موش حاجة ساهلة .. اما يليق تكوني قوية ..
ألينا؛ زعما كي ترجعلي ذاكرتي شنوة باش يصرا
جود؛ منعرش أما أهم شي ترتاح
ألينا؛ تظن اللي انا باش نرتاح ؟
جود؛ أكيد ترجع لعايلتك و حياتك
ألينا؛ باز منحبش نرجع
جود؛ شنوة ؟
ألينا؛ منعرش باز مكنتش نحب حياتي متاع قبل .. منعرش .. نحس بالضياع برشا
جود؛ صحيح منيش قريب ليك بزاف كيما فادي .. اما كي تكوني هكا احكيلي ..بالاك نقدر نعاونك .. يعني نحاول عالاقل
ألينا؛ مثلا شتعمل ؟
جود؛ متصوريش الافكار اللي في مخي مي لازم يكون عندك الكوراج ههه
ألينا؛ تحب تقول اللي ننجم نعيش حوايج بيزار
جود؛ يعني تقريب
ألينا؛ باهي كون تخليني نعيش تجارب يفآجاوني كيما جامي تخيلت امممم تطلب مني شتحب و نفذوا
جود؛ ههه متأكدة تخسري راكي !!
ألينا؛ شوف شوف كلمة مرا راهي
جود؛ باهي ارواحي ..
حكمني من يدي يمشي فيا
ألينا؛ ههه وين نص ليل !! تيييي وين
جود؛ اول تجربة
ألينا؛ ههه باهي تي باش نخرجواا دوكااا!!؟!
جود؛ اممم اركبي
ركبت فالكرهبة .. حطيت الحزام ..و غزرتلوا ركب غمزني تبسم .. و تلفت ديمارا .. للحظة سرحت فالغمزة و التبسيمة هاديك .. باقية كان نعاود فيها في مخي .. نزلت راسي تبسمت و غزرت للثنية... تعدا وقت .. فقت كي شد فران .. دورت عينيا عالبلاصة ..
ألينا؛ مصنع شوكولا !! واش نديروا هنا .. هه هادي المفآجأة 😏 كاين واحد مكلاش شوكولا مقبل ... تبانلي أثر عليك الليل هههههه
غزرلي غزرت متاع خبث .. هزيتلوا بحاجبي متاع شفما
جود؛ انزلي 😈
#بارت1
#عشق_محرم_دوليا⚖
#يسرى_أمجوج👑
