..الحلقة 46 :
فقت الصباح .. لقيتوا كابس عليا .. جيت نتحرك .. كبس عليا .. يحكي بصوت متقطع
جود؛ وين
ألينا؛ نوض
جود؛ مزال الحال
ألينا؛ يي هيا جود .. لازم نروحو لجلسة اليوغا
جود؛ و اليوغا خير عليا
ألينا؛ ههه لالا ..
تنطر جا فوقي .. حط يديه على جنابي متركز عليهم بش ميجيش فوق كرشي ..
جود؛ متوحش مرتي .. حاب نكمل النهار معاها .. لازم نعوض ال 3 أشهر اللي كنت بعيد
ألينا؛ هههه شهر كامل و نتا تعوض
جود؛ ههه نحب نخدم العقود طويلة الأمد ..و المستحقات تكون كيما يحب خاطري
ألينا؛ اععععع جووود
جود؛ مكانش خرجة غير متعوليش
للحظة سرحت فالشامة تاع رقبتوا .. هزيت يدي عديتها عليها ..
ألينا؛ مكش راح تعطيها هادي .. كل مرة نغزرلها نحب نطيرها
ضحك و طبس باسني بوسة خفيفة ..تبسمت و حليت عينيا غزرتلوا ..
جود؛ مشفتيش أنا كيفاه نوضي نفطروا عندنا خرجة ..
ألينا؛ وين بيها ..
طبس زاد باسها .. و نزل باس كرشها .. و دخل للدوش .. قفل الباب لحقتوا قدام باب الدوش تحكي
ألينا؛ اععع وش نكره كي متجاوبش.. آخر مرة خليتني ناكل العفن هاذاك
جود؛ اسمووو سوووشي
ألينا؛ اعععع الحوت الحي .. نورمالمو تتصنف من آكلات اللحوم ..
حل الباب طل عليها .. و هو مبلول ..
جود؛ ممم بصح لحم من لحم .. جبدها من يدها لنص الدوش ..
ألينا؛ جووووود شتعمل !!!! ...
دزها تحت المرش . تبلت بكلها .. عدا عينيه على تريكوه كي تبلل .. منظرها ببه خلاه يهبل .. قدم ليها .. جبدتوا من رقبتوا ...
....................
ألفة؛ كيفاه هادي حابة تلبس جامپسوت نهار عرسي كاش حد يسالني !
مريم؛ ياه رايحة تبهدلني الطفلة .. يا بنت هاهم لي غوب خيري .. عرسك بقاتلوا سمانة .. رايحة تلبسي كومبينيزون
ألفة؛ اسمو جامپسوت
مريم؛ يا ربي وكتاه يجي خطيبك .. أنا عييت منك
فادي؛ هاني جييت صباح خير ..
سلم عليهم ..
مريم؛ فادي ولدي شوف معاها رايحة تهبلني .. قالت حابة تلبس جامپسوت في عرسها
فادي؛ صح !!!! ... ألفة تتمسخري ياك
مريم؛ شفتي !
فادي؛ يخي تفاهمنا عالشورت !!
تنطرت مريم تلفتت غزرتلوا داهشة
مريم؛ نتوما راح تهبلوووووني .. نقولك البسي سليب خير
مشات بغش .. طرشقوا بالضحك في زوج .. من منظرها .. دخلت خيرت الروب معاه.. و خرجوا ...
................
فالفراش
ألينا؛ دوكا هادي هي البلاصة اللي راح تديني ليها
جود؛ نتي خربتي فيا عالصباح .. و زيد هاذي أحسن بلاصة عندي ..
جبدها عنقها .. حط يدو على كرشها
جود؛ هيا نتا وكتاه تخرج .. حاب نهبلوا الماما
ألينا؛ من دوك بديت تخطط
جود؛ مممم باينة
ألينا؛ مام مع بعضاكم نغلبكم ..
جود؛ ما أحلاها خسارة
