.بارت 2 :
عديت عينيا على وجهها الكل .. غزراتها ندرا كيف
جود؛ شنوة؟
ألينا؛ علا....
قص عليا كي جبدني من يدي .. يجري..
جود؛ اجررري فيييييييييسع
حللي الباب ركبت .. جيست ما قفلوا رماو عليه رصاصة في كتفو ..خلاتوا يرجع للتالي شوي .. عينياتحلوا. انا نرا فيه اكاكا .. حليت الباب.. عاود قفلوا بيدوا .. حطيت يديا عالبلار.. نغزرلوا كي كبس عالجرح .. و جرا للجهة الثانية .. ركب خدم الكرهبة فيسع.. و مشا ..
ألينا؛ يدددددك !!!
جود؛ ارمي يدك تحت الكرسي اللي فالتالي .. تلقاي سلاح اجبديه..
ألينا؛ سلاح !!
جود؛ فييييسسع
قمت شوي من البلاصة .. قدمت للكرسي للي فالتالي .. غزرت للبلار.. زوز طاكسيات كحل ورانا .. دخلت يدي هزيت السلاح .. جيت نمدلهولوا .. دور بالكرهبة طحت عليه .. غزرلي ندرا كيف و جبد الفرد من يدي ..جيت نقوم جبدني قعدت فحجرو ...
جود؛ سوق و حاول ما دخلناش فكاش حيط ..
ألينا؛ هكا؟!
ركح الفرد .. باقية نسوق ..جبد روحو شوي من تحتي .. و خرج عالكارو .. رما الرصاص عالروض متاع كرهبة فيهم .. تقلبت بالوقت.. عاود رجع .. باقية نعيط ..
ألينا؛ جوووود .. ش ش فماااا ... شكونهم .. و ...
بداو يرميو فالرصاص على كرهبتنا .. عيطت بالوقت .. رما يديه حكم الفولون و ولا هو اللي يسوق
جود؛ تو نضيعوهم شد روحك و اسكت
ألينا؛ بصح!!
جود؛ صاااي غمضي عينيك 2 دقايق ..
جود يحكي :
كنت نستنى في جوابها .. لمحت وراها لمعة متاع فرد .. في كرهبة كحلة.. وراها.. متوقعتش يرجع يعملها من جديد .. جبدتها و ركبنا ..كي رميت تخلصت من وحدة و توا مزال وحدة .. لازم نزرب نضيعها.. اصلا الينا معايا منجمش نحبس و نصفيهم .. باز تتغدر برصاصة كيف ما صرالي ..باقي نسوق و هي فحجري .. ترڨل من الخوف .. الجرح اللي فكتفي يوجع مش نورمال .. زدت فالفيتاس.. و دخلت فطرق متشعبة .. احسن شي اني نعرف براغ .. كملت نسوق لين وصلت لدار معزولة متاعي.. هكا مينجموش يوصلولنا عالاقل توا ..حبست للكرهبة ..
جود؛ ألينا .. ألييينا حل عينيك ..رقدتي قاعدة ياخي؟؟
حليت عينيابالشوي .. غزرت للبلاصة .. تي غاابة!!! .. تلفتت على جنب .. غزرت لدار .. تلفتت غزرتلوا ..
جود؛ صافا توا ؟
ألينا؛ شنية اللي صافا !! شكونهم ياخي و شيعملوا .. و فاش قام يتبعونا اكاكا
جود؛ ريض
ألينا؛ و شيحبوا من عندك هام قريب قتلوك .. ياخي كنا باش نموتوا راو ..
باقية تحكي و تتحرك فحجري أكاكا. . و تحكي بيديها و تغزر للبلار تتاكد كان مزالوا ورانا .. تي محبستش دقيقة .. ماش باش تسكت من أصلوا .. طلعت يدي جبدتها من رقبتها فيسع .. جا وجهها مع وجهي ..عينيها تحلوا ..فمها محلول شطر .. بلعت ريقها و هي تغزرلي .. شخت على منظرها اكاكا .. تي قربتها كهو دخلت بعضها ..
جود؛ تسكت كان هكا نتي ؟
ألينا؛ ش ش شتقص...د ؟
جود؛ شنوة كنت تعمل هونيك ياخي ؟؟
ألينا تحكي :
جيست ما سقساني .. تفكرت الصباح .. كي زلقت فالدروج و طحت على راسي .. مكنتش حاسة بالجرح اللي فيه .. قد الفازة متاع أنو كلشي تجسد بين عينيا كأنوا توا .. كلشي.. شكون انا .. شنوة اللي عايشتوا .. و أنا توا وين .. تفكرت كي خبطني بكرهبتوا .. و زادة كي مكلفش روحو يطمن عليا من لول للتالي كان فادي هو اللي واقف .. في شهر و نص .. تبدلت حياتي 380 درجة .. خرجت من اكا الدار نمشي .. نحس روحي فدوامة منعرش كيفاش نخرج منها .. محسيتش بالمطر اللي تصب عليا .. حاسة بصدمة كبيرة .. كنت باش نعيط لبابا اما وقفت .. نحب نعرف علاه حتى داوني لدار فادي .. و اصلا كان فادي اللي كان مهتم لحالتي .. جود من اللول موش مهتم .. علاش كي حطوني فالكلينيك مخلاونيش فما .. زعما علاه فادي وقف معايا للتالي رغم انو موش هو. اللي قاعد يسوق .. هاد الفكرة اللي كنت نخمم فاها .. اما فكرة خلاف جات فراسي علاش باسني و علاش اختفى اكاكا ! ... راسي حسيتوا باش يطرشق من الوجيعة .. بقيت اكاكا نخمم .. منعرش علاش عيطتلوا حبيت نفهم منو هو .. شنية غايتهم من الحكاية هاذي الكل ..اما توا لازم نعرف وحدي.. خاطر من الشي..اللي صرا توا باز يطلعوا هو وفادي من المافيا .. كان يعرفوا اللي ذاكرتي رجعت تو يعملوا اي شي .. فقت من سرحتي على صوتو كي توجع .. غزرتلوا .. لقيت روحي مركزة بيدي على الجرح متاعو .. جبدت يدي فيسع .. و حليت باب الكرهبة .. نزلت .. و نزل زادة .. كابس بيدوا عالجرح .. حالتوا متعجبش برشا .. قدمت عاونتوا شوي .. جيست ما وصلنا الباب ..
جود؛ المفتاح فالبوات متاع نبتة الورد أذيكا ..
ألينا؛ تخلي المفاتح هكا ياخي!!
جود؛ ههه حد ماو باش يخمم انهم هوني .. هيااا فيسع منجمش نشد أكثر ..
ألينا؛ أه اي
حليت الباب .. غزرت للدار دافي. عالخر .. كلشي في بلاصتوا .. ديكورها بالحطب .. اما ياسر مزيانة .. تلفتت كي قعد.. باقي يتوجع اكاكا .. رحت نجري ليه ..
ألينا؛ علاش جينا هوني .. هيا فيسع للكلينيك !!!!
جود؛ فكرة متصلحش .. برا للدوش للفوق جيب بوات فارماسي فيسسسع
ألينا؛ تحكي بجدك ماو!!! تعدات عليك رصاصة موش خبشة كهو ..
جود؛ تعدات موش دخلت الداخل.. يعني سطحية كهو .. تو نخيطها .. تي بربي باش نبقاو نتناقشوا فاها توا .. راني نتوجع كان مفيبالكش دوموزال
ألينا؛ اه سامحني
جبتلوا البوات .. عاونتوا درنالها تعقيم .. بالسيف ماني متحمل. منظر الجرح اكاكا .. بدا يخيط فيه .. لحمي وجعتني ..
تلفتت نغزر للبعيد ..
جود؛ ألينا
ألينا؛ بربي جود نجمش نشوف أكثر ..متحسش انتا؟؟
جود؛ صاي كملت😑 لفيلي الفاصما كهو .. منجمتش نوصل..
تلفتت غزرتلوا ..وجهو صفر الكل .. الظاهر متوجع .. حكمت عليه الفاصما .. باقية نلف فاها و هو يغزرلي .. جيست ما كملت .. لميت البوات فارماصي .. جيت شنقوم جبدني من يدي قعدت .. نحالي البوات فارماصي من يدي حطها عالتابل .. غزرتلوا متاع شفما
جود؛ شصار اليوم ؟؟
ألينا؛ ش شصار!
جود؛ تعرف مليح شنقصد ؟!
ألينا؛ شي جود
جود؛ فادي عملك شي قلقك؟؟
ألينا؛ هاأأأه جيست حسيتكم معادش متحمليني فادي د دوب نجم نراه .. و انتا ....
جود؛ انا شنوة؟
ألينا؛ شي
جود؛ كي بستك !
سكتت باقي نثبت في ملامحها .. منجمت نفسرحتى شي داخلة بعضها .. عندها حق .. مفرطين فيها عاللخر .. منجمت نعمل حتى شي من غير انو نجبدها نعنقها .. على قد خوفي عليها اليوم.. منجمش نكذب روحي و نقول مخفتش.. و مهوش الخوف من انو يلاقاوها و تترصالي في مشاكل .. اما خفت عليها هي.. حتى كي هجموا عليا جماعة الفهد .. مكنتش خايف على روحي قد ماني خايف عليها ..باقية راكحة .. ما عملت حتى ردة فعل .. طبست لوذنها نحكي ..
جود؛ سامحني على اكا البوسة .. منعرش كيفاش عملت اكاكا .. خاطر مهما كان تخمامي خايب .. اما نعتبرك حدود منجمش نتعداها .. اعتبرني خوك باهي و متحسش انك ثقيلة عليا ولا على فادي خاطروا واجب ..
الينا تحكي :
جبدت روحي منو .. غزرتلوا ..
ألينا؛ علاش واجب ؟ ماكمش محتمين تتحملوا
جود؛ ألينا تاعب باش نروح نرقد ..
ألينا؛ باهي
شيعتوا لين راح .. ريحتوا دارت فيا .. تكيت راسي للتالي .. كلاموا دخلني في حيط .. نعملوا كيف خويا ؟ ... واجب؟؟ .. سامحني عالبوسة ؟..
شنوة توا فاق ضميروا ياخي .. منعرش اما لازم نفهم قبل ما يعرفوا اللي ذاكرتي رجعت ..
_______________________
-وي مسيو بنتك لقيناها ... راهي في "براغ"
