الحلقة 30 :
دخلت .. قدمت بالشوي .. أكيد تكون راقدة .. خاطر الدوا يرقد .. جبدت تيليفون بعثت ميساج ... وقدمت نفاقد فحرارتها .. مزالت عالية .. تأففت .. دوا تاع ******* ...نزلت جبت سحن فيه ما و منشفة صغيرة .. بللتها و حطيتها على جبهتها .. تعدات شي ساعتين .. حرارتها بدات ترجع عادية .. بللت المنشفة و زدت حطيتها .. حطيت راسي عالسرير قدامها .. لين غفيت .. ( عمبالي لقطة دي ما وتعاود فالكرونيكات مي تعجبني يا زحزوح 😁)
...........
ألينا تحكي :
حبيت عينيا .. بالسيف ما راني نرمش خاطر تنفخوا ..جيت نهز يدي نحكهم .. حسيتها ثقيلة .. تلفت على جنابي .. لقيتوا راقد و حاكم يدي .. ضيقت عينيا .. مستغربة .. حسيت بحاجة مبلولة تحت شعري .. تلفت شوي .. منشفة مبلولة .. هزيت راسي لقيت الصحن تاع ولما عالتابل دونوي .. تلفت غزرتلوا واش قاعد يدير هذا .. ميكونش شفق عليا من لبارح .. جبدت يدي من تحت يدو .. باقية نغزرلوا .. سرحت فخصلات شعرو اللي نازلين على وجهو .. لعينيه لشفايفو .. اللي عملوا خايب .. مي للقلب كي يحب .. منقدروش نديرولوا سطوپ و نقولولوا صلي سوپريمي .. قص على سرحتي كي بدا يتململ .. غمضت عينيا فيسع .. نسمع فيه كي فاق .. وقف و طبس .. حط يدو على جبهتي ..و زاد حطها على رقبتي .. تنهد هز المنشفة و الصحن و خرج بلا ما يدير حس .. حليت عينيا .. ما يكونش عندوا انفصام شخصية ؟ .. نحيت الفرش و نضت غسلت وجهي .. مسحتوا و خرجت .. جبت شورت و شيرت لبستهم .. و لميت شعري طوماطيشة لفوق .. و قعدت .. تحل الباب .. دخلت الخدامة
- مدام جبتلك فطور .. و اذا مش قادرة نعاونك بش تاكلي ..
ألينا؛ لا نقدر عيشك
حطتوا فوق السرير
-مدام مسيو جود أكد على دواك .. و إذا تحبي تطلعي للجاردان تنجمي
طلعت راسي غزرتلها .. تبسمت و خرجت .. ندرا فاه يخمم
هزيت الكاس تاع الجي رشفت منو .. مش نستبن فيه .. تأففت شربت فرد مرة .. و شربت الدوا .. وقفت فالبالكون .. غزرتلوا كي واقف .. عرقان يحكي مع زوج .. هاز فيدو قرعة تاع ما .. كل مرة يرشف منها .. السخطة قداشو بوڨوص .. طلع راسو تقول حس بلي حكيت عليه .. للحظة تذكرت نهار غمزني في دارنا .. باقية نغزرلوا و مام هو منزلش عينيه .. حتى قاسوا اللي كان يحكي معاه على كتافو .. بش نزل راسو .. تنهدت و دخلت .. دوكا نورمال في مخك ألينا السيد عذب جدك باباك و نتي تخممي فيه .. خبطت راسي و ترميت عالفوتاي.. هزيت تابلات نكونيكتي... تعدا وقت ..تحل الباب .. مطلعتش راسي أصلا
ألينا؛ معينيش فالغدا .. مش نستبن أصلا جيست حطي كاس جي بش نهبط الدوا عيشك
ألفة؛ أوامر خلاف لالا ؟
طلعت راسي عينيا تحلوا على طولهم ..
ألينا؛ ا ألفة ؟
تلفت على وراها مبعد غزرتلي
ألفة؛ نظن يعني اذا مغلطتش
تنطرت نجري عنقتها ..
ألفة؛ يااااو بلعقل .. هازة صاشيات راو
ألينا؛ توحشتك يا هم
ألفة؛ و أنا تاني بقرة
