الحلقة 12 :
ألينا؛ ف فادي !!!!
مراد؛ وقت خرجت ألينا من المول ..خبطتها طاكسي و هرب .. و فادي سلكها و بقات معاه تتعالج من فقدان الذاكرة .. سفرها لبرلين بش تتعالج و وقت ما رجعتلها الذاكرة .. كلمني من برلين .. رحت و انا و الرجال جبناها ..
قامت امي قدمت عندو حضنتوا
جازية؛ ربي يحفظك ولدي و يعطيك ما تتمنا .. كون مش نتا بالاك بنتي مكانتش راح تكون معانا اليوم ..
جبدها شوي
فادي؛ بلا مزية خالتي ..
مراد؛ ألينا بنتي إيجا
قمت مشيت عندو .. مزالني مصدومة ..عنقني شوي و جبدني
مراد؛ سامحيني بنتي فرطت فيك و الشي هذا كامل صرالك و انا مقدرتش نلقاك
ألينا؛ لا بابا متقولش هكا .. نتوما اللي سامحوني .. قلقتكم عليا و ..
مراد؛ متتذكريش شكون قاسك بالطوموبيل ؟!!
طلعت راسي غزرت لفادي .. عملي جاست بعينيه تاع متحكيش ..
ألينا؛ لا بابا مقدرتش نشوفوا كنت واقفة بالظهر ..
مراد؛ اوكي ارتاحي دوك .. علابالي توحشتي بيتك و الدار .. مبعد انزلي تتعشاي معانا داكور ؟
ألينا؛ أوكي بابا
غزرت لفادي و مشيت .. و انا طالعة فالدروج.. سمعتوا يقولهم .. فادي ضيفنا هاد ليامات .. عديت يدي على شعري .. تلفتلي كامل .. دخلت لبيتي عديت عيني عليها .. قداش توحشتها .. قفلت الباب .. و مشيت بخطوات .. كلشي مزال كيما راه .. بيتي .. دارنا ..عايلتي .. اما انا اللي تبدلت .. الينا قبل لاكسيدون و وراه مش نفسها .. منيش عارفة روحي .. حبيتوا لدرجة .. بقيت معاه و خليت عايلتي و فاللخر تجي وحدة تقول خطبة و ما خطبة.. و كي عاد خاطب ولا عندو صحبتوا .. علاش دار الشي هذا كامل .. رميت يدي نحيت التريكو و السروال و دخلت للدوش .. حليت السبالة .. نحاول نجمع فأفكاري .. كون يطلع صح خاطب ولا يحب وحدة خلاف .. كي نربط الأحداث مع بعضها نلقا بلي ..كلش لعبة يا الزح ..خبطوني .. و مبعد بش ميحصلوش .. داوني معاهم .. كي بدات تكبر الحكاية خباوني .. و الخطة انو فادي يهتم بيا .. و جود زعما يحبني .. هكا يمنعوا في زوج .. مبعد لاخر دار السبة بالجنازة .. لاعادت صح .. و بعت صاحبو يكون البطل .. هكا نسكت .. قلبي وجعني .. دموع تحصروا منعرش اذا نبكي خاطر دغفة و نأمن ولا نفرح كي رجعت لحياتي تاع الصح
ألينا؛ هه يطلع منكم بالحق.. كلش كذبة..
كملت خذيت دوش.. و نزلت نتعشا .. كل مرة نرمي عيني عليه نستحقروا .. قاعد و مرتاح تاني .. مصدق حالو بلي منعني صح .. قداش ناقمة عليهم في زوج .. نحكي معاه .. نشوف وش يقول .. و مبعد نخبر بابا كلش .. و يشوفوا اللعب تاع الصح .. كملت العشا ..بقينا سهرانين بالسيف ماراني نتبسم.. الكل طلع لبيتوا .. باقية نروح و نجي فبيتي .. شفت مع الساعة 00:30 .. عديت يدي على شعري و خرجت .. غزرت للكولوار فارغ .. باقية نمشي على طراف صوابعي .. لين وصلت للبيت اللي هو فيها .. حليتها و دخلت ليه ليه .. قفلت الباب و تلفت .. لقيتوا واقف فالبالكون يتكيف .. ولاعلابالو
خذيت نفس نكالمي روحي و قدمت ..
فادي؛ كنت نستنا فيك
ألينا؛ هه لازم تستنا سي فادي .. تقدؤ تخبرني وش معناها المسرحية اللي تعملت قبيل ..
باقي يتكيف و يشوف للبعيد ..مشافش معايا مامپا .. رايحة نرمي جدو من هنا ..
فادي؛ داركم شابة.. مام عايلتك ناس ملاح
ألينا؛ دوكا نتا راك هنا بش تقولي الهدرة هاذي 😑 سؤالي كان وش معناتها الفيلم اللي درتوه
فادي؛ نتي وش فهمتي
ألينا؛ هه مبينة كلش كذب بش تمنع نتا و صاحبك من يد بابا مش هكا ..
فادي؛ و هو هكا
ألينا؛ ك كيفاش !!! ... عرفتها .. جامي شفت رخس كيما هكا علابالك.. دوك نشوفوا كي يعرف بابا .. كيفاش تسقاملكم و هو هكا تاعك ..
تلفتت بش نمشي .. حط الفرد على راسي ..وركحوا ..عينيا تحلوا !!
فادي؛ بلاصتك دوموزال ألينا
#عشق_محرم_دوليا
#يسرى_أمجوج
