الحلقة 3 :
ألينا تحكي :
شوي و جبدني من التالي عنقني و يضحك ... جبدت روحي تلفتت غزرتلوا ...
ألينا؛ فاااادي
فادي؛ هههه جربت عليك دور المجرم هاكي طلعتي تخافي ...يا بنتي ترجفي وحدك
عينيا تعباو دموع ... منعرش علاش للحظة حسيت اني باش نموت ... غزرت للفرد كي حطو عالطابل و خزرتلوا ...
فادي؛ شبيك ؟؟! حا تبكي ؟!!
ترميت في حملتوا عنقتوا.. باقي واقف مزهبل مبعد لف ذراعوا عليا ...
ألينا؛ تعيش متزيدش تعاود هاد القوالب ... نخاف منهم والله ... للحظة حسيت روحي باش نموت ...
جبدت روحي شفت مع الفرد .. جيت نهزوا نحاه من يدي ..
ألينا؛ تاع الصح !!!!
فادي؛ ههه لا ... تاع الصح في بيتي ...
شفت مع الفرد و شفت معاه ... تلفتت شفت مع اللاخر اللي كان معاه ... دوك وين تولهت بلي كان واقف قدامو...
فادي؛ أه الينا نعرفك هذا صاحبي جود
شفت مع فادي و مبعد شفت معاه ... تفكرت كي دخل عليا هكاك .. شاف معايا و مشا ...
فادي؛ متحطيش في بالك .. طبيعتوا متوحد ههههه
ألينا؛ هههه داكوغ ... مي مننسالكش هاد الخلعة
خبطتوا على كتافو
فادي؛ آي يا بنتي مكسرة و تتبلاي ... كون جيتي صحيحة كيفاش
ألينا؛ نتا السبة .. حقا نخدمك معايا .. اقفلي برك السانسور ملحقتش نوصلوا
فادي؛ أوكي دوري
دورت ...باقي يطلع فالسانسور ... دوب ما كمل تلفتت
ألينا؛ مرسي فيدووو
فادي؛ أه ؟
ألينا؛ قتلك مرسي
فادي؛ آآآ من غير مزية .. مسمعتكش برك ... ياه واش قلتي فيدو ؟؟
ألينا؛ ههه دلعتك شوي باش متقولش تطلب برك الطفلة هادي
فادي؛ ههه صار هكا .. مي حبيتها اول مرة يشوهولي اسمي هكا
ألينا؛ يااااااااا
باقية نخبط فيه على كتافو ..و هو يضحك
فادي؛ ياا اركحي يا طفلة
باقية هكاك .. حتى دارت رجلي .. جيت حا نطيح مي جيت فحملتوا ... عينيا تحلوا ... غزرت للارض و غزرتلوا ... باقي تايه برك
ألينا؛ أ أ أنا كنت حا نطيح ؟
فاق من سرحتوا ... طلعني .. عدا يدو على وجهوا و غزرلي ...
فادي؛ لا نظن كنت حا تسلمي عالارض معرفة قديمة تبانلي
ألينا؛ ههههه سامطة. . أصلا نتا السبة
فادي؛ أنااا ؟؟ نتي اللي حا تفري
ألينا؛ نولي نعيطلك فيدو زكارة هه
فادي؛ شريرة
ألينا؛ نطلع نتفرج شوي انا هاداك هوو تقعد مع صاحبك ... أصلا يخزر تقول كليتلوا عشاه ولا مرت باباه أنا .. و زيد باللحية هاديك الصوفاج
خزرلي فادي متاع حبسي
ألينا؛ ايه تقول إرهابي
جود؛ فادي ارواح نحتاجك
تنطرت كي سمعت حسوا .. تلفتت شفت معاه ڨحرلي... غزرت لفادي تبسم على جنب
ألينا؛ آآآ كنت طالعة أنا
خرجت نتسرسب دوب عديت خاطروا واقف فالباب ... باقي يڨحرلي ... بالسيف ما طلعت الدروج هادوك ....
فادي؛ شبيه ********* هبلت
جود؛ فك على******
فادي؛ من نيتك كنت راح تقتلها !!!
عظيت يدي على وجهي و تلفتلوا .. متكي عالباب يرحي فالدخان ... ولا علابالو ..
فادي؛ كيفاه حطيت السلاح في راسها هكاك .. تسما كون مفكيتوش من يدك كنت تقتلها ؟؟!!!
جود؛ اممم باينة
فادي؛ مكفاش اللي عملتوا فيها ..قريب ماتت دوك جاي تقتلها طول ... من وكتاه نقتلوا الأبرياء حنا !!
جود؛ بنت جنرال فمجلس الامن الدولي و عضو فالانتربول ..العملاء. مقلبين عليها براغ.... كون مسرقتش تسجيلات البارك تاع الليلة هاديك ...كنا ندخلوا في مشكل قد السما
فادي؛ كيفاش عرفت بلي هي ؟ و أهلها
جود؛ وصلولي اخبار .. خاطر تدخلت ال FBI باش يحوسوا عليها .. و كاين واحد لتم يخدم عندي ... كي استدعاهم باباها .. يخدموا الكاميرات .. فسد البارتي تاع البارك .. على هادي بعث عملاء فبراغ .. و الحدود الكل ملغمة كون تخرج يفيقوا
فادي؛ بهاد الأهمية !!!!
جود؛ افففف متوقعتش هكا ..
فادي؛ كنت من اللول تتحمل المسؤولية بالاك كانت تتعدا الحكاية و تسامحك ... مي نتا خليتها
جود؛ شبيه******* تخلط ... نورمالموا تعرف السي بابا واش يدير ... المشروع اللي باش يطلع بيا للفوق يسحبوا ... و بلا الصحافة اللي وليت شغلتهم ...
فادي؛ يتسما اعترفلها بالاك تسامحك و ترجع لعايلتها نتهناو
جود؛ تتمهبل فادي !! قالي على حالتها الطفلة فاقدة الذاكرة غير الجروك و يدها الملمزة و رجلها المكسرة ... تتخلط الحكاية ... باسكوا بابا عضو تاني الاكيد انو يعرفوا ...
فادي؛ و الحل اللي جاك انو تقتلها هكا ؟!
جود؛ مكانش حل... كون يلقاوها ندخلوا فمشاكل كبار و انا مزلت محكمتس بلاصتي قد قد يعني ريسك
فادي؛ أنا نتكفل
جود؛ المعنى ؟
فادي؛ انا نقول اللي كنت نسوق و خبطتها
جود؛ واااش هبلت !! محال نلصقها فيك
فادي؛ كي هكا خلي الطفلة .. حتى ترجع ذاكرتها باش نقدر نقولها واش صرا و تتفهمني ... العنف تاعك ماش حل
جود؛ فاااادي افهم الطفلة مطلوووبة دوليا ... اي غلطة الإعدام ... نريسكي بيك كون تقعد معاك
فادي؛ قابل
جود؛ شبي سماك معاها كون مجيتش عمبالي بلي خاطيك النسا نقول عينك فيها
فادي؛ مجاتش في عيني فيها .. الطفلة امانة ... هي صحيح ساعات نغيس و نخمم في حوايج مي جامي نخمم نضرها
جود؛ افففففف
شعل قارو أنا تاني شعلت واحد ... باقيين ساكتين ... اول مرة نحس جود مكبل هكا ...عشيري و نعرفوا من سنين ... ماش هو اللي يتحط فالأمر الواقع...
ألينا؛ فاادي .. أه سامحوني معلاباليش بلي مزالكم قاعدين
فادي؛ لا نورمال ارواحي ألينا
ألينا؛ لا براحتكم ماش مهم اللي راح نقولوا ..
فادي؛ يا بنتي ارواحي .
جود يحكي :
للحظة كانت بين عينيا فكرة وحدة برك .. انو نقتلها ... و نتهنا من تكسار. الراس هادا كامل ... مي فادي نحالي الفرد آخر للحظة ... كل عمروا واقف في جنبي .. حتى كي نغلط يوقعني عالحاجة الصحيحة ..باقي يحكي معاها هكاك ... رجفتها هاديك خلاتني نندم على واش كنت راح ندير... باقي نحكي انا وياه ... لين جات و قعدت .. شفت معاها و مبعد دورت نشوف للبعيد و نتكيف ...
ألينا؛ فادي خممت انو كون نخرج هكا ندور في براغ .. بالاكشي نعدي على بلايص نعرفهم و ترحعلي الذاكرة
تلفتت غزرت لفادي ... اللي شاف معايا طول .. عرفت اللي باش نوصلوا لحاجة كيف هكا ... مي متوقعتش بالسرعة هادي ... صونا تيليفون فادي ..
فادي؛ دوك نرجع
ناض من قدامنا ... شفت معاها ...لقيتها تشوف للبعيد ...
جود؛ پاردون على قبيل مكانش قصدي ندخل هكاك
ألينا؛ أه نورمال أصلا دار صاحبك وين عمبالك اللي انا فيها ... كتر خيرو كون ماش هو ني مطايشة ... منعرفش مامپا عايلتي ...
جود؛ حا تبكي !! مكلاه
ألينا؛ ههههه نو منيش ...
جود؛ قاعدة تمسحي فالبارفان من عينيك مالا
ألينا؛ ههههه زايد سامط كي صاحبك ...
جود؛ هههههههههه تقصدي اللي وراك
هزيت راسي لقيت فوق راسي يڨحرلي ... حط يديه على شعري يفرفش فيه
ألينا؛ اعععععع فادددددي شعرررري ههههههههههه منقصدش صااااي هههههه انا السامطة ههههه
قعد قدامي باقيين نضحكوا...
جود؛ شكون عيطلك ؟
فادي؛ خدمة تاع الندب تشفا عالمشروع اللي فالترك ... خي كان لازم نشرف عليه ... و نسيت خلاص اللي لازم نسافر ..
ألينا؛ واش تخدم ؟
فادي؛ تنجمي تقولي مقاولاتية
ألينا؛ آ ربي يعين
فادي؛ عيشك ألينا
ألينا؛ باش تسافر !!
فادي؛ لا ألغيتها
جود؛ تتمسخر!!!! مشروع 4 اشهر تخدم عليه تلغيه هكا ؟
فادي؛ فك عليا جود
ألينا؛ بسبتي فادي ؟؟
شفت معاه ووتلفت
فادي؛ لا شمدخلك انتي .. منيش قادر برك
ألينا؛ الأفضل انك تحقق طموحاتك متعرفش ... قادر يجي النهار اللي يضيع كلش و تلقا روحك من الزيرو .. و متقدرش حتى تبدا
+ناضت تلفت لفادي ... اللي شعل ڨاروا و نفخ فالهوا ...
جود؛ فادي روح بركا من التمسخير
فادي؛ ****** المشروع... المهم نوقف معاك
جود؛ ماعندي والو انا البيريود هادي ... روح افرز و انا نتلها بيها
فادي؛ باش تقتلها
جود؛ لا
فادي؛ انا نعرفك جود ... نتا انا و ياك اللي صحاب ... و ساعات .. نتفاسدوا ... وين ياطفلة ... شفت معاملتك للنسا .. محااال
جود؛ خليها عليا
فادي؛ الكلمة هاذي مفتاح كونفيونص بيناتنا تسما كي قلتها راك عمبالك واش قلت
جود؛ اممم برا اتلها بمشروعك نحب نحتفل بنجاح كبير ... قلقت
فادي؛ داكوغ
جود؛ وكتاه طيارتك ؟
فادي؛ نروح فالليل باش نلحق نورمالموا اني رحت البارح ..
جود؛ روح وجد روحك ني هنا
فادي؛ اوكي صحبوب ....
......................
مراد؛ سليم بنتي هادي .. كيفاش تقولي اتهدن
سليم؛ التعصيب ما يجيب والو
مراد؛ وليت متاكد اللي هي مخطوفة .. كون صراتلها حاجة .. كون تطلع فالدوسيات تاع لي كلينيك ... و الكاميرات اللي فاسدين اكيد عملية منظمة
سليم؛ دوك مدام العملاء منتشرين في براغ معندهم وين
مراد؛ و كون يعودوا هربوها قبل ما نسمع
سليم؛ كون عرفنا من الحدود ... مي علاش ما عيطوش هددوك لتوا ..
باز تكون مات..
مراد؛ من غيييييير ما تكمل من غير شي راني على أعصابي ... هبطت لدزاير على حال حنين لا تموت بقلبها .. هربت من افكارها جيتتي نتا
سليم؛ خلاص سبق الخير
مراد؛ والله يطيح فيدي نوريه .. معنى يخطف بنت مراد
..................
عاصم؛ يعني لدوكا مختفية ؟؟
-وي بوس
عاصم؛ ياخي بغال عندي .. بعثتكم تجيبوها .. رحتوا و رجعتولي هكاك كي ****** اخرجوا علييييياااا متجيوش قبل ما تجيبولي خبرها
عاصم؛ نوصلك ألينا و نتحفك في خاطر بوك الغالي ....
🔜🔜🔜🔜🔜🔜🔜🔜🔜🔜🔜🔜🔜🔜
#عشق_محرم_دوليا⚖
#يسرى_أمجوج👑
