الحلقة 9 :
كبس عالفرد غمضت عينيا .. بالوقت .. شوي و حليتهم كي حسيت بأنفاسوا على وجهي .. غزرتلوا كي واقف قدامي .. نزلت عينيا للفرد .. و غزرتلوا .. نزل عينيه و حلوا من قدامي فارغ!! ..
ألينا؛ ف فارغ ؟
جود؛ دوماج منجمش نفرط فحوايجي .. .
غزرلي ندرا كيف و مشا .. جيهة منين يسوق و ركب .. تلفتت غزرتلوا .. تي شبيه هاد البنادم !!
حل الكارو و طل عليا ..
جود؛ فما عندك زوز خيارات .. ننساو كلشي توا .. و نعيشوا كأنو هاذو أيامنا اللخرة .. الثاني باش تنقمي عليا .. و نوصلك عند باباك و يوفا كل شي تاني ..
غزرتلوا .. منعرش علاش محبيتش الخيار الثاني .. تي شبيني منحبش نرجع لعايلتي .. طلعت راسي غزرتلوا .. كي حل الطاكسي ردها ديكاپوتابل .. لبس نواظرو .. القرار اللي باش ناخوه توا .. باش يكون مصيري عاالخر في حياتي ..لأول مرة ناخو قرار من غير ما نخمم حليت الباب متاع الكرهبة و ركبت .. حطيت راسي التالي عالكرسي متاع الكرهبة .. تلفت غزرتلوا .. تبسم على جنب و تلفت .. زاد للغنا عاللخر و ديمارا و بالطاكسي .. شعري تهز مع الهوا .. الشمس بدات تغرب .. هزيت يديا فالسما .. أول مرة نحس بالحرية كيف توا.. ركا الكرهبة قدام مطعم صيني ..طلعت راسي غزرتلوا ..
ألينا؛ شنوة تحب توكلنا القطط
غزرلي و طرشق بالضحك .. طلع يدو شاور بيها عالكتيبة
جود؛ مطعم ياباني راو
ألينا؛ أه !
جود؛ هههههههههه انزلي ألينا .. مكانش نتعشا بيك
نزلنا دخلنا للريستو.. ديكور متاع يفتق ..
جود؛ إيجا
رحنا قعدنا فتابل طل على برا .. منظر ياسر محلاه ..جا مدير المطعم و معاه النادل
المدير؛ أوهايو ميستر جود
طلعت راسي كي غزرتلوا .. كيفاش يحكي معاه باليابانية .. و لاخر يرد تي قعدت كيف البهلولة .. نغزر اكهو .. راح المدير و النادل .. طلع راسو غزرلي ..
جود؛ اختار شتحب تاكل .. ننصحك بالسوشي متاعهم بنين موش نورمال .. و الرامن زادة
ألينا؛ تعرف تحكي اليابانية انتا
جود؛ ههه وي علاش مشوكية
ألينا؛ لا اما كل مرة نعرف عليك حاجة جديدة
جود؛ مدير المطعم كان شاف فالأوتال متاعي اللي هنا.. و دوك حل مطعمو الخاص ..
ألينا؛ آ باهي .. منحبش برشا السوشي أما اطلب ما عندي حاجة نذوق كهو
جود؛ باهي
طلب .. بديت ناكل .. تي بالحق بنين موش نورمال .. طلعت راسي كي لقينتوا يغزرلي ..
ألينا؛ شفما ؟
جود؛ زيد ذوق من هذا هاو باش يخلص
ألينا؛ تقصد اللي انا ناكل بزاف هكا !!
جود؛ ههه نو بصحتك..
ألينا؛ أصلا وقت تبدا الماكلة قدامي .. ما يهمني شي
جود؛ بصحتك ..
................................
ألفة تحكي :
تعدا الاجتماع بالسيف .. أصلا حسيتوا مركز معايا موش مع الهدرة اللي نقولها .. الأهم أنو تمت الصفقة. . قفلت الپيسي ... طلعت راسي غزرتلوا .. مزال قاعد .. حاط رجل فوق رجل.. مركز يديه فوق التابل ..ضيقت عينيا نغزرلوا خاطر الكل خرجوا ..
ألفة؛ سامحني مزال شي ؟
عاصم؛ مزال انتي
ألفة؛ شنوة ؟
وقف مشا عندي .. ملامحوا جامدة .. عندو برشا كونفيونس في روحو .. وقف قدامي ..
عاصم؛ الپارفان اللي راكي مدايرتها معادش ديرها .. تفتق ..
غمزني و خرج.. باقية نغزرلوا تي شبيه هادا .. موش نورمال خلاص .. نزلت راسي تبسمت...و كملت لميت الدوسيات متاعي ..
.............
كملنا .. و خرجنا .. قالي اللي باش نبقاو فالاوتال متاعو اللي هنا .. نوقز تيليفونو باقي يحكي .. تلفتت .. أما تخبط راسي كي ركا الكرهبة بالقوة .. حطيت يدي على راسي خاطر وجعتني الخبطة ..
جود؛ ش ش شتقصد !!!!
طاح التيليفون من يدو.. حكمتوا من كتافو نهز فيه شي ..
ألينا؛ جوووود جوووود ... جود شبيك !!
دورتلوا وجهوا عندي .. عينيه فيهم اىدموع .. يغزر للبعيد .. غزرت للنومرو اللي مزال ..
ألينا؛ ألو
💥💥💥💥💥💥💥💥💥💥💥
#پارت1
#يسرى_أمجوج
#عشق_محرم_دوليا
