الحلقة 20 :
حسيت الجرح بش يقطعني من الوجيعة .. تنطرت ألفة بش تهزني .. غزرت لجود اللي عينيه تحلوا ..ولا يفارع فيهم .. وقفتني..
مراد؛ اديوهم عليا
ألينا؛ بابا ع
تلفت ڨحرلي
مراد؛ نتي تبلعي مزااال ما شفتي والو...
باقية نغزرلوا .. بالسيف ما راني واقفة .. منيش قادرة خلاص .. لحظات برك و كنت فدنيا خلاف ..
جود يحكي :
سفروني لفرنسا ... مع وصلنا لمركز المباحث الفيدرالية .. رماوني فالحبس أنا و فادي ..
جود؛ دوك******** عالمعاملة هاذي .. اسمع نتا جيبلي تيليفون نتصل بمحامي
- ممنوع حتى يحي سي مراد
جود؛ واش اللي مممنوع ******* منعرفش دوك أنا
فادي؛ جود اركح
جود؛ واش اللي نركح .. أي مرتي اللي خبطها فلرض هكاك .. الجرح مزال جديييد .. كون كشما يصرالها ولا يديرلها نذبحوا
فادي؛ واش راح يديرلها حاجة تضرها متنساش هذا باباها
جود؛ و أنا راجلها ********* الحرب نقومها ولا منتسماش .. يخي شتيت نبعد و هوما يخلطوا فيا .. مش مشكل ..
اسمع نتا و كتاه يجي سي خرا تاعك
- محددش بالضبط
عدا يديه على وجهوا .. بين عينيه صورتها و هي طايحة فلرض.. مشا قعد عالكرسي .. يهز في رجليه .. قمة التوتر .. محبيتش نقدم ليه .. الحالة هادي وقت يوصلها .. الأحسن واحد ما يهدر معاه .. هي كانت رايحة تصرا هما مي متوقعتش بالسرعة هاذي.. مام كون نسيي نركح بينو و بين مراد.., كي وصل لينا دونك فاق بكلش و بلي أنا معاه. ..قعدت فللشوكة تأففت دوك يفيق سيزار تزيد تتخلطط ...
ألينا تحكي :
حليت عينيا مفجوعة ... حلمة خايبة عاللخر .. تلفت لقيت ألفة تغزرلي مفجوعة ..
ألفة؛ ألييينا صااافا!!
تنطرت من بلاصتي ..
ألينا؛ ألفة جووود بش يقتلوه
ألفة؛ اركحي كابوس برك
ألينا؛ نن وينو ..
تلفت نغزر للبيت ..
ألينا؛ ب بيتي !!!
ألفة ؛ باباك فاق لكلش .. كاين واحد بعثلوا تصاور من نهار الحادثة لدوك ..
ألينا؛ ك كيفاش !! شكون
ألفة؛ معرف مهدرش .. نطق قال قدامي اللي هو بش يخليهم يتعفنوا فالحبس
ألينا؛ قداه عندي و أنا راقدة
ألفة؛ يومين
ألينا؛ آو !!!
ألفة؛ سمعت باباك يحكي مع الممرضة بش تحطلك منوم فالسيروم ..
تلفت غزرت للسيروم نحيتوا من يدي
ألفة؛ هبلتي !!! .. مزالك مريضة
ألينا؛ و نبقا راقدة .. لازم نتحرك
ألفة؛ غير متجربيش .. عايلتك كاملة ضدك فهاد الحكاية ..
ألينا؛ و ماما ؟؟
ألفة؛ محكات ولا كلمة .. كلهم لامو ..
ألينا؛ عاونيني نبدل قشي
ألفة؛ اوك
..............................
دخل .. الضو ميشوفوش .. قدم ليه واحد من الضباط ..
-مسيو مراد .. طلب يتكلم مع محامي
مراد؛ ههه محامي
راح عندو .. وقف يغزرلوا ورا القضبان .. حاط يديه فجيوبو .. يشوف معاه بغل .. ولد أكبر عدو ليه .. هو اللي دهس بنتوا و حرموا منها المدة هاذيك كامل . .. لا و زيد متفاهم مع صاحبو عالقالب .. و يزيد يهربها .. يضحك عليها و تزوجها بالسرقة .. و تتقوص بسبتوا .. الشي هذا اللي كان يدور فراسو .. مخليه يحب يقتلوا ..
جا واحد من الضباط عيط -مسيو مراد .. تنطروا في زوج هزوا ريسانهم .. وقف جود فيسع كان قدام القضبان
جود؛ تقدر تفهمني واش راك دير
مراد؛ نكتبلك فنهايتك سي الشباب
فادي؛ مراد
مراد؛ نتا تبلللع .. في بالكم تعديوهت عليا . دهستوها قريب قتلتوها .. و مبعد ضحكت عليها بلي تحبها و تزوجتها بالسرقة .. ههه متكونش وحدة من خطط باباك .. تعرفوا رخيس و ميهتمش بالشرف
جود؛ هه داير في راسك بلي تزوجتها انتقام برك ! .. نورمال نتا ؟
مراد؛ شفت كون تدي ضفر من ألينا .. ظفر برك ارواح ابزق عليا و قولي ماكش راجل ..
تلفت بش يمشي .. قص عليه صوتو من التالي. .
جود؛ ألينا مرتي دوك .. نديها برضايتك ولا غصب عليك .. ديرها في بالك مليح
كبس على قبضتو يحب يتلفت ليه يفشخوا بطريحة ..مي طول عمرو يقدر يتحكم بأعصابوا قمواقف هاذي و هذا سر قوتو.. كمل مشا بخطوات ثابتة . وصل عند الملازم
مراد؛ تقدر تمدلوا تيليفون يكلم محاميه .. خلي يجيب شكون يجيب .. مصيرو يتبعث للغوانتانامو مع ال******* اللي كيفو ...
...........................
ألينا؛ ماما عيشك اهدري .. نعرف مغششة مي نظن نتي أكثر وحدة تفهمني فالعايلة .. الله غالب حبيتو .. و
مسحت دموعها
مش بيدي .. واش ذنبنا حنا فالعداوة اللي صرات بكري خلاص ..
باقية تحكي و هي مطفيتها .. تقعدت من قدامها .. جات تخرج .. حبسوها لي ڨاردكور فالباب ..
-مدموزال ألينا ..ممنوع تخرجي ..
ألينا؛ نعم نعم !
-هذا أمر باباك . وقال اذا متجاوبتيش نمنعوك بالقوة
ألينا؛ بابا قال هكا !!
-تفضلي للدار
ألينا؛ أوكي نسناو بابا تراه ..
دخلت .. غزرت لأمها بخيبة و طلعت لبيتها
...............................
سيزار؛ راك توووووزن فواش راك تقول !!
-وي مسيو سيزار و
سيزار؛*********** ومزالك واقف عند ****** ... ولدي فالحبس تحت رحمة ******** مراد .. .. وجدلي الرجال كامل
-مسيو سيزار .. مش من مصلحتك تستخدم القوة .. خاصة و أنهم حاكمين عليك بزاف أدلة .. هكا المشكل يزيد يتعقد
سيزار؛ و نخلي ولدي !!! نتا *******
- أنا محامي و نعرف بهاذ الأموردوك نخرجوا منها كي الشعرة من العجين . بلا ما تنوض حرب
سيزار؛ وقتك محدود .. متخرجوش نمحيك ....
........................................
فالفيلا.. متكية قدام البيسين .. بالمايو .. تريڨل فنواظرخا و تتبسم ..
ريتا؛ مليح الواحد يكون فاعل خير و هكا تكون قصة الحب بحححح هههههه
#عشق_محرم_دوليا
#يسرى_أمجوج
