..الحلقة 49 :
تلفت غزرت لجود .. اللي من ورايا يضحك .. تنطرت كي حضني بابا من التالي .. غزرت لجود .. غمزني و تبسم ...
مراد؛ ارواحي هنا يا حلزونة هههه
تلفت ليه غزرتلوا .. دموعي نازلين .. حضنتوا بكل قوتي .. تعداو لحظات ..
جود؛ مقتليش بلي بنتك بداية هكا خدعتوني
جازية؛ ههه طاح الفاس فالراس ..
جبدت روحي شوي غزرت لبابا .. تبسم و مسح دموعي ..
ألينا؛ بابا سامحني يعيشك
مراد؛ مكانش سماح بيناتنا .. نتي برك كوني فرحانة .. و كشما يديرلك الوحش هذا قوليلي ..
جازية؛ خلي الطفل .. واش درت عليه بعد
جود؛ شفتي شفتي جوجو ..
قدم حط يدو على كتافها .. غزرتلهم مش فاهمة حتى حاجة .. غزرولي .. شافو مع بعضاهم في 3 و طرشقوا بالضحك ..
جود؛ مش فاهمة
جازية؛ هيا تدخلوا و نفهموها .. هاذاك هو يكون الغدا واجد ..
سبقونا ماما و بابا .. تلفت ليه ..
ألينا؛ و وش قاعد يصرا هنا !!!!
جود؛ عجبتك هدية عرسنا ؟
ألينا؛ كيفاه !؟
جود؛ هيا تدخلوا دوك تفهمي ..
دخلنا .. قعدنا فالصالون ..تلفتلهم كي يفهموا فيا .. جود المدة هاذي اللي كان غايب فيها فايطاليا .. كان هنا في فرنسا .. و كان كل يوم يحاول يقنع بابا .. لين توصل يجبدلوا دوسيات الوسخ ..و المافيا فإيطاليا كامل .. بشرط أنو يخلي بالله على برا ..و هو يضمن ميصرا حتى تخلاط .. يعني باختصار هدنة ... بابا محبش يسامح سيزار بسبة أنو امو ماتت .. و اللي طلعت الحكاية وراها ..أنو تاع الصح هجوم إرهابي مش سيزار اللي قتلها .. خاطر مهما تكون خدايم بالله و خدايمو وسخة .. كانت ليه كيف الأم .. غريبة يعني كيفاه ممكن الناس تحكم على مواقف بحكم ممكن يدمر و يهدم عايلات .. ووقت سمع بابا بحملي و اللي جود يحب يتبدل خاطر أنا وولدوا .. قرر يمد لجود فرصة يثبت وجودو ..و بالفعل جود عاش معاهم ..و ريڨل كل وضعياتو.. آخر خدمة مسخة ليه كانت أنو صفا رضوان ..هاذاك اللي خطفني .. غزرتلوا تبسملي ندرا كيف .. غزرت لماما و بابا هوما يفدلكوا معاه و يضحكوا .. كملنا تغدينا .. و عقبنا اليوم يهبل .. بلا مت ننسا الدلال .. نساوني أنا كامل.. غير يحشيو فيا على جال الطفل..
واقفة فالطاقة نغزر للبرا .. حل الباب دخل .. قدم عندي عنقني من التالي .. حط دقنونتوا على كتفي ..
جود؛ منعستيش ؟
ألينا؛ علاه مقلتليش من قبل ؟
جود؛ واش ؟
ألينا؛ بلي كنت تحاول ترجع عايلتي و تحل المشكل ..
جود؛ متبقاش سوربريز .. و انتي حبيبتي ولدنا يزيد في عايلة نظيفة .. في حضن أب عايش في نظافة .. مش مافيا .. و أنا درت وش حبيتي .. تخليت على كل شي .. على جالنا ..و مانيش نادم .. على خاطر كسبت أغلى حاجة .. مرتي وولدي ..
دموعي نزلوا تلفت ليه ..
ألينا؛ نحبك
جود؛ قوليهالي بالمعنى اللي يعجبني
ألينا؛ أه ؟؟
حبس خطف شفافي .. لزني ليه أكثر.. غرس يدو تحت. شعري .. (لاسويت تعرفوها 😅)
..................................
واقفة نريقلها فالروب .. ليوم عرسها .. غزرتلها فالمراية .. زربت رمشت ..
ألفة؛ غير متبدايش ماكياج غالي يفسدلنا ..
ألينا؛ ههه هذا وش همك
ألفة؛ هههه باينة خلاص .. كون زوجت وحدي تغيضني ..
ألينا؛ هههه عجبتك أكثر منو هو
ألفة؛ هههه روعة كون غير يقولي فادي هيا نعاودوا الزواج كل مرة ..
ألينا؛ شو في للروب كيفاه جاتني
ألفة؛ هههه مش غير العاقبة تحضر العرس .. ولدكم تاني .. تبقالوا فالتاريخ .. الناس يقولوا تعيدوا و تعاودوا (حنا نقولوها فالأعياد ) .. و نتي اللي يجي يباركلكم ؤقولكم تزوجوا و تعاودوا ههههههه
ألينا؛ هههههههههه يااا
دخلت جازية و مريم
جازية؛ يااااا الكشايف .. صواتكم واصلا للتحت و نتوما تكشخوا هكا
مريم؛ العرايس يديرلهم سقام العرايس ..و نتوما ضحكوا .. اوموا شوي حشمة
ألفة؛ وش من حشمة بقات .. المخلوقة منا رايحة تزيد ..
ألينا؛ مكش مطولة كوني متهنية ...
