الحلقة 7 :
جود؛ اخرجي
ألينا؛ اه ؟؟
جود؛ اخرجي تو نجيك.. خير ما نعمل حوايج ميعجبوكش
ألينا؛ شنية الحوايج هاذوما ؟!
جود؛ اللي جااو في بالك هيا اخرجي خير
غزرتلوا تي ميحشمش جملة .. عمت لين خرجت .. باقية نغزرلوا لتوا نحس بيه قدامي .. حطيت يديا على شفافي نتحسس فيهم .. غزرتلوا كي باقي يعوم .. حاسة روحي داخلة في حيط .. كل مرة يقرب منجمش نبعد ولا نعمل اي شي .. قربو كهو يدخلني في غيبوبة .. باقية متكية عالشجرة .. الشمس ضاربة فيا .. شوي كهو خرج .. و هو ينحي فالتريكوا .. مالا منظر ..طلع راسو غزرلي .. و قدم وقف قدامي بلعت ريقي .. عض شفتو و تبسم ..
جود؛ ههه شبيك داخلة بعضك
ألينا؛ منعرش .. فاش قام تبوسني ؟
جود؛ باش تسكتي ههه
ألينا؛ تتتتيييي باش تسكت عبد تبوسوا مالا حالة فيك .. شنية الدكتاتورية هاذي .. لازم تتقبل الرأي متاع الناس و هدر....
جود يحكي:
باقي نغزرلها .. شعرها المبلول و هو يقطر.. شفافها و هي تحكي .. تي طفلة متسكتش كامل .. و خبرتها اني نسكتها ببوسة ..حطيت يديا عالشجرة على جنابها .. و هديت على شفافها بعضة .. حسيت بيها كي تنطرت .. جبدت روحي نغزرلها .. عينيها محلولين .. تبسمت ..
جود؛ و نسكتك بعضة زادة ههه .. تنجم تقول دكتاتوري .. أما هاذي طبيعتي
غزرتلها كي باقية ساكتة .. شخت ضحك .. و بعدت عليها ..
جود؛ هاكي حبستي الهدرة احكي
هزتلي براسها لا .. ضحكت على منظرها ..
جود؛ هههههه و هو المطلوب .. هيا توا نروحوا
هزتلي براسها إي .. مشيت بخطوات و تلفتت .. جيت قدامها قد قد ..حطت يدها على شفافها ... مت بالضحك ..
جود؛ هههههههههههههههههه شبييييك
ألينا؛ وجعتاليس العييبسسضة
جود؛ تي نحي يدك ما فهمت والو
هزتلي براسها لا
جود؛ هههههه وجعتك العضة
ألينا؛ امممم متوووحشش
هزيت حاجبي و جبدتها عندي ..من وسطها تخبطت فيا .. باقية حاطة يديها على فمها ..
جود؛ متوحش و متملك زادة ألينا .. و وقت نحب على حاجة .. نحرق الدنيا على جالها..
نحيت يديا من على فمي
ألينا؛ و انتا ملكت الحاجة اللي باش تحرق الدنيا على جالها !
غزرلي ندرا كيف .. و جبد روحو .. مشا .. كملت نمشي في سكات و هو زادة ..وصلنا للدار .. لقينا فادي برا يروح و يجي .. الظاهر متوتر.. جيست ما رانا قدم فيسع .. غزرلنا كي عدنا مبلولين ..
جود؛ كنا نعملوا فسباق سباحة ..
فادي؛ ب باااهي ..
جود؛ شبيك ؟
فادي؛ آ مشكل خدمة كهو
ألينا؛ نظن حاب يحكي معاك
باقي نتبع فيها بعينيا لين .. دخلت أحسن شي .. فادي ماش قد بعضو .. كون توله للتريكوا اللي لاصق على لحمها .. جيست مع دخلت .. تلفتت ليه كان يغزر للبعيد ..حطيت يدي على كتافوا دورتوا عندي ..
جود؛ شفما؟!
فادي؛ وينو ******* تيليفونك من قبيل نعيط
جود؛ مديتوش معايا شبي ******
فادي؛ ال FBI و باباها عرفوا اللي هي فبراغ .. حكمتها الكاميرات متاع الجاردان ...و. ..
ألينا تحكي :
باقية نغزرلوا ملفوق .. كي يحكي معاه .. منجمتش نسمع في شنوة.. اما الظاهر اللي مقلق برشا .. باقية نتبع فيهم بعينيا .. جود جيست يسمع فيه .. حتى حركات جود بدات تبدا متوترة ..عدا عينيه عالبلاصة الكل .. .طلع راسوا جات عينو فعيني .. غزرلي ندرا كيف .. منعرش اما حسيت اللي هوما يحكيو عليا .. زعما فاقوا اللي ذاكرتي رجعت !!.. نزل راسوا كمل يحكي مع فادي ..
دخلت باقية نمشي فالبيت.. و نطلع و نهبط ..
.........
جود؛ اوكي انا نتصرف
فادي؛ شنووة كيفاش تتصررررف جووود .. صاااي ميطولوش و يلقاوها FBI هادو مش ولاد .. و زيد الحدود كامل مراقبة يعني مكانش كيفاش تسافر .. و مزال مرجعتلهاش الذاكرة باش نقنعوها.. ت تعرف شنية الحل .. نطلب من باباها نتلاقاه و نخبروا اللي أنا صدمتها ..و مكنتش نعرف اللي هي بنتوا .. هكا تتفرز
جود؛ لالا أنا المسؤول أنا اللي نتصرف انتا معندو ما دخلك
فادي؛ و واش راح دير ؟
جود؛ اللازم .. توا انتا روح و أي جديد خبرني ..
فادي؛ لا عاد تفدلك .. اغزررررلي هووووني .. شنوة باش تعمل للطفلة نعرررفك رااااااني !!!
جود؛ شي فادي .. اما انتا لازم تروح .. وكان عيط بابا سقساك عليا خبروا اللي أنا مسافر لأستراليا رحلة ..
فادي؛ باش تبقا هنا !؟
جود؛ لا و حتى ترجعلها الذاكرة .. ملازمش يلقاوها .. عالأقل نصفي ذمتي معاها .. من غير العداوة اللي بين بابا و باباها ..
فادي؛ جود نعرفك طايش اما نعرف اللي انتا مستحيل تأذيها ..
جود؛ باينة
فادي؛ نروح نشوف الأوضاع
جود؛ أوكي تهلا bro
فادي؛ ciao bro
شيعتوا لين مشا.. طلعت راسي غزرت لطاقتها .. مكانش.. دخلت حطيت كاس كابوتشينوا يتعمر ..هزيت الساشي اللي وصيتوا يجيبلهافيها قشها ..كان في بالي تبقا هنا يامات .. مبعد نرجعها لدار فادي .. خاطر الدار هاذي معزولة ..اما هاو صار الشي اللي خفت منو ...طلعت لبيتها.. جيست مع حليت الباب تنطرت .. غزرتلها .. لتوا مزال لابسة اكا التريكو...
جود؛ شبيك تفجعت ؟
ألينا؛ أه شي .. صافا ماو ؟؟؟
جود؛ امم هاو قشك بدلي هاذ العفسة ..من غير شي ماش عاجبتني
حط الساشي عالسرير .. و خرح ..تنفست يعني مافاقوش اللي انا بخير مي واش بيه واش صرا ..زعما عندها علاقة مع الجماعة اللي هاجموه البارح .. هزيت الساشي حليتها .. لقيت فاها شوميز كحلة .. و سروال بيض .. باسكات بيضة .. و دوبياس !! .. تي مالا حشمة قدام فادي .. هزيتهم بدلت دبشي ونزلت .. لقيتوا يشرب في قهوة .. طلع راسو غزرلي ملفوق للتحت خلاني ندخل بعضي .. و ناض يمشي و يتمتم ..
جود؛ باش نتفكر المرة الجاية نجيب قشها وحدي
ألينا؛ قللت حاااجة ؟!؟
جود؛ لا الحقيني فيسع
لحقتوا .. خدم الكرهبة.. باقية نغزر للبلاصة جبلية خلاص ..ساعات نرمي عينيا عليه .. وجهوا مقلوب عاللخر من اللي حكا معاه فادي .. شوي كهو و خبط الفولون تهزيت و تحطيت ..
جود؛************ وقتهم توااا
زاد فالفيتاس ..حتى حكمت فالكرسي .. باقي يسب.. منجمت نهدر حتى كلمة ..تعدات ربع ساعة و هو يسوق بالجنون أذاكا ..
غزرتلوا كي بدل اكا الغش بضحكة .. تي منجمش نفهم هاد البنادم جملة .. في دقيقة يتحول .. سيد مزاجي 😏.. تكيت راسي عالبلار كملت نغزرلوا و هو يسوق .. شوي و تلفتت غزرلي ..
جود؛ علاه ما متيش ؟!
ألينا؛ ش شنوة ؟
جود؛ بمعنى آخر علاش تحبي تعيشي ..
ضيقت عينيا نغزرلوا.. كي مركز فالثنية .. اما يغزرلي ساعات يستنى فالجواب..
ألينا؛ و نتا علاه عايش
جود؛ باش نعيش كل يوم مخاطرة جديدة ..
ألينا؛ باش تتعب
جود؛ هه علاه بالعكس باش نتمتع
حبس الطاكسي في بلاصة عالية .. تي شمجيبنا للجبل .. نزل لحقتوا .. باقي واقف عالحافة .. قدمت غزرت للتحت .. شلالات !!!. .. تي عالية تخوف ..
ألينا؛ بعد شوي تو تطيح !!!
تلفتت .. قابلني .. عينيا تحلوا .. و انا نرا فيه هاز الفرد في وجهي .. نغزر لصباعوا كي يركحوا فالسلاح .. بلعت ريقي .. توا تأكدت من هدرتوا مع فادي .. فقت كي سمعت الرصاصة كي خرجت من الفرد !!!! غمضت عينيا ..لحظات كهو و عاودت حليتهم .. كي سمعت حاجة طاحت من ورايا ..تلفتت بالشوي غزرت لواحد كي طاح من ورايا .. حطيت يديا على فمي .. جبدني من يدي رجعني وراه ..و زاد رما رصاصة .. طاح واحد خلاف من الشجرة كبست على ظهرو ..
تلفتت غزرلي ..حط يدو على وجهي ... باقية نغزرلهم كهو ..
جود؛ ألييينا ... أليييينا اغزرررلي هوووني .. فييييق
باقي يهز فيا لين فقت .. غزرتلوا
ألينا؛ ش شكونهم و ؟؟؟
جود؛ انتي تاثق فيااا؟
ألينا؛ اه؟
جود؛ عندك كونفيونص فيا؟؟
ألينا؛ و و وي
جود؛ باهي
لف يديه على وسطي ... غزرلي ندرا كيف .. غزرتلوا فعينيه .. طبس باسني بوسة خفيفة .. جبد روحو غزرلي .. حليت عينيا على صوت الطاكسيات كي حبسوا .. تبسم و جبدني .. ترمينا عالشلالات !!!!
💥💥💥💥💥💥💥💥💥💥💥
#عشق_محرم_دوليا
#يسرى_أمجوج
