الحلقة 41 :
نزلنا عالأرض .. احساس مش نورمال هذا التجربة .. يفك فالسبتة و أنا نغزرلوا .. طلع راسو .. باقي يغزرلي هو تاني .. فقنا كي سمعنا صوت التصفيق .. لقيناهم فادي و ألفة .. قدمنا .. لبسلها الخاتم
فادي؛ متأكدة يخي
ألفة؛ ههه ماما محامية معنديش مشاكل مع الطلاق
الكل: هههههه
فادي؛ ههه مزية قلتيلي الواحد يدير حسابو ...
كملنا النهار بحفلة باربيكيو (شواء) ... تصاور .. جو تاع هبال كيما يحب الخاطر .. الستراس تاع شهرين راح فنهار .. ركبنا الكل للطوموبيل جود مروحين .. حنا من القدام و هوما من التالي يتمهبلوا ...حبس جود الطوموبيل خاطر وصلت السبعة و جعنا فالطريق ..
ألفة؛ اشريولنا دي صاندويش برك مكلاه ننزلوا غلبانة خلاص ..
فادي؛ تدلل حبي
تلفت ليا جود ..
جود؛ وش تاكلي نتي ؟
ألينا؛ والو قرعة ما برك
غزرلي باستغراب .. خاطر فالغدا بعد ذقت برك .. مش حابة نرجع قدامهم .. أنا بروحي منحملش .. فك السبعة و نزل .. تنطرت ألفة قدمت عندي ..
ألفة؛ احممم واش شبعك. العشق .. مكيش تاكلي ليوم مامي
ألينا؛ معدتي مقلوبة يا الزح .. الحاجة اللي ناكلها نرجعها .. شكيت المصران الزايد عاود رجعلي
ألفة؛ اييي بالسيف ما تهنيتي ولا
ألينا؛ غدوة بالاك نفوت عالطبيب مبعد نجي للخدمة .. ديجا ليوم خليناها هكاك
ألفة؛ اي ساهلة حبي ..يايمااا شوفي الديامو تاع الخاتم تقتل
ألينا؛ ممم تهبل بصحتك .. دوكا جاية خطبة و العرس كشما ترزاني شوي
ألفة؛ هههه شكون يهدر عالرزانة ههههههه
ألينا؛ ههههههه ناناك
تحل الباب .. ركبوا .. حط جود الصاشي في حجري .. حبيتها لقيت ولما و الشيكولا اللي نحب .. و 4 كاناط كوكا .. تلفت مديتلهم الكوكا ..
فادي؛ هاكي صندويش تاعك لينو .. هاو دارو سبيسيال
ألينا؛ وش فيه ..
حكمتوا عليه حليتوا .. فيه ستيك سدر مشوي مع فرماج و صوص الصويا .. تلفت غزرتلوا باستغراب .. ديمارا طوموبيل فيددوا الثانية كاناط الكوكا يرشف منها ..
مبعد تلفت للصندويش .. و عضيت منو .. عجبني مش نورمال .. باقية ناكل تقول جامي كلبت .. حبس قدام دار ألفة
ألفة؛ هيا بونوي ليكيپ تهلاو .. جود تهلالي فالطفلة ..
فادي؛ هيا
جود؛ و نتا وين دارها ولا دارك
فادي؛ ديارنا هههه
ألفة؛ هاو شرا الأبارتومون لي فوقي
جود؛ ياااا الحلاب هكا بعد
فادي؛ ههه عالهدرة هاذي اللي محبيتش نقولك هههه
ألينا؛ هههه خطيهم نتا ..
نزلوا ..... مهابل تاع الصح .. كملت ناكل .. تلفت ليا
جود؛ كنتي شبعانة لالا
ألينا؛ كنت تراقب فيا؟
جود؛ كيفاه؟
ألينا؛ هذا السندويش كنت ندومونديه سبيسيال من فاست فود فطريقي .. وين عمبالك بيه ..
سكت و ركز مع الثنية.. شوي و تلفت
جود؛ نوصلك لدارك ؟
ألينا؛ ممم
شوي ووصلنا .. بحكم بعيدة على دار ألفة بعشر دقايق برك ...حبس .. لميت الشكاير فيدي بش نطيشهم .. تلفت هزيت صاكي من التالي .. و تلفت غزرتلوا ..
ألينا؛ مرسي عالنهار كان يهبل .. و تاع الصح ارتاحت نفسيتي بيه ..
جود؛ نورمالموا فتنا مرحلة المرسي
ألينا؛ ههه صح .. و مام الصندويش كان بنين و جا في وقتوا .. ميهمنيش علاش ولا كيفاش كنت تراقب فيا.. اللي يهم دوك انو الشي اللي صرا من قبل كامل .. اما محيتوا من راسي .. خاطر كان متعبني فوق طاقتي .. اللي يهم هو دوكا .. اهلا في روحك .. بونوي
جود؛ بونوي
تبسم .. حليت الباب نزلت ..قفلتوا .. مشيت بخطوات جيهة الباب. مع وصلت قدامو .. الدوخة لعبت عليا من جديد .. حطيت يدي عليه نوازن في روحي.. المفتاح طاح من يدي ..نسمع فصوتو من التالي ...
