الحلقة 9 ج2 :
هزيت تيليفون ..
ألينا؛ ألووو
- شكون نتي وينو جود
ألينا؛ وشبيه وش قلتيلوا
-جداتو ماتت في مقام امو راهي .. لازم يرجع لإيطاليا .. بابا قالب الدنيا على جالو
ألينا؛ أوكي
علقت .. غزرتلوا .. يغزر للبعيد .. معرفتش شنحكي .. ردة فعلوا تبين انها صح في مقام امو .. خذيت نفس طويل .. حل الباب متاع الكرهبة و نزل .. غزرتلوا و نزلت .. جو بارد مش نورمال..
قدمت عند و جيت قدامو ... غزرلي .. دوب تبسمت .. قدمت عندو عنقتوا .. لف يديه عليا .. حسيت بتنهيدتو.. منظنش الكلمات تنحي وجيعة العباد ..
ألينا؛ ربي يرحمها ..
سكت وقت .. مبعد جبد روحو .. عينيه حمر دم .. حط يديه على وجهي .. يعدي في صوابعو على خدودي ..
جود؛ لازم نروح توا
ألينا؛ وي لازم نروحو
سكت .. غزر لبعيد .. مبعد غزرلي
جود؛ انتي لا ..
ألينا؛ جوود نحب نكون معاك راني كون جيت خايفة .. نروح كي مديتلي لاشونس ..
جود؛ مش قضية خوف .. منحبش نحل حرب .. و نكونوا حنا السبة فيها.. بربي افهميني .. مش قادر حتى نشرح
ألينا؛ اوكي كيما تحب
جود؛ متخافيش واحد ما يوصلك و نتي هنا و زيد اللي فلوتال هذاك كامل رجالي جيست متروحيش للأماكن العامة لين نرجع 3 ايام ماكسيموم نكون هنا ..
هزتلي براسها وي .. نعرف مش حابة تبقى مي مش حل تروح ..جبدتها عندي عنقتها .. و جبدت .. وصلتها للسويت تاعها .. و ديراكسيون للمطار الخاص ..
ساعات و وصلت .. قلبي مقبوض .. مش مستوعب فكرة انو امي معادش كاينة .. نسوق و نتلفت .. الشارع بكلوا مقلوب الرجال فكل بلاصة .. اكيد مدام سيزار بجلالة قدرو شرف .. وصلت للفيلا حلو الباب يجريو .. الكل يحيي فيا .. ركيت الكرهبة .. قدم واحد خللي الباب .. نزلت غزرت للقصر .. شي ما تبدل .. تردد في وذنيا صوات امي و هي ورايا .. نزلت راسي جات عيني فعينو ..
سيزار؛ دوك وين تجي وين كنت
نزلت راسي حكيت لحيتي .. اصلا مش متوقع ترحيب منو .. طلعت هادوك الدرجات .. لين وصلت قدامو .. باقي حاط يديه فجيوبو .. تبسمتلوا شطر تبسيمة ..
جود؛ على سلامتي سي سيزار
تعديتو و دخلت للفيلا .. جيست مع دخلت للصالة .. قابلوني الكل قاعدين .. غزرتلي قدمت تجري عندي عنقتني
نور؛ جووود توحشتك ..
لفيت يديا عليها .. قداش توحشتها ..
#عشق_محرم_دوليا
