ﺍﻟﺤﻠﻘﺔ 3 :
ﻏﺰﺭﺕ ﻟﻔﺎﺩﻱ ..
ﻓﺎﺩﻱ؛ ﻛﻮﻧﻲ ﻣﻠﻴﺤﺔ ﺍﻭﻛﻲ ؟
ﺃﻟﻴﻨﺎ؛ ﺃﻭﻛﻲ
ﻓﺎﺩﻱ؛ ﺟﻮﺩ ﺍﺗﻬﻼ
ﻗﺪﻡ ﻋﻨﻘﻮﺍ .. ﺑﺎﻗﻴﺔ ﻧﻐﺰﺭﻟﻬﻢ .. ﺟﺒﺪ ﺭﻭﺣﻮ ﻭ ﺗﻠﻔﺖ ﻟﻴﺎ .. ﺗﺒﺴﻤﻠﻲ ﻭ ﺣﻞ ﻳﺪﻳﻪ .. ﺗﺒﺴﻤﺖ .. ﻭ ﺣﻀﻨﺘﻮﺍ ..
ﺃﻟﻴﻨﺎ؛ ﺍﺗﻬﻼ ﻓﻴﺪﻭﻭ
ﻓﺎﺩﻱ؛ ﻭ ﺍﻧﺘﻲ ﺗﺎﻧﻲ
ﺟﺒﺪﺕ ﺭﻭﺣﻲ .. ﺷﻔﺖ ﻣﻌﺎﻩ .. ﺗﺒﺴﻢ .. ﻭ ﻣﺸﺎ ... ﺷﻴﻌﺘﻮﺍ ﺑﻌﻴﻨﻴﺎ ﻟﻴﻦ ﻭﻻﺕ ﺍﻟﻄﺎﻛﺴﻲ ﺗﺎﻋﻮﺍ ﻣﺘﺒﺎﻧﺶ .. ﻣﻌﺮﻑ ﻋﻼﺵ ﻗﻠﺒﻲ ﻏﺺ ﻋﻠﻴﺎ .. ﻧﺴﻤﺔ ﺑﺎﺭﺩﺓ ﺿﺮﺑﺖ .. ﺗﻮﺍ ﻭﻳﻦ ﺣﺴﻴﺖ ﺑﺎﻟﺒﺮﺩ
ﺟﻮﺩ؛ ﺍﺩﺧﻠﻲ ﺩﻭﻙ ﺗﺒﺮﺩﻱ ﻭ ﺗﺪﻱ ڨﺮﻳﺐ
ﺃﻟﻴﻨﺎ؛ ﺍﻣﻤﻢ ﻋﻨﺪﻙ ﺣﻖ ..
ﺩﺧﻠﺖ ﻟﻠﺼﺎﻟﻮﻥ .. ﺷﻌﻠﺖ ﺍﻟﺘﻴﻠﻴﻔﻴﺰﻳﻮﻥ .. ﺑﺎﻗﻴﺔ ﻧﺘﻔﺮﺡ ﻓﻲ ﻓﻴﻠﻢ ﻫﻨﺪﻱ .. ﻣﻨﻌﺮﻑ ﻗﺪﺍﻩ ﺗﻌﺪﺍ ﻣﻦ ﺍﻟﻮﻗﺖ .. ﺷﻮﻱ ﻭ ﺣﻂ ﻛﺎﺱ ﻫﻮﺕ ﺷﻮﻛﻼﺕ ( hot chocolat ) ﻗﺪﺍﻡ ﻭﺟﻬﻲ .. ﻏﺰﺭﺗﻠﻮﺍ .. ﻭ ﻃﻠﻌﺖ ﺭﺍﺳﻲ ﺷﻔﺖ ﻣﻌﺎﻩ ..
ﺟﻮﺩ؛ ﺩﺭﺕ ﻛﺎﺱ ﻟﻴﺎ .. ﻭ ﺩﺭﺗﻠﻚ ﻛﺎﺱ ﻟﻴﻚ ..
ﺣﻜﻤﺘﻮﺍ ﻋﻠﻴﻪ .. ﺭﺍﺡ ﻗﻌﺪ ﻋﺎﻟﻔﻮﺗﺎﻱ ﺍﻟﻠﻲ ﻣﻘﺎﺑﻠﻨﻲ ..
ﺟﻮﺩ؛ ﺩﻭﻗﻲ ﻭ ﺍﻋﻄﻴﻨﻲ ﺭﺍﻳﻚ
ﺃﻟﻴﻨﺎ؛ ﺗﻤﺎﻡ
ﺭﺷﻔﺖ ﻣﻦ ﺍﻟﻜﺎﺱ .. ﺑﺎﻗﻴﺔ ﻧﺴﺘﺒﻦ ﻓﻴﻪ .. ﻣﺒﻌﺪ ﻏﺰﺭﺗﻠﻮﺍ ﻫﺰﻟﻲ ﺑﺤﺎﺟﺒﻮﺍ ﺗﺎﻉ ﺷﺮﺍﻳﻚ .. ﻋﺎﻭﺩﺕ ﺭﺷﻔﺖ ﻭ ﻧﺰﻟﺘﻮﺍ ..
ﺃﻟﻴﻨﺎ؛ ﺑﻨﻴﻴﻴﻴﻴﻦ .. ﻧﻈﻦ ﺍﻭﻝ ﻣﺮﺓ ﻧﺸﺮﺏ ﻫﻮﺕ ﺷﻮﻛﻼﺕ ﻫﻜﺎ .. ﺣﺘﻰ ﻟﻮ ﻓﺎﻗﺪﺓ ﺍﻟﺬﺍﻛﺮﺓ ﻛﻨﺖ ﻋﺎﻻﻗﻞ ﻧﺘﻔﻜﺮ ﻫﺎﺩ ﺍﻝ goût ..
ﺟﻮﺩ؛ ﺃﻭﻭﻭﻫﻮﻭﻭ ﻫﻬﻬﻬﻪ ﺇﻃﺮﺍﺀ ﻣﺨﺘﻠﻒ ﺑﺰﺍﻑ ﻋﻠﻰ ﺍﻟﻠﻲ ﻣﻮﺍﻟﻒ ﻧﺴﻤﻊ
ﺃﻟﻴﻨﺎ؛ ﻫﻬﻬﻪ
ﺟﻮﺩ؛ ﺗﺤﺒﻲ ﺍﻻﻓﻼﻡ ﺍﻟﻬﻨﺪﻳﺔ !
ﺃﻟﻴﻨﺎ؛ ﻣﻨﻌﺮﺵ .. ﻟﻘﻴﺘﻮﺍ ﺧﻠﻴﺘﻮﺍ .. ﺍﺻﻼ ﺣﻜﺎﻳﺘﻮﺍ ﻣﻠﻴﺤﺔ
ﺟﻮﺩ؛ ﻋﻼ ﻭﺍﺵ ﻳﺤﻜﻲ ؟
ﺃﻟﻴﻨﺎ؛ ﺣﺐ ﻣﻦ ﻃﺮﻑ ﻭﺍﺣﺪ .. ﻫﻮ ﻳﺤﺒﻬﺎ ﻭ ﻫﻲ ﺗﺤﺒﻮﺍ ﻛﺼﺪﻳﻖ .. ﻭ ﻳﺼﺮﺍﻭ ﺑﺰﺍﻑ ﺣﻮﺍﻳﺞ ﻣﻲ ﻣﻴﻔﻬﻤﺶ ﻧﻮﻉ ﺍﻟﺤﺐ ﺍﻟﻠﻲ ﺗﺤﻮﺱ ﻋﻠﻴﻪ ﻫﻲ ..
ﺟﻮﺩ؛ ﺣﻤﺎﺭ ﺃﺻﻼ ﻻﻩ ﻳﺤﺐ
ﺗﻠﻔﺘﺖ ﻏﺰﺭﺗﻠﻮﺍ
ﺃﻟﻴﻨﺎ؛ ﺍﻟﻠﻲ ﻳﺤﺐ ﺣﻤﺎﺭ ﻋﻨﺪﻙ ؟
ﺟﻮﺩ؛ ﺍﻣﻤﻢ
ﺃﻟﻴﻨﺎ؛ ﻫﻪ ﻛﻞ ﻭﺍﺣﺪ ﻭ ﻣﻨﻈﻮﺭﻭ ..
ﻧﻀﺖ ﻫﺰﻳﺖ ﺍﻟﻜﺎﺱ ..
ﺃﻟﻴﻨﺎ؛ ﺑﻮﻧﻮﻱ ﻭ ﻣﺮﺳﻲ
ﺟﻮﺩ؛ ﺑﻮﻧﻮﻱ
ﻣﺸﻴﺖ ﺣﻄﻴﺖ ﺍﻟﻜﺎﺱ ﻓﺎﻟﻜﻮﺯﻳﻨﺔ ﻭ ﻃﻠﻌﺖ ﻟﺒﻴﺘﻲ .. ﺍﻟﺴﺎﻋﺔ 23:30 .. ﻟﺒﺴﺖ ﺑﻴﺠﺎﻣﺔ ﻭ ﺗﻜﻴﺖ .. ﻫﺰﻳﺖ ﺗﻴﻠﻴﻔﻮﻧﻲ .. ﺑﺎﻗﻴﺔ ﻧﺘﻔﺮﺝ ﻓﺎﻟﻴﻮﺗﻴﻮﺏ ﻭ ﻧﻌﺪﻱ ﻭﻗﺖ .. ﺣﺘﻰ ﻏﻔﻴﺖ ..
ﻓﺎﺩﻱ ﻳﺤﻜﻲ :
ﺟﻴﺴﺖ ﻣﺎ ﻣﺸﻴﺖ ﺍﺣﺴﺎﺱ ﻏﺮﻳﺐ .. ﻣﺎ ﻧﻌﺮﻑ ﻋﻼﻩ ﻣﻨﻴﺶ ﻣﻄﻤﻦ .. ﻳﻤﻜﻦ ﻣﻦ ﺷﻮﻓﺎﺗﻬﺎ ﻟﻴﺎ .. ﻭﺻﻠﺘﻠﻲ ﺧﻮﻓﻬﺎ .. ﻧﻌﺮﻑ ﺍﻟﻠﻲ ﻫﻲ ﺗﻮﺛﻖ ﻏﻴﺮ ﻓﻴﺎ .. ﻧﻌﺮﻑ ﺍﻟﻠﻲ ﺟﻮﺩ ﻣﺴﺘﺤﻴﻞ ﻳﻀﺮﻫﺎ ﻣﺪﺍﻡ ﻣﺪﻟﻲ ﻛﻠﻤﺔ .. ﺍﺻﻼ ﻛﻠﻤﺘﻮﺍ ﻗﺒﻞ ﺍﻱ ﺷﻲ .. ﺭﻛﺒﺖ ﻓﺎﻟﻄﻴﺎﺭﺓ ﺃﺣﺴﻦ ﺷﻲ ﺍﻧﻮ ﻧﺰﺭﺏ ﻧﻔﺮﺯ ﺍﻟﻤﺸﺮﻭﻉ ﻭ ﻧﺮﺟﻊ ..
ﺟﻮﺩ ﻳﺤﻜﻲ :
ﻛﻤﻞ ﺍﻟﻔﻴﻠﻢ .. ﻣﻨﻌﺮﻑ ﻋﻼﺵ ﻛﻼﻣﻬﺎ ﺧﻼﻧﻲ ﻧﻜﻤﻞ ﻧﺘﻔﺮﺟﻮﺍ ﻟﻠﺨﺮ .. Ai dil hail muchkil .. ﻣﻌﻨﺎﺗﻬﺎ ﺻﻌﺐ ﻳﺎ ﻗﻠﺒﻲ .. ﺗﻜﻴﺖ ﺭﺍﺳﻲ ﻟﻠﺘﺎﻟﻲ ﻧﺨﻤﻢ .. ﺯﻋﻤﺎ ﻳﺠﻲ ﺍﻟﻨﻬﺎﺭ ﺍﻟﻠﻲ ﻳﺨﻠﻴﻨﻲ ﻧﻌﺸﻖ .. ﻫﻬﻬﻬﻬﻬﻪ ﺍﻟﻔﻜﺮﺓ ﺑﻌﺪ ﺗﻀﺤﻜﻨﻲ .. ﻣﻨﻴﺶ ﺩﻏﻒ ﺑﺎﺵ ﻧﺤﺐ .. ﺍﻟﺤﺐ ﺍﺩﻣﺎﻥ ﻗﺒﻞ ﻣﺎ ﻳﻜﻮﻥ ﺣﺎﺟﺔ ﻣﻠﻴﺤﺔ ﻛﻴﻤﺎ ﻳﻘﻮﻟﻮﺍ .. ﺷﻌﻠﺖ ڨﺎﺭﻭ ﺑﺎﻗﻲ ﻧﺤﺮﻕ ﻓﻴﻪ ﻟﻴﻦ ﻛﻤﻞ .. ﻣﻨﻌﺮﻑ ﻛﻴﻔﺎﻩ ﺑﺎﺵ ﻧﺪﻳﺮ ﺩﻭﻛﺎ ﻣﻌﺎﻫﺎ .. ﺍﻟﻤﺼﻴﺒﺔ ﻫﺎﺩﻱ ﻣﺎﺵ ﻭﻗﺘﻬﺎ ﺧﻼﺹ .. ﺳﻴﺮﺗﻮﺍ ﻓﺎﻟﺘﻮﺗﺮ ﺗﺎﻉ ﺩﻭﻛﺎ .. ﻧﻀﺖ ﻧﻄﻠﻊ ﻧﺮﻗﺪ .. ﻧﺨﻤﻢ ﻓﻲ ﻭﻗﺖ ﺧﻼﻑ .. ﻃﻠﻌﺖ ﻋﺪﻳﺖ ﻋﻠﻰ ﺑﻴﺘﻬﺎ .. ﺍﻟﺒﺎﺏ ﺗﺎﻋﻬﺎ ﻣﺤﻠﻮﻝ ﺷﻮﻱ .. ﻣﺸﻴﺖ ﺯﻭﺯ ﺧﻄﻮﺍﺕ ﻣﻲ ﺭﺟﻌﺖ .. ﺍﻟﻔﻀﻮﻝ ﺧﻼﻧﻲ ﻧﺮﺟﻊ .. ﺣﻠﻴﺖ ﺍﻟﺒﺎﺏ ﻭ ﺩﺧﻠﺖ .. ﻏﺰﺭﺗﻠﻬﺎ ﻛﻲ ﺭﺍﻗﺪﺓ .. ﻭ ﺍﻟﻜﻴﺘﻤﺎﻥ ﻓﻮﺫﻧﻴﻬﺎ .. ﻗﺪﻣﺖ ﻧﺤﻴﺘﻠﻬﺎ ﺍﻟﻜﻴﺘﻤﺎﻥ .. ﻭ ﻫﺰﻳﺖ ﺍﻟﺘﻴﻠﻴﻔﻮﻥ .. ﺍﻟﻈﺎﻫﺮ ﻛﺎﻧﺖ ﺗﺘﻔﺮﺝ ﻓﺎﻟﻴﻮﺗﻴﻮﺏ .. ﺣﻄﻴﺖ ﺍﻟﺘﻴﻠﻴﻔﻮﻥ ﻭ ﻏﺰﺭﺗﻠﻬﺎ ﺷﻌﺮﻫﺎ ﺩﺍﺧﻞ ﺑﻌﻀﻮﺍ .. ﻋﺪﻳﺖ ﻳﺪﻱ ﻋﻠﻴﻪ ﺭﻳﻘﻠﺘﻮﺍ .. ﻭ ﻃﻠﻌﺖ ﻋﻠﻴﻬﺎ ﺍﻟﻐﻄﺎ .. ﻏﺰﺭﺗﻠﻬﺎ ﻭ ﺧﺮﺟﺖ .. ﺷﻜﻮﻥ ﻗﺎﻝ ﺍﻟﻠﻲ ﻳﺠﻲ ﺍﻟﻨﻬﺎﺭ ﻭ ﻧﺘﻠﻬﺎ ﺑﻤﺮﺍ .. ﺑﺪﻟﺖ ﻗﺸﻲ ﻭ ﺗﻜﻴﺖ ﻓﻲ ﻓﺮﺍﺷﻲ .. ﺣﺘﻰ ﻏﻔﻴﺖ
