عشق الطوائف( عشقي)

البارت الاول

'♧'🌹'♧'عشق الطوائف'♧'🌹'♧'
'🌸'{عشقي سنُِي}'🌸'
♧🌹♤الحلقه-1-♤🌹♧
الكاتبة:- فاطمة علي
🌸لايك+تعليق🌸

أبـحـث عـنــكِ

عــن ملامـحكِ بســمتـكِ صـــــوتـكِ
بيـن أنيـــــن العـاشقين وشــوقهـم

فى مـدحهـم ... غـزلهم .. نبضهـم
أبحـث عـنــك بيـن الـعـبـــــــــــارات

و الـهـمســات و في كل الـروايــات
أبحث عنكِ لــ تمــنح قلبــى أغــنية

لـ يهــدأ شــوقي و يرتــوي ظمــآءي
أبحث عنكِ لـ تكـون مـنـــارة أيـــامى

فى ظلـمة الحنين و بحــر الاشـواق
يا مرساة قلبي يا شاطيء أحلامي

يا عنــــوان حبــي يا كل الأوطـــان **** ياكل الأوطان

.
.

نرمين :- فارس فااارس

فارس: باوعت عليها ها نرومه القزومه شتردين

نرمين :اني قزمه ، شسوييي اذا انت كووولش طيول

فارس : هههههههه لج طيول شنو اسمها طويل ..شفتها صارت عصبية وعقدت حواجبها وكفت على صفحه ..دحجي شتردين واجيبه الج ..لتزعلييين كرصتها من خدودها ..ضحكت اوف ياضحكتج كووولي شتردين

نرمين : هذا النبگ يخبل شكله بس بعيد

فارس : تردين منه بس ترى بعد ممستوي ؟؟

نرمين : اممممم عادي اكله، بس يله عوفه بعيد

فارس : دكولي سلجت عليه هههههه ،، دقيقة شني بعدين

نرمين : فارس اتسلق على الشجرة مال نبك واني ابتسم واباوع عليه جان الجو يخبببل وعصرية ، فارس يكطع ويخلي بجيبه وكل الجهال يباعون منتظري شوكت ينزل،، الا شوية راد يوكع ، فارررس دير بالك راح توكع  ، شوية ونزل ويطلع من جيبه وينطيني وينطي الاخو ياس وباقي الجهال ، عفناهم وتمشينه وحدنه

فارس : بعدهن ملاحكات شلون كاعده تاكلين بيهن ؟؟

نرمين : جنهن عسل طيبات كولش

فارس : بالله انطيني '' ااععع شلون كاعده تاكلينهن

نرمين : خربت عليه من الضحك ، هههههه انطيتك الممستويات واني اكل المستويات

فارس : انتي شكد خبيثه، انه علمودج تعبت وتعنيت وجان وكعت وتكسرت ومتجازيني وتنطيني حق تعبتي وفوكاها تنطيني المالاحك والحامض

نرمين : اباوع عليه براءه، واكل بالنبك ، بس كولش طيب ، 😁

فارس : بالعافية ...........