عشق الطوائف( عشقي)

ملاحظه

السلام عليكم ورحمة الله وبركاته
❤️✌️🇮🇶✌️❤️
الكاتبة : فاطمة علي
طبعاً اشكر كل متابع قدر ظروفي وانطاني عذر بدون متعرفون شنو الي دا امر بي
اولاً / السبب الرأيسي الي خلاني اوقف كتابة القصه هي عيوني بحيث جنت هستوني مسوية عمليه و الحمد لله جنت كاتبه البارت الثاني للجزء الثاني قبل العملية ، وعمليتي الوحيده بين العمليات الي سوهن وياي جانت حيل متأزمه
وحيل تعبانه بسبب عندي حساسية حاده بعيني ، بحيث من جنت اخلي القطرات نااار تطلع من عيني واضل الوب بمكاني وجع راسي ما اسولفلكم عنه ، مريت بأصعب اربعة ايام بحياتي ، وقبل كل هذا جانوا الأمريكان بوقتها هستوهم قاصفين مقر للحشد الشعبي المقدس و راح النه اكثر من 30 شهيد

... مثل متعرفون ان زوجي بالحشد وهم بأحد هاي المقرات وكام كل مايلتحق اضل مخليه ايدي على قلبي وادعي و لليل ما انامه اخاف لا يقصفوهم الامريكان ،
بداية 2020 كلنه ان شاء الله خير علينه بس بيوم 3 بالشهر رجعت حالتي انتكست
بسبب القادة الي قصفوهم بمطار بغداد ..

.. قبل لا احجي الكلام الراح اكوله ، كلته بالفيس بوك ، بدون غلط وبدون اي تجاوز عليه قبل متعرفون شنو السبب الخلاني انتكس خلال سبوع كامل من هسه اكوللكم الي ميعجبهم كلامي الحظر موجود احظروني اني طبيعتي مااسكت واحجي الحق وهواي بنات اتوقع راح يحظروني او يلغون متابعتي او يكرهوني ، وهذا الشي رأيهم هم و اني منشرت علمود اطش هاي هوايتي وحبيت انشر هوايتي مجبرت احد يتابعني او يقراءة قصصي ..

بس هم اضل احترمكم واحبكم واتقبل انتقادكم برحابة صدر بدوووون غلط او شتم
.. مااعرف اكو بيكم يمكن راح يكرهوني على هذا الكلام الراح اكوله بس ارجع واكول كل واحد ورأيه وحريته بالكلام واني كاتبه والي القلم ، بكل انواع الكتابه اذا جانت سياسية او قصصية او روائية ... الخ

.... ثانيا / قبل لا اصير كاتبة كدام العالم وا نشر الي يملي عليه قلبي وعقلي جنت و لازلت اعلامية حربية الالكترونية ، من ٢٠١٥ والحد الان بأسم حشد الزينبيات ، اكثر من مره الدو١١عش هكروا صفحاتنه ، لان جنه ننشر اخبار الانتصارات مال جيش والحشد ،
الاشخاص الي استشهدوا الي هم الحاج القائد ابو مهدي المهندس والحاج القائد قاسم سليماني والي معهم رحمهم الله ، اكثر الناس متعرف عنهم شي بحيث بس حجوا المحرضين وكالوا هذوله فطايس وماتوا ويستاهلون واكثريت الناس كامت تصفك وتركص بيوم استشهادهم ، بحيث بجيت بجي مو لان استشهدوا لا بس لان المسلم هان عليه دم اخوا المسلم وفرح لان انقتلوا على ايد الكافر اترامب
الساعه ب ٣ اني اجاني خبرهم و كذبته وكلت مستحييييل لكن ، الساعه ب 5 اتأكدت من الخبر وان الخبر صحيح ،

...تعرفون يعني شنو قائد يستشهد والجنود مالته على الساتر موجودين ديحمونه علمود ليدخلون ويرجعون الارهاب مره ثانيه ويخابروهم يكولولهم قائدكم استشهد ؟ تحسون بالانكسار ، مثل العائلة وفجاه يكولولهم ابوكم مات شنو شعوركم ؟؟