عشق الطوائف( عشقي)

البارت الرابع والعشرين

'♧'🌹'♧'عشق الطوائف'♧'🌹'♧'
'🌸'{عشقني سُنَيَ}'🌸'

♧🌹♤الحلقه-24-♤🌹♧

الكاتبة:- فاطمة علي
🌸لايك+تعليق🌸

.
.

فـاهي اللـيل يمـهم حتـى مابي لـون
ولا بـي طيـف يرهـم عالجـفن رسـمه
ماصـخ مسـتحاهم وآني مالـح طيــب
اليتبده وي غيــري بـروحـي مالمـه
بيها آعــناد روحــي وي الهـوى من يفوت
اذا يثـكل علـيّ لو مــوت مــا شمه

نرمين : اسعد ايام حياتي جانن .. قررت ان احجي البابا عن كل مشاعري اتجاه فارس واعترفله بكولشي .. نزلت جوه ودخلت للاستقبال اباوع بالوجوه كلهم انتبهو عليه وكفت كدام ابوية وكتله ..بابا اريد احجي وياك بفد موضوع ..

هيثم : احجي باباتي اسمعج ..

نرمين : بابا كعد على الكرويته وينتظر احجي احس عركت بحيث المي كمت احس بي ينزل على ضهري من الخوف والارتباك والتوتر ..

هيثم : شبيج بابا احجي احد مضايقج .. كتلج لتضمين عليه شي ..

نرمين : بلعت ريكي من الخوف احس ماكو مي بحلكي حلكي نشف .. شلون راح اكوله .. قلبي كمت اسمع دكاته ..
بابا الموضوع يخصني ويخص .... ويخص فارس .. باوع عليه بأستغراب ..

هيثم : فارس .. شبي فارس كملي ..

نرمين : دخل ليث كعد وامي وتمارة ونرجس وعذراء وزيد ؛، اني واكفه احس رجليه وحده كامت طك بالثانية .. بابا تدري بفارس يحبني و يرديني واني اريد اطلب طلب منك ..

هيثم : اطلبي بنتي غالية والطلب يرخصلج ..

نرمين : مااعرف شلون اكمل ضليت متصنمه كبال ابوية و مدنكه راسي ..

هيثم : اتوقع هذا الموضوع اله ايد بفصخ خطوبتج صح لو اني غلطان ..

نرمين : لا لااا بابا محشوم من الغلط .. بس كلامك صح .. بابا اني مااحب اخون ثقتك بيه .. ولا قبل خنتها ابد ، لذالك اني هسه واكفه كدامكم ودا احجي .. واتمنى تتفهمني ومااريدك تحكم قبل لا تسمع مني ..

.. بابا كل انسان بالحياة يحب ويشوف الحب ويذوق حلوه ومرارته واني ذقت الامرين و فارس اتأذه لذالك اتمنى منك ان توكف وياي مثل ما ساندت ليث من اجه واعترف
بحبه الكم واتنو تلقيتو برحابة صدر صح بالبداية جنتو شبه مموافقين بس بالاخير جمعتو ب يلي يحبها ..

..وعذراء ماما من عرفت بيها تحب زيد هم وكفت وياهه وساندتها وخلتهم يتزوجون .. بس اني وفارس ..

هيثم : افتهم من كلامج ان انتي تحبين فارس مو بس هو يحبج ..

نرمين : باوعت على ليث اشرلي بمعنى لتخافين احجي .. وابتسم بوجهي .. شكد كبر بعيني ليث عيوني دمعت .. رجعت باوعت على ابوية عاكد حواجبه خفت وتلاشى كل الحجي نزلت عيني .. وهزيت براسي بمعنى اي ..