عشق الطوائف( عشقي)

البارت الثالث والعشرين

'♧'🌹'♧'عشق الطوائف'♧'🌹'♧'
'🌸'{عشقني سُنَيَ}'🌸'

♧🌹♤الحلقه-23-♤🌹♧

الكاتبة:- فاطمة علي
🌸لايك+تعليق🌸

.
.

فقدتك

فقدتك يا اعز الناس فقدت الحب والطيبه
وانا من لي في هالدنيا سواك ان طالت الغيبة

رحلت ومن بقى وياي يحس بضحكتي وبكاي
وحتى الجرح في بعدك يغزيني وأهلي به

تصدق قد من حنيت اشوفك في زوايا البيت
واسولف معك عن حزني واحس ان انت تدري به

شسوي بالالم والآه ولكن البقى لله
يصبرني على بعادك وذا حظي وراضي به

.....

نرمين : ثاني يوم ، كعدت الصبح مابيه حيل اتحرك لا اكل ولا شرب من البارحه ، كمت من فراشي بتملل مشيت من كدام المراية ورجعت باوعت بوجهي هاي شصاير بيه انصدمت من منظري .. العيون حمر والداير جوزي و شفايفي يابسه بحيث طالع دم وناشف على شفتي .. باوعت بعدني بملابس الكلية

.. اخذت نفس و غمضت عيني حسيت بعد ماعندي اي قدرة للبجي .. اخذت منشفه وملابسه ورحت للحمام سبحت وطلعت
رجعت نمت مرحت للكلية .. فتحت عيني على صوت امي باوعت الساعه 3 ..
طلعت من الغرفة ومديت راسي من المحجر .. ها يووم ..

سمية : تعالي انزلي خطيبج مهند اجه ..

نرمين : جان كلتيله نايمه .. شهل لزكه هذا ..

سمية : ياااا ؛ شنو هو جوارينه و اكوله نايمه .. بسرررعه بدلي وانزلي ..

نرمين : ماانزل .. دخلت الغرفتي وجاي اتمدد جان تصعدلي امي فتحت الباب و صاحت بيه ..

سمية : انتي شلووون بيج هاااا ..

نرمين : هاي اني يعجبج لو ميعجبج ..كمت وكفت كبالها ..

سمية : لا طبعا ميعجبني .. كدامي ترحين للحمام تغسلين وتجين تبدلين وترتبين و جهج وتنزلين غصب عنج ..

نرمين لا مووو غصب عني و ماانزل مو كولشي تردونه لازم انفذه مو جنتي تردين انخطب هاي ياله انخطبت ..

سمية : انتي شبيج مريضه باعي شصاير بوجهج ..

نرمين : اااااي مريضه مريضه و ماريد انزل .. افتهمتي ما انزل

سمية : ادبسز صايرة جسرة و عينج صلفه
خل يجي ابوج الا اخلي يكسر راسج شلون توكفين بوجهي ..

نرمين : ضحكت بستهزاء هههههه ترى هاي الجسارة تعلمتها منج .. انت معلم واحنه منك نتعلم .. ضربتني راجدي فرت وجهي فر كبل عطت ..

..ايييي بعد اضررربيني بعددد اضربي و كسررري راسي ، انتي اول وحده كسرتي قلبي و مارحتي كلتي الابوية نرمين هم تحب فارس وتريده ..