عشق الطوائف( عشقي)

البارت الخامس عشر

'♧'🌹'♧'عشق الطوائف'♧'🌹'♧'
'🌸'{عشقني سُنَيَ}'🌸'
♧🌹♤الحلقه-15-♤🌹♧
الكاتبة:- فاطمة علي
🌸لايك+تعليق🌸

ملاحظه / كل الاشعار والخواطر الموجوده
بهذا البارت من تأليف نرمين

يا عازف الناي صوت الناي أبكاني ..
أصغيت صوتا حتى زاد من أحزاني ..
ما إن نفخت حتى أوقدت من روحي
لهيبا لجمر ذكرى غفى وما أغفاني ..
يا عازف الناي ما كان لعب الأنامل
على قصب بل كان في شرياني ..
هاجت مواجع شوقي حين أنصت
لصوت قد وقر في الروح وفي وجداني ....
.
.
فارس : نعم قبلت ..قبلت ..قبلت ..واسمع صوت الهلاهل و اني كاعد فجأه جرني حسين وحسيت على نفسي باوعتله بعصبية و نترت بي ..شببببيك ؟؟

حسين : لك عيب وين صفنت العالم تباوع عليك ..

فارس: شفتها بدلة بيضه واكفه كدامي وتبجي

حسين : منية ..

فارس: نرمين

حسين : اشش لك عيب لحد يسمعك ..

فارس : باوعت عليه بحقارة .. العيب من عدنه وبينه خوية ..والله الا اسوي بيكم سوايات محد مسويها بيكم من قبل انه اعلمكم ..عفته ورحت كعدت كامو يباركولي انه بس اهز براسي احترامً للكاعدين ..شوية وصاحو جيبو العريس خل يلبس الذهب

..كمت واحس البيت كاعد يتهدم فوك راسي والكاع تتفطر امشي خطوه وارجع خطوتين ..دخلت للاستقبال جانت هوسه وكلشي مااتذكر من هذا اليوم احسها جانت ظلللممه واصواتهم بعيده والكاع تفتر بية ..استغفر الله واتوب اليه ،،مااعرف ولا اتذكر شسويت ..بس كل شوية اشوف نرمين تفتر كدامي بنفنوف ابيض وشعرها اسود محلول و تبجي ..

.. درت وجهي شفت نرمين كاعده بصفي مو العروس ابتسمت الها اخذو النه صورة على هاي الوضعية ..وهاي الصورة شفتها عدهم شلون اباوعلها بنظرة حب ومبتسم من كل قلبي عبالهم على العروس
عفتهم وكمت رحت يم الزلم ..اختنكت اريد بس اطلع

..اهلها مقبلو نطلع الا نتعشه ..اباوع عليهم كلهم كاعدين ياكلو والمفطح كدامهم ..احس اختنكت بعد اكثر ولعبت نفسي من الكل .. شيخلص هل يوم كمت طلعت برة ..اباوع على بيتهم نفس بيتنه وعدهم حلال وبساتين ..اي يفارس بس هاي التعيش وياك متلوكلك بت بغداد

..اتعشو وشربو جاي وطلعنه انه كاعد على اعصابي ..وصلنه للكوت بتعب واجهاد الطريق كله اتخايل نرمين كدام عيني
..اول واحد نزلت من السيارة وفتحت قميصي وهجيت بالبساتين.....

نرمين: اليوم خطوبته راح يكعد يمها ويلبسها الذذهب ويلزم ايدها .. الخوف سيطر عليه وماكدرت اوكف بوجهه ابوية واكوله اني احب فارس واريد اتزوجه

..نعم انا هو القدر و فرقت بين قلبين محبين
حدثت كل تلك المشاكل بسبب امرأة حكم عليها
ان تبكي و تنحب ..اصبح منوال حياتها قذف
الدموع والأاهات ، ووجع القلب ..بسبب حكم الاهل
بسبب المعيشه والبيئة وبسبب العادات والتقاليد
راح ضحيتها حب كبر و عُمِر بقلب طفله مراهقه
عشقت رجلاً كان امانها الوحيد و ملجئها
بعد ضياع وخوف التجأت لحظنه ليواسيها
و ينسيها ما عاشته منذ طفولتها
احست بوجودها وبقيمتها من خلال حبها
ليس لغرض شهواني انما لغرض حب
ووالف بين قلبين ها هو الشيء الاساسي انها علمت
من وقع بحبها لم يحبها للأساءه مثل ماكانت
تتصور ان كل من حولها ذئاب تنهش بلحمها وجسدها
انا تلك الشابه نرمين التي نما بقلبها حب عاشقاً ولهان
بعد ان ايقنت ان ذالك الشاب الذي يدعا فارس يحميها ويكون لها اسد ..اجل اسد يفترس كل من يؤذيها
رف قلبها بعد ان اصابه الخمود
لكن هيهات لحكم القدر والف هيهات لحكم القوي على الضعيف
تحطم قلبان من اقرب الناس اليهم انا امي وابي الذي حطم فؤادي .. و هو اخيه وامه وزوجة اخية .......
كلمات نرمين التي نبعت من قلبها المحطم ...