عشق الطوائف( عشقي)

البارت السادس

'♧'🌹'♧'عشق الطوائف'♧'🌹'♧'
'🌸'{عشقي}'🌸'

♧🌹♤الحلقه-6-♤🌹♧

الكاتبة:- فاطمة علي
🌸لايك+تعليق🌸

انا عيوني تسولف عالغرام ويّــاك
ومن عيوني أعرفك تفتهم قصدي
ما أحب الوكت لو خلص بلــيّاك

بالقرأن محد حبك بگـــــدي
وإذا تنساني صدگ آني ما آنساك
لأنْ غيرك محب بالدنيا ماعندي

 ****

يدك براس حبك يزغيرون
وآحن لحرورتك حنين النوك
حقي ارتبك ووگوع من أﻻگيـك
رمش عينك يفهي العدهن الطلوك

الشمس شتعودلك شويچوي ملكاك
دفؤ زنودك على المستبرد يلوك
حايط بابكم معذور إذا طاح
الله يساعده بكل لحظه مدگوك

*****
نرمين : فتت من يمه جان يكولي اروح فدووة للفراسم ، درت وجهي عليه و كاليتله بعصبية ، شايفني هايشه كدامك شو انت متستحي

فارس : من جمالهن سميتهن فراسم

نرمين : شهل غزل الحيواني ، حقك عيني اذا انت كضيت عمرك نصه بين الهوايش حقك تتغزل هيج، رفع حاجبه وباوعلي بطرف عينه واشر على روحه

فارس : انه ، تقصدين انه عقلي حيواني ، اشكرج

نرمين : خزرته ومشيت ضليت ادردم عليه شفت زهراء رحت عليها وحيل كرصتها وعضيتها

زهراء : اوووووي ، شبيج

نرمين : اني مو كتلج ابقي بالباب واكفه شفتي شلون فارس طب عليه واني دا ابدل

زهراء : واني شمدريني راح يطب للغرفة امي صاحتني ورحت الها 

نرمين : لازم تنتبهين منا وجاي فشلتيني الله يفشلج

زهراء : والله العظيم الزلم كله برة معبالي راح واحد منهم يدخل من طاح حظج على هاي الكرصه والعظه ياجلبه

نرمين : اسكتي لايجي النعال طاير ،، من وراج بعد مااطلع كدامه ، انوب يكولي فراسم ، وانت جنك فراسم سود مو بيض محتركات انوب لابس اسود مفحم ، شايف روحه شوفه

زهراء : الا اكله عليج ،يل ما تستحين تحجين على ابن عمتي فارس ابو سمرة محبوب الديرة ، معجوون بدمه ابن الملحه

نرمين : شنو تحبي ودتتغزلين بي ؟؟اله اكوله زهراء معجبه بيك ولهانه بيييك -بقلبي- لو اموت بعد مااشوفه وجهي اووف ياربي كل مواقفي ويا تخزي وتفشل من يوم الشفته

..صارت الساعه ب 1بليل كمنه نفرش بالفراشات البنات بغرفة والولد بغرفة متوزعين بالغرف ، تمددت على الفراش جنت نايمه بصف الشباك فتحت البرده وباوعت للقمر كامل مكمل يخبببل والنجوم تجنن كلت خل اطلع شوية اشتم هوى هو احنه هل يومين راجعين للبيت وهاي الطبيعه انحرم منها