عشق الطوائف( عشقي)

البارت العشرين

'♧'🌹'♧'عشق الطوائف'♧'🌹'♧'
'🌸'{عشقني سُنَيَ}'🌸'
♧🌹♤الحلقه-20-♤🌹♧
الكاتبة:- فاطمة علي
🌸لايك+تعليق🌸

.
.

سمية : ها خوية شصاير وشبيهم الزلم جوه ..

العم : هذا جعفر ابن اخويي عامر نهى على عذراء ..

عذراء : شنووو جعفر ينهي عليه ليش هو منو بأي حق بكيفه هو شنوووو  ..

نرمين : عذراء اسكتي هسه ابوية وليث يحلوها ..

جعفر : اني ابن عمها  و رايدها لان اني اولى بيها من الغريب ..

هيثم : جعفرررر اللزم السانك واحترم نفسك والبيت الكاعد بي لا اكوملك بالقندرة على حلكك ..

ابو جعفر : هيثم الولد يحجي الحك  احنه ماردنه ندخل لان انت ابوها بس ابني من سمع رادها ..وانه اليوم جاي اطلبها منك واذا ماطيتها النه هسه ينهي عليها وتخلص السالفة..

هيثم : شنو بكيفكم هي السالفة هيته .. بنتي واني حر بيها انطيها لليعجبني

جعفر : بس اني احبها و رايدها شنو تنطيها الابن خالتها ..

هيثم : سيد كوم اعقد هذا حجي فارغ ..

نرمين : صارت هوسة بالاستقبال وكلها تحجي .. عذراء موتت روحها من البجي لان تدري بجعفر يحبها بس هي متحبه تحب زيد ..

ابو مؤيد : تكدر تلغيها وهم بعدهم معاقدين ليش لحمنه يروح الغيرنه ..

هيثم : اني رجال وعندي كلمه وحده متثنه .. واني انطيت كلمتي للعالم  مااتراجع عنها افتهمو اني مو جاهل
وماعندي كلمه ثابتة ، هو نصيب وما صار شنو هسه تفطنتو والسيد كايم يعقد للبنية ..

نرمين : امي وخالاتي يسكتن بعذراء .. عاد ابوية طب وي السيد وزيد كلنه ضلينه بوضع الصامت والصدمه ..

سمية : ها هيثم شنو هسه ..

هيثم : خيولون يحجون بكيفهم .. كومي بابا عذراء امسحي دموعج ماعاش الي يقهر بناتي واني عايش .. تعالي وياي سمية ام زيد .. تفضل سيد 

نرمين : ابوية كوم عذراء وخلو البرنص على راسها باسها من راسها ومسح دموعها اني وامي وخواتي كمنه نبجي متحملنه

..ابوية اخذ عذراء وامي وام زيد ودخلهم للغرفة مالته
بده السيد يعقد احنه واكفين ورى الباب لان يكولون ميصير البنية تسمع العقد

.. صل على محمد اخر شي وكاللهم مبروك
..صارت هلاهل بالبيت وهوسات بحيث من الفرح متملكت نفسي عيني دمعت

..ابوية اخذ السيد وطلع ..شفت عذراء و زيد واحد واكف كدام الثاني هو باسها من راسها واديها ..وكاللها

زيد : ها شكلتج اخذج اخذج .. حبيبتي اروح فدوة لعيونج الحلوات ..

نرمين : كبل اتخيلت نفسي اني وفارس معقولة يجي يوم و نوكف هاي الوكفه لا مستحيل ما اصدك .. خلصنه الحفله على خير ومضت بسلامه .. بس عمامي زعلو ويه ابوية لان مرضى بكلامهم بس هو مزعل ..