عشق الطوائف( عشقي)

البارت الثاني عشر

'♧'🌹'♧'عشق الطوائف'♧'🌹'♧'
'🌸'{عشقني سُنَيَ}'🌸'

♧🌹♤الحلقه-12-♤🌹♧

الكاتبة:- فاطمة علي
🌸لايك+تعليق🌸

بديت اشتاقلك يومية واحتار
واذا مايووم اسمع صوتك احزن
جبت كلبي بيدي كربته للنار
وليش بنار حبك كلبي أمن
أخاف اعيوني من الشوك تنهار
وخايف لا يجيهن يوم يبجن
ويدمع اعيوني ينزل مو دمع نار
وكل دمعه شهر من توكع اصفن

.
.
نرمين : شنووو فارس خطبني ..نصدمت وفتحت عيوني وحلكي على كلام امي .. ماما انتي شكاعد تحجين صدوك فارس خطبني من بابا

الام : اي خطبج البارحه بس يايمه مستحيل اقبل تعيشين هنا المهم هسه منحجي بهذا الموضوع احنه اليوم راح نرجع للبيت ونسولف يالله ابدي لمي غراضج مو مثل كل مرة تنسين كم شغلة

نرمين : امي عافتني وراحت واني كعدت بالكاع معقولة فارس خلاني كدام الامر الواقع ..لا مستحيل اوووف ياربي ليش هيج صار ..كمت الم بغراضنه ودموعي عشرة عشرة ..فجأه انفتح الباب درت وجهي شفته فارس باوعت عليه وكتله ..ليش هيج سويت

فارس: لج لا تبجي اروح فدووة لدموعج كافي ..جان لازم هيج اسوي ومن زمان لج صارلي سنين انتظر انه احبج وانتي تحبيني بعد شنو المانع .. ويجي يوم وتكليلي احبك ..

نرمين : اتقربت عليه وكفت كباله ..واذا موافقو

فارس : احارب واخذج ومو زلمه اذا مااخذتج انتي الي وماتصيرين الغيري بس اذا الله سبحانه مارادنه ننجمع بعد هاي بيد الله مو بيدي بس خليها بالج اضل احبج الاخر نفس بيه

نرمين : اباوع عليه وهو يحجي وعيونه تلمع احسه يريد يبجي ..ردت احظنه وهو واكف كبالي لان حسيت حظنه الوحيد الي يحسسني بالامان ..ان شاء الله مانفترگ ياغالي
..طلع من الغرفة مسحت دموعي بس احس مختنكه مااعرف شسوي ..للعصر رجعنه للبيت ..

..بعد كلام فارس البابا رجعت للبيت واني الخوف متملكني من رأيي بابا وكلام ماما ورفضها ..ضليت ايام بغرفتي حتى اكلي فوك مااشوف اي احد ضليت اتگرضم ..دك مبايلي كمزت باوعت شفت عمتي اللهام ادك عليه عرفته هذا فارس ..رديت بكل خوف .. فارس ليش هيج سويت حتى اكل مدا اكل ويه اهلي مااكدر اخاف اواجه ابوية ..

فارس : ليش خايفه حبيبتي اطمني اول وتالي اتصيرين اليه
اوووف شوكت يجي هذا اليوم والكاج بحظني حلم ويتحقق
اضمج بين ضلوعي

نرمين : فارس انت وين واني وين اسكت ..سمعت صياح جوه
..فارس بعدين نتخابر مدري شصاير جوه باي