عشق الطوائف( عشقي)

هام عن القصه

السلام عليكم

طبعاً كمية التعليقات والتناقض صايره شي مو طبيعي
الي تكول واذا هددوج ترى صور عادية ؟؟؟
يعني انتن بنات وخلن روحجن بمكانها شسوون لو هي بس حجي
لسان

جربي بس ولو لمره وتخيلن نفسجن بمكان نرمين وتشوفن هيج صور
مباشرتاً تضحكن وتكولن يله عادي خل اروح اشوفهن البابا هو يحلها
لو راح تخافن نفس خوف نرمين
بالنسبه النرمين تصرفها صح جان متسرع بس حقها لان
مجان عدها ابد وقت للتفكير
ماكو ام تريد الشي الموزين الابنها  وامها جدا احترمها
واحيها على تربيتها البناتها
صح هي داركت الموضوع بوقت جدا متأخر بس هذا كله كاتبه
الهم رب العالمين محد يكدر يوكف بوجه الكاتبه الله سبحانه
ولا احد يكدر يغير القدر او الطريق الي رسمه اله
الله سبحانه

ابوها نعمه الاب الحنون والسند البناته
انتو تكولون سمية مسيطره على هيثم بس الحقيقه هي ان هم متفاهمين
وبيناتهم احترام بشكل مو طبيعي
ليش عدنه الرجل الشرقي اذا يشاور زوجته بأمور حياته
يكون مو رجال
وليش عدنها الرجل الي يضرب زوجته ويهينها وميسمع الها كلمه
هذا رجال
شهل مجتمع الجاهل هذا مع احترامي الكم
ماكو امام او نبي فد يوم ضرب زوجته او اذاها بكلمه

نرمين محجتلي عن اهلها بداية القصه
بدت من عمر وزواجه بي
ان هي متزوجه شخص سني لذالك سميت القصه بعشق الطوائف
احتضنت الرواية اكثر من طائفه
واكبر طائفتين الي هي السني والشيعي

بعدها شفت اكو خوف عدها و شخصيتها مو ذيج الشخصية القوية
ومن سألتها جاوبتني بأسم وسام الحقيقي
بدت تحجيلي عن معانتها مع وسام وشلون جان يتحرش بيها
وبعدها كتلها محبيتي
جاوبتني بأسم فارس ، رغم ادموعها وهي تحجي
ودزلي الرسائل وشلون تتذكر كل الموقف
من ذكرت فارس حسيتها راح الحزن البداخلها
من بدت تحجيلي قصتها واني انقلها الكم بالجزء الاول
وهي تكول اني نقلت قصتي علمود اعرف شنو الصح من الغلط
واطلع من الحزن الي بداخلي
ومن بديت انقلها واسردها وهي تقرها بدت اتكولي فاطمة اني شكد جنت ماافتهم
اني شسويت بنفسي اني ليش هيج جنت هلكد اخاف اتمنى هسه
اني بهذا عقلي بهذاك الوقت اتمنى يرجع الماضي
واوكف بوجه اكبر واحد واحارب علمود الانسان الي احبه ويحبني

يعني بالبارت القبله تكولون حقها تسوي هيج بعمر ويستاهل وخليها تبقى ويه فارس
وهذا البارت لا مو حقها وخطية عمر وبنهاية البارت كلكم حجيتوا على نرمين
و اليوم اتراسلني وتبجي وتكولي فاطمة اني نقلت قصتي
علمود افضفض وارتاح وتالي هيج يصير
شنو هل تناقض الانتو بي

طبعاً اني حجيت هيج لان محد يعرف الحد الان شنو نهاية القصه
وليش نرمين طلبت مني اكتبها بهذا النمط
محد مدا يعرف نرمين شنو الي دتعاني منه حالياً بس بنهاية الرواية راح تعرفون
وكلكم راح تخلون الحق وياهه

اني حجيت هذا الحجي هسه لان نرمين راسلتني وطلبت مني اختم القصه
هي من كتبتلي مشاعرها والي تحس بي رادت تساعدوها مو توكف ضدها
هي تعترف ان السوته بالسنين الماضية غلط بس شي راح وانتهى
الي نقلته خلال البارتات الفاتت كلها مرت بيها خلال ٢٠١٧
فترة سنه وحده

اني راضية وهي هم كذالك تنتقدوها بس انتو نفسكم
كمتوا تناقضون نفسكم
هي مشاعرها بفتره صارت جدا مخربطه
هي تحب عمر وتقده وتحترمه ومخانته ابد لا بمشاعرها ولا بحبها اله
بس السوى عمر محد بينا تتحمله ان يوكف ضدها وهي بنصهم وحيده
ماعدها احد يدافع عنها

ردت انزل سكرينات المحادثه نرمين بس بيها
كلام نهاية الرواية لذالك انزله من اخلص الرواية
لذالك قررت ان اختصر الرواية واختمها .........

اتمنى تتقبلون كلامي بكل رحابة صدر
احبكم الكاتبه فاطمة علي ....