عشق الطوائف( عشقي)

البارت الثامن والعشرين

♧'🌹'♧'عشق الطوائف'♧'🌹'♧'
'🌸'{عشقني سُنَيَ}'🌸'
الموسم الثاني
♧🌹♤الحلقه-3-♤🌹♧
الكاتبة:- فاطمة علي
🌸لايك+تعليق🌸

.
.
نرمين: شفت فرحت عمر متنوصف وهو يكمز و كوه لازم نفسه يريد يجي يحظني
، كافي يمعود فضحتنه ياله اني اروح عندي محاظرة

عمر : نرمين

نرمين : ها ...
عمر : ورى المحاظرة اكدر اشوفج

نرمين : اي ليش لا ، ياله باي

عمر : باي ، راحت و عيني عليها معقوله راح تصير الي ، لزمت قلبي احسه راح يطلع من مكانه هلكد ينبض ، ضليت كاعد ساعه ونص الحد لما خلصت طلعت تتمشى هي وصديقتها عبالك دتمشي على قلبي كل خطوه اتجاهي قلبي يرف عليها رف ، كمت من مكاني ورحت اتجاهن ، ها هلو

نرمين : ههههه هلاوات ، شو بعدك بمكانك ...

عمر : لعد وين ترديني اروح ...
نرمين : مدخلت للمحاظرة مالتك

عمر : لج يامحاظرة هو اني بعد عندي رجلين تشيلني لو قلب يعيني اوكف على حيلي ...

سما : ههههه ، ولج شسويتي بالولد ..

نرمين : والله ماسويت شي بس وافقت على عرض الزواج وبس....

سما :و دا كووول شبي متخبل واجه علينه متلهف ، عمي بالعافية عليك ، نرومه ونعم التربية اختيارك بمحله ....

عمر : تدرون اني امي داعيتلي بليلة القدر ، لان حظيت بوحده مثل نرمين ، ما مصدك شوكت ارجع للبيت واكول الاهلي

نرمين : ترى راح انغر بهذا كلامكم ، هههههه ...

سما : يله عينياني اترخص، جنكم طيور حب فديتكم والله يحرسكم من العين ..باي

نرمين : وين رايحه .؟

عمر : الله وياج ، الله وياج ، بس رووحي..

سما : هههههه ولك بعد بالبداية وطردتني ..

عمر : باع اللزكه شلون بيها ...

سما : ترى ابقى هاااا... باوع عليه عمر بخزه كبل كتله ، عمي لاتخزر رايحه رايحة باااي
ههههه مخابيل ...

عمر : اي وووين جنه ...

نرمين : وين ؟

عمر : ارووووح فدوووة للخجلانه ، امشي نروح للكافتريا ..

نرمين : ok.. اتمشنه للكوفي جان الصمت سيد الموقف ، دخلنه و صلنه للميز ، كعدنه ، واحد يباوع على الثاني ، وبأرتباك وازل عيني وارجع ارفعها وهو بعده صافن عليه ، كبل قطع الصمت وكال ...

عمر : اني اريد اعرفج عن نفسي من جد وجديد اريد اتعرفين عني كولشي ،...

نرمين : تفضل اسمع، كلي اذان صاغية ...