عشق الطوائف( عشقي)

البارت التاسع والاربعين

♧'🌹'♧'عشق الطوائف'♧'🌹'♧'
'🌸'{عشقني سُنَيَ}'🌸'
الموسم الثاني
قدري
♧🌹♤الحلقه-24-♤🌹♧
الكاتبة:- فاطمة علي
🌸لايك+تعليق🌸

شما تبتعد عني الكه الوطن غالي
مشابكنه وحجينه وطيفنه وطرواك
ذن كلهن شلتهن حته من بالي
المسامر والجكاير عيشني بطيف
شثكلهن والدموع تسولف بحالي
افوت بنص المكاعد
واشوفك ضيم ومواعد
علي كتلي السهر وياك ماابدله
وحكك كلشي بيك يسولفه الدله
حته بعشرتك دولبت
والناي سولف من غبت
السوالف والمحنه شبيها من تختاض
تطير الطير نايم ونت لونك فاض

.
.

نرمين : كمت ابجي واشهك و الذكريات كلها كدامي ، عمتي كبل عاطت ...

هجران : انتي صدك تحجين ، ولج وين شافج هو ، معقوله وسام يسوي هيج...

نرمين : عمه وداعت امي وابوية وداعت ابني هيج سوى وهسه لازكلي وكل فتره ياخابر عليه
اني عايشه خير من الله مااريد كل هذا ، اني لوما اعز سماره جان مخابرتج ولا كتلج ...

هجران : لاتجذبين شوفي شعدج ويا وهيج حجيتي عليه وسام مستحيل ايسويها ...

نرمين : والله ياعمتي قتل براءتي وانهى طفولتي بحركاته ومضايقاته اليه كل ماجنت اجيكم
وجنت كل مره تنقلوني مستشفى او اصخن لان هو جان يهددني اذا كلت الاحد
يذبح امي وابوية استغلني لان جنت طفله ويضحك عليه بهذا الحجي واني جنت اصدكه واسكت ، جان مستغلني الشهواته وملذاته ، عمه وداعت ابني وسام هيج سوى وياي
، وهسه مجلب كل يوم يدك عليه من رقمج اتخيلي يكولي اطلگي واكتب بيت بأسمج وابنج يبقى بحظن المهم نتزوج ...

هجران : يممه سووده بوجهي اذا صدك هذا الحجي ...

نرمين : عمه هسه اني ماريد اتسوين شي بس تبعدي عني وعن عائلتي ويبطل يهددني كل مايخابر ويبطل اصلا ايدك عليه واتمنى تصدكيني وتوكفين وياي ، لان اني ماريد يصير دم بيناتنه مهما كان هو زوج بت عمتي ومستحيل أأذي سماره لو اطفالها ..

هجران : ماشي اني اشوف هذا الموضوع شنو وارجع اخابرج ، الله وياج ...

نرمين : ماشي عمه ، الله وياج سدته واتمنى صدكتني بس مبينه من كلامها مصدكتني
بهاي اللحظه اخذت نفس واحس هم وانزاح عن قلبي وارتاحيت راحه مو طبيعية ، بقت هسه بس تمارة وهاي الها گعده ثانية واخذ حقي من كل واحد اذني وانتقم منهم شر انتقام
الأول مره بحياتي احس براحه موووطبيعية وقوة عظيمة ...

... نزلت جوه واني ابتسم وفرحانه وادعي بقلبي ان عمتي ان شاء الله صدكتني
، اخذت ياس واللعب ويا دخل عمي و عمر للبيت سلموا علينه وعمر اجه باسني براسي
هلا بيك حبيبي ...