عشق الطوائف( عشقي)

دردشه

السلام عليكم

هووواي اسئله أجني بخصوص الجزء الثاني لقصة عشق الطوائف

س/ست فاطمة مو هواي شهر ونص ياله تنزلين الجزء الثاني ؟

جوابي 🎶😴لا موهواي أولا اكو كاتبات من يردن ينزلن جزء ثاني للقصة يأخذن اكثر من تلث اشهر
بس أني مستحيل اخليكم تنتظرون هلكد ولا أني اكدر اصبر بدون كتابه و الإشعارات اليومية من الواتباد على القصه
لذالك اصبرو عليه كم سبوع لان والله لوما العملية فاني استمر وياكم على أساس الأسبوع هذا أسويها بس تاجلت للأسبوع الجاي
وأول شئ منعوني منه هو التلفون

س/ فطوم فارس انتهى من القصه أو بعد ما اله دور بالجزء الثاني ؟

جوابي😁🎶فارس باقي ويتمدد بالقصة صح راح يقل ذكره بالقصة بس راح يكون اله كم دور
بالجزء الثاني لان أستاذ مجنون فارس باشا علا بتي ☺️كل مااشوفه اتذكر فارس
المهم فارس مستحيل يتخلى عن حبه النرمين
لان من صدوك مجنون ....

س/ليش سميتيها عشق الطوائف و رابطة وياهم اسم بين قوسين سني ؟

جوابي😌👌نجي على اول طائفه دخلت القصه وهي تمارة زوجة ليث طبعا أني اختصرت
مشاكلهم وخليتها كلهن بارت واحد لان يكفي
بجي نرمين و هموم فارس

ثانيا/لان أني مجنت متوقعه اسوي جزء ثاني بالقصة بس الظروف
بعض الأحيان تحكم سميتها ب عشقني سني عبالي راح أنهيها
بدون جزء ثاني هنا راح تنتقل القصه من مرحله وراح آخذكم المرحلة تختلف عن الجزء الأول
راح يدخل بيها سنة وشيعه ومشاكل طائفتين كبيرتين بالعراق
ويحتاجها دراسه وتفكير قبل النشر لان أي كلمة غلط مرجوعها عليه
وعلى ابطال القصه ....

ماريد اوضح اكثر من ذالك بس هذا الي ذكرته علمود يوضح الكم بعض التساؤلات
البارحة راسلتني نرمين وبدت تكتب مقتطفات دخلت بدوامه طائفية بشكل مو طبيعي بحيث أني صفنت على كلامها
أتمنى تتفهمون موقف نرمين بالجزء الثاني و مثل موضحت الكم
شخصيتها جدا مهزوزه وخوافه بشكل مو طبيعي

من كتبتلي قصتها توقفت الحد اعتراف عمر بحبه الها مثل نهاية الجزء الأول
فكالت أني اريد انشر القصه مالتي لان اريد احد ينصحني للطريق الصحيح
لان أني نفسي ماعرف شريد فبدت تكتب عن حب فارس الها
بعدين كتبت بس عفته مدة مابين السبعة إلى ثمن سنين
كتلها ليش بدت تذكر وسام وتبجي وتكلي كافي بعد ماريد اكمل اختنقت
المهم بألف ياعلي ياله كملت بارتات وسام
اتصدكون اكو شئ مذاكرته , هسه كالتالي عليه ان وسام انتقل ب 2012البغداد
قريب على بيت نرمين كله في سبيل دائما يشوفها وقوى علاقته بأهلها بشكل فضيع

أتمنى وصلت الفكرة انتظروني بالشهر 12 بعدني محدده اليوم بالضبط
بس أحدده انزل مقتطفات من الجزء الأول
ومقتطفات من الجزء الثاني مع صور لابطال جدد

سؤال عن قصه ثانية وهي قصه عيون النار
هواي سألوني شوكت تنزل

القصه هاي نشرت مقتطف عنها بس بعدني ممفكره شوكت انزلها
لان قصه تخص داعش يعني بنية عاشت ضيم بضيم بين أيادي داعش
وبيها تخص الشهداء الي راحو بالحشد والجيش راح تكون مشاعر بيها مختلطه

بين الحب والحرب قصه تختلف جذريا عن قصص داعش قريت كم قصه كلت خاف تشبه ألقصه الي راح انزلها
شفت الكاتبات مسويات داعش بينهم وبين السبايا قيس وليلى و مبينات صوره عن داعش
كولش حلوه بحيث تعليقات البنات أكثريتها كامن يتمنن داعش يرجع في سبيل
يرحن يجاهدن وياهم وهن ميعرفن نجاسة داعش

طبعا البنية دتنقلي بالقصة واني حيل منجذبة الها وأتمنى قصة عيون النار توصل الأكبر عدد ممكن
علمود العالم تشوف جزء من بشاعة داعش الإرهابي
البنية اصلها من الرمادي وتحجي هم لهجة أهل الأنبار لكن ساكنه بديالى

القصه هي الفرق بين مجاهدي الحق و مجاهدي الباطل
أتمنى وصلت الفكرة....

🎶😴
الخميس 24/10/2019
3:54
الكاتبة : فاطمة علي 💕❤️💕