الكاتبة🌺 فاطمة علي....
تكملة الرابع ❤️.....
نرمين : جان اسعد يوم بحياتي ابني بحظني وحبيبي يمي ، نزلت شفت ماما كاعده
رحت بست ايدها وكتلها ،اني اسفه ماما لان البارحة عيطت عليج ،
بس اني ام ...
سمية: واني هم ام ، ومن اشوفج هيج اتأذه عليج ، بس من نطيتهم الولد معرفت شسوي
اجو بالباب ويتهاددون علينه وابوج وليث جانو هستوهم طالعين ويه طلعت بيت
خالتج ام زيد ، وهذا عمج جان شايل سلاح علينه واني مره
ماعندي اي حيله وزلم ماكو بالبيت ...
...خفت ليسوي شي ، ويصيح بنص المنطقة
بتكم كح...وسا...لان جانت مصاحبه وهي على ذمة ابني ، كتله حجي هاكم ابنكم
ولا تتهمون عرضنه بالعيب ، واني كلت هذا الحجي الابوج وهسه راح يسوون كعده وياهم
شلون هيج يحجون ويعيطون بنص الشارع وجابو شرفنه بالنص ،
وغير يايمه العالم مترحم
اذا سمعت هل حجي يصدكون لان انتي رجعتي مطلقه وهسه اختج راجه هم
مطلقه والعالم الهم الظاهر حتى لو يعرفوج حق المعرفه هم راح يطعنون بيج ....
...واني كولشي ولا واحد يطعن بيجن وبشرفج ، لهذا شلت الولد وانطيته واعرف القانون وياج
انطيح حظهم وناخذه منهم اذا جلبو بي ، واني لان كمتي تعيطين حجيت هذا الحجي
وضوجتج بكلامي ، كومي يمهرتبي روحج باجر حنتج وافرحي ، لان محد يفيد ابد
شيلي هل حزن الي بعيونج راح تاخذين التحبي بعد شتردين ...
نرمين : هههههه ، فدوة القلبج ماما ، بستها من ايدها ، كمت فارس وعذراء ونرجس واكفين
ويبتسمون ...
نرجس : يللله باجر عدنه عرس وانتو كاعدين ، وكلللوووووش وفرحنه واليحبنه يفرح ويااانه ، وككللللوووشش ، وفروسي الزين ياتين البساتين ونرومه تكول مابدله بملايين ...
نرمين : هههههه ولج كافي فضحتينه شهل هلاهل الفضيحه ، هههههه...
فارس : عوفيها ولج يله خل نهوس اني وياج عيدي هاي مال تين البساتين ...
نرجس : صوتي راح قابل بلاش ...
فارس : لج دهوسيلنه هسه وتدللين ، ام فليس ...
نرجس : صحت البنات وعماتي اجن وكتلهم يله ردو وراي ، وفارس ويانه يهوس
، فرووسي الزين ياتين البساتين ونروومه تكوول مابدله بملااييين ، وهذا لعبنه ولاتكول استهتار وهذا لعبنه ولاتكول استهتار ، وكلللوووووششش...
نرمين : وكفت واباوع عليهم شلون يهوسون ، بالعباس فارس استخف ههههههه ،
يهوس ويه البنات وهن يهلهلن گلبن البيت گلاب كله من نرجس ام اللسان ههههه ،
الجهال يهوسون بالنص فارس شال ياس ويهوس بي ، الله ليحرمني من هيج افراح
وهي جمعه ....
........يوم الحنه
نرمين : كملت مكياج لبست بدله لون وردي تجننن ، ارداناتها توور وكلها تلمع ، سولي تسرحه بسيطه رفعوا شعري كله ، ونرجس ودنيا يرحن ويجن يهلهلن دخلت سما وطكتها هلهوله
خلتهن يلتمن ...
أنت تقرأ
عشق الطوائف( عشقي)
ChickLitقصة عشق الطوائف { عشقي}🌷 الكاتبة:- فاطمة علي أبـحـث عـنــكِ عــن ملامـحكِ بســمتـكِ صـــــوتـكِ بيـن أنيـــــن العـاشقين وشــوقهـم فى مـدحهـم ... غـزلهم .. نبضهـم أبحـث عـنــك بيـن الـعـبـــــــــــارات و الـهـمســات و في كل الـروايــات أبحث عنكِ...
