عشق الطوائف( عشقي)

البارت الواحد والخمسين

♧'🌹'♧'عشق الطوائف'♧'🌹'♧'
'🌸'{عشقني سُنَيَ}'🌸'
الموسم الثاني
قدري
♧🌹♤الحلقه-26-♤🌹♧
الكاتبة:- فاطمة علي
🌸لايك+تعليق🌸

نرمين : هجم عليه وجرني من شعري وين اليوجعني ضربني عمتي والبنات يردون يفكوني من ايده اتخبل هذا مو عمر هذا وحش مو هذا الحبني و عارك اهله علمودي ، حسيت بوجع مو طبيعي بطي صار وشي نزل مني عمتي تضرب بي واسمعها اتكوله ...

حنان : انعل ابوك يابو الخلفك ولك البنية كامت تنزف ، وخرررر منهاااا ....

نرمين : ضربني براسي بفدشي بوقتها بعد ماحسيت على شي ...

ميار : خابرت على خواني جانو طالعين بره بالمنطقه ، اجو يركضون ، عمر راح يموت نرمين الحكوووو ...

نرمين : مااعرف شكد مر من الوقت بس صحيت واني بالمستشفى ، فتحت عيني احس
بطني تأذيني بعدها بس الوجع اخف ، فتحت عيني عمتي فوك راسي تبجي وميار وهيا وياهه ، وعمر ليغاد واكف ، اني وين ...

حنان : انتي بالمستشفى ...

نرمين : شصار وياي ، لزمت بطني احس بطني منخفظه مو هذاك الارتفاع مال خمس اشهر ، ليش هيج بطني شصار وياي احجو ، احجي بالكوه ...

حنان : انتي بس كومي بالسلامه يمه اهم شي سلامتج ...

نرمين : عمه كوليلي شبيه ، ورجعت نمت ، ورها بكم ساعه صحيت وكعدت بس مااكدر ارفع راسي وكل شويه الزم بطني ماريد اتخايل ان اني ممكن خسرت اطفالي ، اجت الدكتورة ،دكتورة ليش هيج بطني نزلت ...

الدكتورة : بنتي كولشي بالقسمه ، وانتي هذوله الجهال ممقسومين الج ، المهم صحتج حبيبتي انتي بعدج بعز شبابج وصغيره وتعوضيهم ، الحمدلله على سلامتج ...

نرمين : لالا لتكوووليها دكتوووره لااااا ، خليت ايدي على وجهي و كمت ابجي ، باوعت العمتي عمه كولي جذب جهالي بعدهم زين واحد بيهم معقوله خسرتهم ثنينهم ، اااااااا ،
ضربوني ابر مهدئه ومنوم رجعت نمت ، بهل فتره مجنت اعرف نفسي اني كم يوم بالمستشفى نت مقطوع والشوارع مسدوده ، حسيت بيهم شالوني وخلوني بكرسي متحرك ،
وصلت للسياره حتى مااكدر اشيل رجل او ايد هلكد ماضربوني مهدئات لان كل مااكعد من النوم اضل اعيط وابجي ..

... وصلنه للبيت تمددت بغرفة البنات جانت حالتي يرثى لها ، المغذي بعده بيدي سألت البنات صارلي شكد بالمستشفى عرفت صارلي يومين وهذا اليوم الثالث كل هذا اهلي ميعرفون شبيه ويخابرون على عمر ويكولهم نايمه لو طالعه ويه امي للسوگ ، اريد اطلع من بيتهم ، اجت ميار يمي، ميار ممكن اطلب منج طلب ..
ميار : اطلبي حبيبتي ...