عشق الطوائف( عشقي)

تكملة البارت ال11

مادري البارت ناشرته نصه اعتذر على هل خطأ ...

نرمين : الخوف خيم عليه بس ويه فارس راح الخوف .. ردت اكوله لتروح وتعوفني بهذا اليوم عرفت ان فارس الامان الحقيقي اليه من كولش ..بعد ابد مطلعت للمطبخ الثاني حبست روحي يم امي رجعت يم امي ومن يجي فارس يالله اتحرك كدام عينه وسام اسمع صوته بالبيت واني الخوف يتملكني

..خلصن بسرعه هل اربعة ايام ورجعنه البغداد ..خلص محرم وصفر واجت فرحة الزهراء جان عرس حوراء اخت فارس
رحنه بيوم الحنه طلعنه الفجر وصلنه جان البيت مخبوص خبص كله نسوان وادور على فارس بالوجوه

..دخلت سبحت وطلعت للظهر بدن البنات يتحظرن للحفله
العروس راحت للصالون اني دخلت للغرفة جان شعري رطب
خليت الشعري مثل الزيت خاص للشعر علمود ينطي لمعه
وريحة كوولش طيبة

..لبست فستان لون بصلي و خليت مكياج خفيف شي بسيط
بس ابرز ملامحي فتحت شعري سشورته و كعدت ارتب بي بالمشط شعري طويل كولش واسود وسرح يخبل

...ياهو الي يشوفه يتعجب بي فجأه دخل فارس واني كبل وكفت على حيلي وشعري نازل منا ومنا وكذلتي مدرجه نازله على خدودي اني رأسن خليت الشال على راسي
..شفته وكف مثل الصنم وبلع ريكه ..وكام يتأتأ بالحجي ..

فارس : دنيا ..اأأمي تصيحلج

نرمين : يحجي ويه دنيا وصافن عليه معرفت شسوي خجلت منه سد الباب واجه عليه لازمه ضحكه بالكوة وطايرة من الفرح هو كدامي ومااكدر ارفع عيني بعينه

فارس: خرررررب إنه لج شنو هذا الشعر والجمال ليش جنتي حارمتني من شوووفته احجي شبيج

نرمين : بقلبي اكول شحجي وانته من اوكف كبالك اخرب الاول و التالي و اكوم أخيط و أخربط ..حيل إرتبكت من طريقة كلامه  و نبرة صوته ..فارس اطلع بره عليك الله فارس اطلع ..شفته تقرب اكثر

فارس : واذا ماطلعت شسوين؟؟!

نرمين : اعيط والم العالم عليك ..رجعت ليورى وهو تقدم عليه تلمست وراي الميز بعد ماكو مفر وكف كبالي وقريب كولش عليه وكال ..

فارس : ههههه من حسن حظي حتى كلها تعرف و اعقد عليج
هسه ويا اختي تطلع بت من هل بيت و تدخل شمعه تنور حياتي والبيت

نرمين :لزم خصله من شعري طالعه من الشال وراد يشتمها سحبتها من ايده .. فارس ليش متطلع
فارس: احبج .احبج .احبج ..احبببببج ..

نرمين : افتهمت شنو هل تبذير ...صرت مثل السعفه كدامه ..تقدم اكثر عليه وصار وجهه بشعري اني دنكت ..هو اخذ شالي من راسي سحبه وخله على وجهه وشمه

فارس : انتي متخليني اشمج على الاقل اشم شالج بي ريحتج
افييييششش هسه ردت ارويحتي

نرمين : سحبت الشال من ايده بس هو اقوى مني عت الشال حيل من ايدي وخطف من وجهي وحيل سحبني عليه من خصري  ..خربط كل احوالي ودنيا ماكو اختفت ردت بس وحده تدخل علمود يوخر ..فارس عوفني شبيك تخبلت ليش هيج
تسوي حركات مال ادبسزية شفته مو يمي اصلاً بغير عالم وصافن عليه ولازمني وايد لازم بيها خصري وايد لازم خف ايدي ..وخر لا اعضك لزمت ايده و لكطتة بعضه ياله كمز خليت دم يطلع من مكان العضه