عشق الطوائف( عشقي)

البارت الواحد والثلاثين

♧'🌹'♧'عشق الطوائف'♧'🌹'♧'
'🌸'{عشقني سُنَيَ}'🌸'
الموسم الثاني
♧🌹♤الحلقه-6-♤🌹♧
الكاتبة:- فاطمة علي
🌸لايك+تعليق🌸

الحب هو شعور عميق بالإعجاب بشخص ما،
والحب الحقيقي هو أفعال صادقة على أرض الواقع،
وهو الوعد بالبقاء على العهد حتى وإن طالت المسافات فيما بينهم،

..
نرمين : بعد قراري بعمر واني جي يتقدم اليه ، بس جنت خايفة من اهله مااعرف ليش بس جان بقلبي خوف منهم ان هم خاف يرفضون ، دك تلفوني ، جدو جان يدك عليه ، رديت ، الووو ، هاجدو شلونك ..

الجد: الحمد لله بخير اذا انتي بخير ..

نرمين : بخير بخير ، بيبي شلونها ،شخباركم ..

الجد : والله الحمد لله ، بس مشتاقيلج  بنيتي ليش انتي الوحيده من احفادي متسألين عليه ، ولا تجيني الا اخابرج او اذكرج بيه ، باله جنه انكول بالمدرسه وعدها امتيحانات و دروس ومتكدر تجي بس هسه كلية وكبرتي وتكدرين اطلعين براحتج وتمرين علينه ، بس جنتي ترحين البيت عمتج بالكوت ذيج اتركضين الها ، ماخفي في القلب كان اعظم ...

نرمين : هههههه لا جدو شبيك اكلتني هيج اكل ، تدلل هل ايام اني امر الكم وها ابات يمكم بعد شتريد ..

الجد : اي خوش هذا الحجي الزين، اني ولدي وبناتي ينسوني بالسنه حسنه يذكروني
الجده : لا على بختك حجي ، كل يوم واحد منهم طافر هو ولده وبنات انوب مزوجيهم ان شاء الله راح اتشوف ولد احفادك صلي على محمد حجي ...
الجد : اللهم صلي على محمد وال محمد ، يمعوده حجيت هيج علمود نرومه يحن قلبها علينه ، ياله بنتي منتظريج بعد اخذي راحتج ماريد اطول عليج اكثر ..

نرمين : لا جدو براحتك ماعندي شي ، خاف انت اتريد تشرد لو تخاف على الرصيد ، ههههههه ، احب مداهر جدو بيبي صارلهم ب ٥٠ سنه مع بعض واحد يحب الثاني جدو كووولش مثقف وتزوج بيبي عن حب ، وضل هل الحب الحد هاي اللحظه ، سديته من جدو نزلت الامي كتلها واتفقت وياهه تاخذني البيت جدو ، بس كون لا طيف ولا غيث ...

... مشت الايام طبيعي وكل يوم اشوف عمر بس وضعه مو تمام حتى سد موضوع الخطوبه وكام ميحجي وياي بيها احس فرحته ضاعت بوجهه مو مثل معفته قبل يومين ، يوم عن يوم يبين ان هو مكسور بس ميريد يبين ، حتى ميضحك هواي ، دوام عاد وروتين طبيعي ، رحنه البيت جدو جان يوم جمعه ، واكيد غيث وطيف موجودين ، دخلنه جانت خالتي ام زيد و اختي عذراء جايه وياهم و اكيد طيوف لان تصير اخت زيد زوج عذراء ، شكد غثيثه بالكوه سلمت عليه شايفه روحها شوفه ماادري على شنو ، شويه شوية كامت الافواج تجي البيت جدو الحد الساعه ١١ونص كل خوالي وخالاتي اجو اني اتكترت على صفحه مثل كل عادتي و اخذتلي زاوية واتصفح بالتلفون ..