عشق الطوائف( عشقي)

البارت السادس والثلاثين

♧'🌹'♧'عشق الطوائف'♧'🌹'♧'
'🌸'{عشقني سُنَيَ}'🌸'
الموسم الثاني (قدري)
♧🌹♤الحلقه-11-♤🌹♧
الكاتبة:- فاطمة علي
🌸لايك+تعليق🌸

💞
أين الذي أقسمتُ حين تركتهُ
أن لن أزور بلهفتي ذكراهُ
فتزورني الذكرى كصبح جبينهِ
وأزورها متناسيًا سلواهُ

والليل يأتي ثم أقسم مرةً
أخرى فأحنثُ مؤمنًا بهواهُ
فكأنني بين الرجاءِ وضدِّهِ
فارس💔نرمين

نرمين : ان شاء الله حبيبي و عمري ، رجع حظني حيل
ويهمس كلمات حب و رومانسية باذني، كمت من يمه عدلت شالي وطلعت من الاستقبال ، شافتني ماما ضحكت بوجهي ،خجلت منها عفتها وصعدت فوك ، بليل نزلت عرفت ان ابوية وعمر متفقين ان مو هل جمعه الجمعه الجاية العرس ، بدينه بالتحظيرات ، اني مشترية كولشي بس بقت البدلات رحنه اجرنه بدلت وحده بنفسجي وبيضه ثنينهن باربيات ، و حجزت بصالون ....

....عمر بهاي الفترة جان طاير من الفرح وكل شوية يدزلي رساله ماصدك بعد كم يوم انتي يمي ، واني اكوله ياله مضل شي كلها يومين تلاثه اني يمك ، اجن خواتي فاطمة وعذراء قبل العرس بتلث ايام ، شغلن دي جي ويركصن وهلاهل بالرايحه والرجعه هههههه وطبعاً اني وياهن بس ميقبلن اشتغل لان وراي عرس ، نظفن البيت كله من فوك ليجوه ، تمارة تحججت بحملها ، كاعدات يعلگن بالبردة ويحجن بيها ..

فاطمة : عوفوها براحتها احنه دنظف البيت هو شيحتجلها شو البيت نظيف ....

نرجس : لا فدمره صايره ، امي وابوية مدللينها هواي حتى اكثر مني ومن نرمين...

سمية : ياعيني غير حامل ، ومرت اخوجن الوحيد ليش تخسرن اخوجن من هل كلام الفاضي ...

نرجس : اي انتي ضلي دافعيلها ، خوب ابوية حسرة عليه احجي كلمة كبل يگب ابوجهي ، زين مو هاي عذراء هم حامل وبنفس الشهر هي وياهه شو شوكت ما نروحلها تنظف وتشتغل ، وهاي ويانه من احت الحد هسه كعدت خطية ...

نرمين : نرجس عوفي البنية شلحيتي وياهه ، وبعدين كل مره تختلف عن مره اكو وحده تتحمل الحمل واكو وحده لا متتحمله ، كعدت على صفحه ههههه والله مراهقه وطفله متكبرين ابد ...

فاطمة : اه زعلت ، كل من ابوية هواي مدللج ، على ابو بزر الكعده ، لو نايم بذيج الليله ، يعني يمه الاتخلفوها ، الي بعمرج عدهن ثنين جهال وشايلات بيوت ...

سميه : عزه العزاج فطيم سدي حلكج ولج عيب لحد يسمعج ..

فاطمة : منو يسمع هو بس احنه بالبيت ، ومرت اخونه عشتووو ههههههه...

نرجس : اهووو عمي اني مااحب اشيل بيوت وجهال ، خلوني اعيش حياتي اني بعدني جاهله ، يعني طفل يربي طفل ، هسه شكد حلو عمر نرومه وتزوجت ٢١سنه وعن حب رومانسيات وكذاااا ...