عشق الطوائف( عشقي)

البارت العاشر

'♧'🌹'♧'عشق الطوائف'♧'🌹'♧'
'🌸'{عشقي سُنَيَ}'🌸'

♧🌹♤الحلقه-10-♤🌹♧

الكاتبة:- فاطمة علي
🌸لايك+تعليق🌸

.
.
نرمين : كعدت بالمرجوحه اغير جو خليت السماعات بأذاني
رجعت راسي ليورى وغمضت عيني شوية وحسيت المرجوحه تحركت وثكلت فزيت باوعت شفته فارس كعد ومجتف ايده ويباوع عليه

..اني رجعت الوضعي سويت نفسي ممهتمه اله ..اسمعه يحجي وياي بس ماافهم شيكول لان مشغله موسيقى بأذاني بس بعيد صوته يدندن ميعجبني احجي ويا ..فجأه حسيت انجرن السماعات من اذني والتلفون من ايدي باوعت عليه وخزرته .. شبيك تخببببلت ؟؟!!

فارس : اي تخببببلت صارلي ساااعه احجي وياج ..شبيج حاكرتني ومتحجين وياي

نرمين :واكف كبالي ومجتف ايده وكل شوية يبتسم علمود تطلع غمازته ..ضحكت بستهزاء هههههه ..لان ميعجبني احجي لليضحك عليه ويفشلني كدام الاهل بعيونك الوكحات

، متستحي تباوع عليه خليتني اتيه دربي واوگع صرت مضحكه
انت ودكمك الصفر وزرف وجهك لمن تضحك اتكيف
حتى اطلع غمازاتك الاكرهن واني فشلانه وضايجه وانت
تتمضحك عليه ابو عيون وكيحه ..

فارس : اسف والله اسف ضحكت غصب عني
بس لمن كالو وين بالج متنتبهين عرفتج دختي من وراي

نرمين : يعدل بياخته ويفتخر ويرفع بحاجبه ويوزع ابتسامات
..جريت مبايلي والسماعات من ايده كمت دا اروح جان يصيح وراي

فارس : جمارة شوكت تحنين على هذا العبد الفقير ..شوكت تحنين عليه وتنطقين كلمة تعيشني وتريحني صار سنه انتظرها منج نرمييين ..

نرمين : درت وجهي عليه شفته يباوعلي بتوسل .. مااكدر فارس والله مااكدر اكولها احس شي يلزم اللساني
والكلمه متطلع خليها للوكت وحدها تطلع ..مد ايده وكف البدي وكالي ..

فارس : لعد تعالي اقري شمكتوب على ايدي ..

نرمين : باوعت شمكتوب على ايده بس قريته بقلبي
وهو ماد ايده وميحجي بس المكتوب جان ،
ilove you Farss
مااعرف اقرة شمكتوب ..بقلبي اسفه مااكدر انطقها طلع قلم من جيبه وكتب على ايده جوه الكلمات بالعربي
احبك فارس...

فارس : هسه اقري الانكليزي مفتهمتي بس اكيد العربي تعرفي

نرمين:قريته بقلبي كاتب احبك فارس وكفت كباله احس قلبي رجف واحس خنكه اختنكت خربطت وضعي كمت احس كوه اجر النفس كلمة احبك واحبج سببتلي حالة نفسية
..عفته ومشيت واني اشوف عيون وسام من يكولي نرمين احبج كوللي احبك

..حيل ضجت لان مجاوبته ليش هيج سويت واني احبه
اي والله احبه ليش محجيت ..دخلت الغرفتي واني اكل بروحي وضليت اروح واجي ..احس شي يمنعني من اريد
انطق احبك فارس كلمة احبك متوفي بحقك ..اموت الف موته من اتذكر نظرته بلهفه وحبه الي